ഹൌ ഓൾഡ്‌ ആർ യു ? ( 7 / 10 )

ഹൌ ഓൾഡ്‌ ആർ യു ? ( 7 / 10 )
റോഷൻ ആണ്ട്രുസ് കഥയും സംവിധാനവും ബോബി സഞ്ജയ്‌ എന്നിവർ  തിരക്കഥയും ഒരുക്കിയ ഹൌ ഓൾഡ്‌ ആർ യു   മഞ്ജു  വാര്യരുടെ തിരിച്ചു വരവ് ചിത്രമെന്ന നിലയിൽ ഗംഭീരമാക്കിയിരിക്കുന്നു  എന്ന് നിസംശയം പറയാം  …  

Directed by    Rosshan Andrrews
Produced by    Listin Stephen
Written by    Bobby Sanjay
Manju Warrier  Kunchako Boban  Kanika  Lalu Alex  
Music by    Gopi Sunder
time    141 minutes

 

മികച്ച തിരക്കഥ , നല്ല  അവതരണം , തെറ്റില്ലാത്ത  കാമറ , അനായാസമായ അഭിനയമുഹൂർതങ്ങളുമായി കഴിവ് തെളിയിച്ച അഭിനേതാക്കൾ , പുതുമയാർന്നതും കാലികപ്രസക്തവുമായ സന്ദേശം ഉൾക്കൊള്ളുന്ന ചിത്രം  അങ്ങനെ ഏതു  നിലയിലും ഈ ചിത്രം കാണേണ്ട ഒന്നാണ്  …

സ്ത്രീ പ്രേക്ഷകർ  എന്തായാലും കണ്ടിരിക്കേണ്ട ഒരു ചിത്രമാണ് ഇത് എന്നുകൂടെ ഈ അവസരത്തിൽ പറയട്ടെ .. ദ്വയാര്ത പ്രയോഗമുള്ളതോ , കുടുംബതോടുകൂടെ കാണാൻ കൊള്ളാത്ത വിധത്തിലുള്ളതോ ആയ ഒന്നും ഈ ചിത്രത്തിൽ ഇല്ല .. ഏതു തരം  പ്രേക്ഷകരെയും  രസിപ്പിക്കുന്ന രീതിയിലാണ് ചിത്രം ഒരുക്കുയിരിക്കുന്നത്  …

കഥയൊന്നും ഇവിടെ ചേർക്കുന്നില്ല ,  കല്യാണതോടുകൂടെ കുടുംബതിലേക്ക് ഒതുങ്ങിക്കൂടപ്പെടുന്ന കേരളത്തിലെ ഒരു വിധം എല്ലാ  സ്ത്രീകളുടെയും പ്രതിനിതിയാണ്  നിരുപമ എന്ന യുഡിസി ( മഞ്ജു വാര്യർ അവതരിപ്പിക്കുന്ന കഥാപാത്രം ) .. ഒരു ഘട്ടത്തിൽ  അമ്മ പോരല്ലോ അല്ലെങ്കിൽ ഭാര്യക്ക് കുറച്ചുകൂടെ കഴിവുണ്ടായിരുന്നെങ്കിൽ  എന്ന് വിചാരിക്കുന്ന ഒട്ടനേകം  ഭർത്താക്കന്മാരുടെ / മക്കളുടെ ചോദ്യങ്ങൾക്ക് ഉത്തരം നൽകുന്ന ഒന്നുകൂടെയാണ് ഈ ചിത്രം ..

കുന്ജക്കോ ബോബൻ , തെസ്നി ഖാൻ , ലാലു അലക്സ് , കനിക , വിനയ് , സുരാജ് വെഞ്ഞാറമൂട് എന്നീ നീണ്ട ലിസ്റ്റു തന്നെയുണ്ട്‌ ഈ ചിത്രത്തിൽ ..
മികച്ച ഗാനങ്ങൾ , വശ്യതയാർന്ന സംഗീതം അങ്ങനെ ഒന്നും ഈ ചിത്രത്തിൽ ഇല്ല .. പക്ഷെ  ഈ അവധിക്കാല അവസാന ദിവസങ്ങളിൽ അല്ലെങ്കിൽ ഇപ്പോൾ ഇറങ്ങിയ മറ്റു ചിത്രങ്ങളുമായി താരതമ്യ പഠനം നടത്തിയാലും ഏതു വിധത്തിലും  മുടക്കുന്ന കാശിനു നൂറു ശതമാനം സംതൃപ്തി ഈ ചിത്രം നിങ്ങൾക്ക്  തരും എന്ന് ഉറപ്പു തരാം … കണ്ടിരിക്കേണ്ട  ഒരു ചിത്രമാണ്
ഹൌ ഓൾഡ്‌ ആർ യു ? ( 7 / 10 )

 

സജിത്ത്   ,    https://www.facebook.com/iamlikethisbloger

 

 

 

Digiprove sealCopyright secured by Digiprove © 2014 Sajith ph
Posted in സിനിമ | Tagged | Comments Off on ഹൌ ഓൾഡ്‌ ആർ യു ? ( 7 / 10 )

മാമ്പഴ പുളിശ്ശേരി

മാമ്പഴ പുളിശ്ശേരി

മാമ്പഴം ഇഷ്ടമില്ലാത്തവർ ആരും തന്നെ കാണില്ല .. മാമ്പഴ പുളിശ്ശേരിയുടെ കാര്യവും അതുപോലെ തന്നെ .. വെറും പതിനഞ്ചു മിനിട്ട് കൊണ്ട് തയാറാക്കാവുന്ന രുചികരവും ആരോഗ്യപ്രദവുമായ തൊട്ടുകൂട്ടൽ കൂട്ടാനാണ് മാമ്പഴ പുളിശ്ശേരി …  ഇതുണ്ടാക്കുന്നത് വളരെ എളുപ്പവുമാണ്  ..

 

വേണ്ട ചേരുവകൾ

മാമ്പഴം : മൂന്നോ നാലോ എണ്ണം ( നാരുള്ള  ഗോമാങ്ങ ഇനത്തിൽ പെട്ടതും തൊലി കട്ടിയില്ലാത്തതും കയ്പ്പില്ലാത്തതുമായ മാമ്പഴമാണ് ഉത്തമം )
മഞ്ഞപ്പൊടി : ഒരു നുള്ള്
മുളകുപൊടി : ഒരു ടീ സ്പൂണ്‍
ഉപ്പു : ആവശ്യത്തിനു
പച്ചമുളക് : നാലെണ്ണം
തേങ്ങ ചുരണ്ടിയത് : ഒരു തേങ്ങാ മൂടി
തൈര് : അര കപ്പ്
ജീരകം : ഒരു   ടീ സ്പൂണ്‍
വറ്റൽ മുളക് – 2 എണ്ണം  കടുക് : അര  ടീ സ്പൂണ്‍ വെളിച്ചെണ്ണ : 2 ടേബിൾ സ്പൂണ്‍   ഉലുവ : ഒരു നുള്ള്
കറിവേപ്പില : മൂന്നു കൊത്ത്

മാമ്പഴം ചെറു കഷണങ്ങൾ ആക്കി അതിൽ മഞ്ഞപ്പൊടിയും മുളകുപൊടിയും പച്ചമുളക് കീറിയിട്ടതും കറിക്ക് വേണ്ട ഉപ്പും ചേർത്ത് കത്തുന്ന അടുപ്പിൽ കുറച്ചു വെള്ളവും തെളിച്ചു വേവാൻ വെക്കുക

ഏഴ്  മിനിട്ടിനുള്ളിൽ അവ നന്നായി വെന്തു വരും .. അതിലേക്കു തേങ്ങാ ചുരണ്ടിയതും ജീരകവും കൂടി ചേർത്ത് തരു തരിപ്പോടെ അരച്ചെടുത്തത് ചേർത്ത് വീണ്ടും തിളപ്പിക്കുക … ഒന്ന് വെട്ടിതിളച്ചു കഴിഞ്ഞാൽ അടുപ്പിൽ നിന്നും മാറ്റി വെക്കുക ..എന്നിട്ട് അര കപ്പ് തൈര് + ഉലുവ പൊടിച്ചതും ചേർത്ത് ചെറുതായി ഇളക്കുക  .. ( തൈര് അതികം ചൂടുള്ള കറിയിൽ ഒഴിച്ചാൽ ഒരുകി അതിന്റെ സ്വാഭാവികതയും കറിയുടെ  ടെക്സ്ച്ചരും നഷ്ട്ടപ്പെടും )  ..  
ശേഷം വെളിച്ചെണ്ണ ചൂടാക്കി കടുക് പൊട്ടിച്ചു  വറ്റൽ മുളക് + കറിവേപ്പിലയും ചേർത്ത് ഇളക്കി  അവ മാറ്റി വെച്ചിരിക്കുന്ന നമ്മുടെ കറിയിലേക്ക്‌ ചേർക്കുക .. അടച്ചു വെക്കുക  ..

 

 

 

അഞ്ചു മിനിട്ടിനു ശേഷം ഇളക്കി വിളമ്പാം  .. രുചിയെകും മാമ്പഴ പുളിശ്ശേരി  തയ്യാർ   …
സജിത്ത്   ,    https://www.facebook.com/iamlikethisbloger

 

 

Digiprove sealCopyright secured by Digiprove © 2014 Sajith ph
Posted in cooking: My passion | Tagged | Comments Off on മാമ്പഴ പുളിശ്ശേരി

ചിതലരിക്കും മോഹങ്ങൾ ..


എഫ്ബിയും ഗൂഗിളും തരുന്ന സ്വാതന്ത്രത്തിനു നടുവിലും  ചില മോഹങ്ങൾ  ചിതലരിക്കുന്നു  

 

 

 

 

 

കത്തിയമരുന്ന ചൂടിലുരികിയമരുമ്പോളും
കരിമ്പനയിൽ നിന്നൊരു നങ്കിയെങ്കിലും കിട്ടിയെങ്കിലെന്നൊരു  മോഹം

 

അസ്ഥിമാത്രമവശേഷിപ്പിച്ചാ അണ്ണാറക്കണ്ണന്മാർ  അകലുമ്പോഴും
ചക്കരമാവിൽ നിന്നൊരു മാമ്പഴമെങ്കിലും കിട്ടിയെങ്കിലെന്നൊരു മോഹം

 

 മറന്നേക്കൂമെന്നവൾ  പറഞ്ഞു  നടന്നകലുംപോഴും
വെറുതെയെങ്കിലും തിരിഞ്ഞുനോക്കിയെങ്കിലെന്നൊരു മോഹം

 

സമയമില്ലാക്കഥകളുടെ  തിരക്കിലാരോക്കെയോ  അകലുമ്പോഴും
നിനക്ക് ഞാനുണ്ടെന്നൊരു വാക്ക് കേൾക്കാനൊരു മോഹം

 

 വിയർപ്പുതുള്ളികൾ കടലായ്  പെരുകുമ്പോഴും
 ഒരു മഴതുള്ളിയെങ്കിലും പിറന്നെങ്കിലെന്നൊരു  മോഹം

 

ഒടുവിൽ തുള്ളിക്കൊരു കുടം മഴയായ് പൊഴിയുമ്പോൾ

ഒരു പുതപ്പിനടിയിൽ വെറുതേ പെയ്യുന്ന മഴയെ വെറുതേ നോക്കി  വെറുതേ എന്തെങ്കിലും നിനച്ച് വെറുതെയങ്ങനെ കിടക്കാൻ വെറുതെയൊരു മോഹം 

 

മോഹങ്ങൾ  മോഹങ്ങൾ മാത്രമായവശേഷിക്കുമ്പോൾ
 മോഹങ്ങളില്ലാത്ത ജന്മത്തിനായ്  ഒരുമോഹം മാത്രം ബാക്കി …

 

സജിത്ത്   ,    https://www.facebook.com/iamlikethisbloger

 

 

Digiprove sealCopyright secured by Digiprove © 2014 Sajith ph
Posted in കഥ/കവിത | Tagged | Comments Off on ചിതലരിക്കും മോഹങ്ങൾ ..

ഈ പാപിയോട് പൊറുക്കുക …

 അവളെ കണ്ടപ്പോൾ ഇളം കറുപ്പ് നിറമുള്ള ആ മേനിയിൽ ഒന്ന് തലോടാൻ പറ്റിയെങ്കിൽ എന്നാണ് ആദ്യം  തോന്നിയത് ..  ഈശ്വരാ ഇത്രയും മനോഹരമായ ഒന്ന് ഈയടുത്തൊന്നും കണ്ടിട്ടില്ല .. നല്ല പുഷ്ടിപ്പുള്ള ആകാര വടിവ് …

സമയം പുലർച്ച ഒന്നര കഴിഞ്ഞിരിക്കുന്നു ..

പാലക്കാടിപ്പോൾ ആരും മനസമാധാനമായി ഉറങ്ങാറില്ല എന്ന് തന്നെ പറയാം ..   നാൽപ്പത്തൊന്നു ഡിഗ്രി ഉഷ്ണതിനിടയിൽ  തളർന്നു മയങ്ങുകയാണ് പതിവ് ..

 പക്ഷെ  എന്തോ എവിടെയോ ഒരു തേങ്ങൽ …  ഒരു നിമിഷം പുറകോട്ടു ഓർത്തപ്പോൾ  …ഏതു വിധത്തിൽ നോക്കിയാലും ചെയ്ത മഹാപാപം നിദ്രയെ തകർത്തെറിയുന്നു  .. മനസമാധാനം നഷ്ട്ടപ്പെട്ടിരിക്കുന്നു ..  ഒരു നിമിഷത്തെ ആവേശം നിയന്ത്രിചിരുന്നെങ്കിൽ  അല്ലെങ്കിൽ  ഒരു നിമിഷത്തെ മൌനം കൊണ്ട് ദൈവത്തിൻറെ മഹാസ്രിഷ്ടികളിലോന്നിനെ ..
ചൂടില നിന്ന് രക്ഷ നേടാൻ പടുപ്പുരയിൽ അഭയം പ്രാപിച്ച എന്റെ കണ്ണുകളെ വരവേറ്റത് അപ്രതീക്ഷിതമായ  ഒരു കാഴ്ചയായിരുന്നു ..

 അവളെ കണ്ടപ്പോൾ ഇളം കറുപ്പ് നിറമുള്ള ആ മേനിയിൽ ഒന്ന് തലോടാൻ പറ്റിയെങ്കിൽ എന്നാണ് ആദ്യം  തോന്നിയത് ..  ഈശ്വരാ ഇത്രയും മനോഹരമായ ഒന്ന് ഈയടുത്തൊന്നും കണ്ടിട്ടില്ല .. നല്ല പുഷ്ടിപ്പുള്ള  കഴുത്തിനെ മറയ്ക്കുന്ന ആകാര വടിവ് … അതുകൊണ്ട് തന്നെ കണ്ണുകളിലെ തിളക്കം കാണാൻ കഴിഞ്ഞില്ല .. ചൂടിൽ മയങ്ങിക്കിടക്കുക ആയിരിക്കണം  ..  

പൊടുന്നനെ സിരകളിലേക്ക് തിരിച്ചറിവിൻറെ  മാറ്റൊലികൾ പാഞ്ഞു .. പെട്ടെന്ന് മസ്തിഷ്കം പ്രതികരിച്ചു , അയ്യോ ..  

രണ്ട് മൂന്നു  നിമിഷത്തിനുള്ളിൽ അത് സംഭവിച്ചു ..   ചിലപ്പോൾ  ഒരു നേരത്തെ ഭക്ഷണം തേടി ഇറങ്ങിയതാകണം .. എപ്പോൾ തിരിച്ചെത്തുമെന്ന് പ്രതീക്ഷിച്ചു ദൂര വിദൂരതയിൽ ആരോ കാത്തിരിക്കുന്നുണ്ടാകണം ..  .. പക്ഷെ  മനോഹരമായ ഈ ഭൂമിയിലെ ഒരു കാഴ്ചയും ഒരു ശബ്ദവും അവളെ ഇനി കാത്തിരിക്കുന്നില്ല  .. 

എന്നെയവൾ ഒന്നും ചെയ്തില്ലെങ്കിലും  ഭീരുവായിരുന്നോ ഞാൻ ?   
ഭാരമുള്ള മുട്ടൻ വടിയൊന്നവളെ സ്പര്ശിച്ചപ്പോഴും  അവൾ പ്രതികരിച്ചില്ല .. ” നിന്നെ ഞാൻ ഒന്നും ചെയ്തില്ലലോ എന്നിട്ടും നീയെന്നെ ” എന്നതായിരിക്കണം അവസാനമായി അത് ചിന്തിച്ചത് ..

  ഒരു തരത്തിൽ ഞാൻ പാപിയാണ് ..   ഭയത്തിന്റെ പേരിൽ   വേറൊരു ജീവൻ അപഹരിക്കാൻ എന്തവകാശം ..   അവൾ എന്റെയടുത്തു എപ്പോൾ മുതൽ കിടന്നിരുന്നു എന്നറിയില്ല .. ഈ നിമിഷവും ഞാൻ ജീവിചിരിക്കുന്നെങ്കിൽ ഉപദ്രവിക്കണം എന്നൊരു ചിന്ത ഇല്ലാത്ത ഒരു ജീവനായിരുന്നു അത് ..  ഒന്നും മിണ്ടാതെ ഇരുന്നെങ്കിൽ ഒരു പക്ഷെ  അവളെ കാത്തു ദൂര വിദൂരതയിൽ ഇരിക്കുന്ന ആരൊക്കെയോ ചിലർക്ക് എന്തൊക്കെയോ ചിലത് നഷ്ട്ടപ്പെടില്ലായിരുന്നു .. അതൊന്നും ഓർക്കാതെ   …

” അറിഞ്ഞു തെറ്റ് ചെയ്യുന്നവൻ വേദനിക്കണം ..
അബദ്ധത്തിൽ ചെയ്യുന്ന പിശകിന്  പശ്ചാത്തപിക്കണം  ”   എന്ന് കേട്ടിട്ടുണ്ട് .. 

ഹൃദയം നുറുങ്ങുന്ന വേദനയോടെ പശ്ചാത്തപിക്കുന്നു .. ഈ പാപിയോട് പൊറുക്കുക  …

സജിത്ത്   ,    https://www.facebook.com/iamlikethisbloger  

 

 

Digiprove sealCopyright secured by Digiprove © 2014 Sajith ph
Posted in കഥ/കവിത | Comments Off on ഈ പാപിയോട് പൊറുക്കുക …

നിദ്രാഭംഗിണി – ഒരു സിഎസ് പെണ്ണ് കാണൽ


ഒരിക്കൽ മാത്രം കണ്ട   ഒരു പെണ്‍കുട്ടിക്ക്  ഒരു  രാത്രിയിലെ ഉറക്കം മുഴുവൻ കളയാൻ  കഴിയുമെന്നു ഒരിക്കലും വിചാരിച്ചിരുന്നില്ല  ..
ജീവിതത്തിൽ അതും സംഭവിച്ചു കഴിഞ്ഞിരിക്കുന്നു  …. 

 

നിദ്രാഭംഗിണി .. ഇടക്കെപ്പോഴോ ഉറങ്ങി വന്നപ്പോൾ . വർദ്ധിച്ച ഹൃദയമിടിപ്പുകൾക്കിടയിലും   സ്വപ്നമായ് !!

രണ്ടു മാസം മുൻപെന്നു തോന്നുന്നു , ഒരുച്ച മയക്കത്തിന്റെ ആലസ്യത്തിൽ പാലക്കാടൻ കാറ്റേറ്റ് തളർന്നുറങ്ങുന്ന നിമിഷത്തെ ഭംഗിച്ചുകൊണ്ടു  ഫോണ്‍ ബെല്ലടിച്ചത്  .. സ്വാഭാവികമായും അതൊരു  പ്രൊപ്പോസൽ ആയിരുന്നു .. അയാളുടെ മകൾക്ക് വേണ്ടിയായിരുന്നു  .. കുട്ടി സിഎസ് പഠിക്കുന്നു എന്നാണ് പറഞ്ഞത്  …

ജാതകച്ചേർച്ച നോക്കൽ എന്ന നൂലാമാല കഴിഞ്ഞു അത് മുന്നിലേക്കെത്തി .. മൂന്നോ നാലോ തവണ ആ കുട്ടിയുടെ അച്ഛൻ വിളിചിരുന്നതുകൊണ്ടും ഒരുപാട് സംസാരിച്ചിരുന്ന ആളായതുകൊണ്ടും വീട്ടുകാർ അത് കാര്യമായി തന്നെ ഏറ്റെടുത്തു  ..കമ്പനി സെക്രടറി കോഴ്സ്  പഠിക്കുന്ന ഒരു കുട്ടി എന്ന് കേട്ടപ്പോൾ  മനസ്സിൽ ഒരു മോഹമുദിച്ചു  , ഈശ്വരാ എങ്കിൽ മുടങ്ങിക്കിടക്കുന്ന  എംബിഎ  പൂർത്തിയാക്കാം  … അക്കൌണ്ടനസി  പാടായതുകൊണ്ടാണ് എംബിഎ പാതി വഴിയിൽ ഉപേക്ഷിച്ചത് ..

നാളുകളുടെ കാത്തിരിപ്പുകൾക്ക് ശേഷം  ആ ദിവസം വന്നെത്തി .. അതെ  പെണ്ണ് കാണൽ !!   ഒരു വലിയ ഹാളിന്റെ ഇരുവശത്തും ഒരേ രീതിയിൽ   പണി കഴിപ്പിച്ചിരുന്ന ആ വീടിന്റെ സ്വീകരണ മുറിയിലേക്ക് കയറുന്നതിനു മുൻപ് ശ്രദ്ധിച്ചത്  എവിടെയോ കണ്ടു മറന്ന  പാലട പ്രഥമൻ പോലത്തെ നിറമുള്ള  ബ്രതർ- ഇൻ-ലോയുടെ  മുഖമാണ് .. ഏതൊക്കെയോ മലയാളം ടെലിവിഷൻ സീരിയലുകളിലാണ്  അതെന്നു പിനീട് മനസിലായി  ..

തണുത്ത നാരങ്ങാ വെള്ളതിൽ ചൊക്കലെറ്റു ക്രിസ്ടൽ  പാകിയ ഗ്ലാസുമായി ഒരു പെണ്‍കുട്ടി പ്രത്യക്ഷപ്പെട്ടു

” ഇതു താനോ അത് ”  എന്നൊരു സംശയം മനസ്സിൽ ഉദിചപ്പൊഴെക്കും   ബ്രതർ- ഇൻ-ലോ ഒരു ചെറു ചിരിയോടെ പറഞ്ഞു , ഇതെൻറെ വൈഫ്‌   ..  . നല്ല ദാഹം ഉണ്ടായിരുന്നതുകൊണ്ടും  ചൂട് 41 ഡിഗ്രിയിൽ കൂടുതൽ ഉണ്ടായിരുന്നതുകൊണ്ടും  ഒന്ന് രണ്ടു ഗ്ലാസ്‌ കൂടെ കിട്ടിയാൽ കൊള്ളാം എന്നുണ്ടായിരുന്നെങ്കിലും  ചായ വാരാനിരിക്കുന്നതല്ലേ ഉള്ളൂ എന്ന് സമാധാനിച്ച് അതും കുടിച്ചു സംസാരത്തിൽ മുഴുകി …

ഭാവികയെ വിളിക്കൂ എന്നൊരു ശബ്ദം ഇടക്ക്  കേട്ടപ്പോൾ ഒന്നുകൂടെ ഉഷാറായി കാത്തിരുന്നു .. ഫോട്ടോയോ , യാതൊരു വിവരമോ ദർശിക്കാതെ രണ്ടു മാസത്തെ കാത്തിരിപ്പിനൊടുവിൽ  കാണാൻ പോകുന്നതിന്റെ എല്ലാ ആകാഷയും ഉണ്ടായിരുന്നു  ..

അഞ്ജരയടിയിൽ  മേലെ ഉയരമുള്ള ആപ്പിൾ കളറിലുള്ള ഒരു രൂപം പ്രത്യക്ഷമായി .. ..  ഇളം ചുവപ്പ് നിറത്തോടെയുള്ള കണ്ണുകൾക്ക്‌ പിറകെ അലസ്യമായ് ഒഴുകുന്ന  ചുരുണ്ട മുടി …

ആ കുട്ടിയുടെ അച്ഛൻ പറഞ്ഞു , മോൾ മൂന്നു മണിക്കൂർ മുൻപ് ചെന്നെയിൽ നിന്നും വന്നതേ ഉള്ളൂ  ..

സാന്ടൽ സ്പ്രേയുടെ മണം അടിച്ചപ്പോൾ പെട്ടെന്ന് ഓര്മ്മ വന്നത്  , വെയിലും മഴയും തട്ടാതെ തഴച്ചു വളർന്ന മറയൂർ കാടുകളിലെ ഒത്ത ചന്ദന മരത്തിന്റെ ചിത്രമാണ് ..

സാധാരണ വർത്തമാനങ്ങൾക്ക്‌  ശേഷം , നിങ്ങൾക്കെതെങ്കിലും സംസാരികണേൽ ആവാം എന്ന് കേട്ടപ്പോൾ .. എണീറ്റ്‌ നടന്നു  ..

ഡൈനിംഗ് ടേബിളിലെ കസേര ചൂണ്ടി ആ കുട്ടി പറഞ്ഞു , ഇരിക്കൂ
കുഴപ്പമില്ല , നില്ക്കുന്നതിലാണ് ഞാൻ കംഫർട്ടബിൾ
അല്ല , ഇരിക്കൂ  എന്ന് വീണ്ടും പറഞ്ഞപ്പോൾ  നഴ്സറി ക്ലാസിലെ ഒരു കുടിയുടെ അനുസരണയോടെ  ഇരുന്നു  ..
തിരിച്ചു ഞാനും പറഞ്ഞു , ഇരിക്കൂ  …

എന്ത് പറഞ്ഞു സംസാരം ആരംഭിക്കണം  എന്ന് ഒരു നിമിഷം മറന്നു

ഭാവിക   സി എസ്  ചെയ്യുന്നു അല്ലെ ?
അതെ  ..
എന്നെക്കുറിച്ച് എന്തെങ്കിലും അറിയാമോ , ഞാൻ പ്രൊഫൈൽ ഡീറ്റെയില്സ്  പിഡിഎഫ്  ആക്കി കൊടുത്തിരുന്നു  ..
ഇല്ല , ഞാൻ രാവിലെ എത്തിയതെ ഉള്ളൂ  നോക്കാൻ സമയം കിട്ടിയില്ല  ..അല്ലെങ്കിലും നോക്കുന്നതിനെക്കാൾ നല്ലത് നേരിട്ട് പറയുന്നതല്ലേ ?

ഹ്മം അതല്ല ,  അപരിചിതരായ ആളോട് സംസാരിക്കുന്നതിലും നല്ലത്  എന്തെങ്കിലും അറിഞ്ഞ ശേഷം സംസാരിക്കുന്നതാണ്

പറഞ്ഞാൽ മതി ..

അങ്ങനെ ഞാൻ ചരിത്രം മുഴുവൻ വിളമ്പി  ..

പിജി  ചെയ്തത്  എസ്എൻആർ   സണ്‍സ് കോളേജിൽ എന്ന് പറഞ്ഞപ്പോൾ ചോദിച്ചു  

അതെവിടെയാണ്

ഹിന്ദുസ്ഥാൻ കോളേജ് കേട്ടിട്ടുണ്ടോ ?

അതിന്റെ അടുത്താണോ ?
അല്ല അതിന്റെ നേരെ എതിരെയാണ്  

അപ്പോഴേക്കും ചായ ഗ്ലാസും സ്നാക്ക്സുമായി ആ കുട്ടിയുടെ അമ്മ എത്തി ..

ഒരു ഇടവേളയിൽ അവൾ പറഞ്ഞു തുടങ്ങി
ഞാൻ ഡിഗ്രി ചെയ്തത്  സെയിന്റ് ട്രീഷ്യ  ഏറണാകുളം ആണ്

ഒരു നിമിഷം ഞാൻ തിരിച്ചു ചോദിച്ചു , സെന്റ്‌  തെരേസാസ് ?
ഹ്മം സെയിന്റ് ട്രീഷ്യ

പിജി   കോയമ്പത്തൂർ  …  എം എസ്സി മാത്സ്‌ പഠിക്കാൻ   കോയമ്പത്തൂർ   പോകേണ്ടല്ലോ  . സൊ എംസിഎ പോകാൻ ചില ആളുകൾ അട്വൈസ് ചെയ്തു , പക്ഷെ i dnt like that field അങ്ങനെ എംസിഎസ്  ചെയ്തു it was actually a great fun from beginning .. .and after that   CS   ……..

                         …       ഒരു മാസത്തിനുള്ളിൽ icsi യിൽ പേപ്പർ സബ്മിറ്റ് ചെയ്യണം പിന്നെ കുറെക്കൂടെ ട്രെയിനിംഗ് ഉണ്ട്  .. കുറെ
തിയറി  പേപ്പേർസ് പഠിക്കാനുണ്ടായിരുന്നു  ..       

                                                                           …        വേറെയും കുറെ പ്രൊപ്പൊസൽസ് വന്നതാണ് .. actually I am busy with studies .. ട്രെയിനിംഗ് ..  സിഎസ്  ന്നു പറഞ്ഞാൽ നമ്മൾ പ്പോഴും അപ്ഡേറ്റ്ട്‌  ആകണം

ആ നിമിഷം ഞാൻ  കേറി ഇടപെട്ടു , അറിയാം 19 തിയറി പേപ്പേർസ്  പിന്നെ ഏകദേശം ഒന്നര വർഷത്തോളം ട്രെയിനിംഗ്  ..

ഒരിടവേള കിട്ടിയെങ്കിൽ ചായ കുടിക്കാമായിരുന്നു എന്ന് തോന്നി ..പക്ഷെ ..
.
 19 തിയറി പേപ്പേർസ് ? അല്ല അതല്ല

അതെ , ഡിഗ്രി ചെയ്തവര്ക്ക്  ഫൌണ്ടേഷൻ കോഴ്സ് സ്കിപ് ചെയ്യാമല്ലോ  .. പിന്നെ എംസിഎസ് ചെയ്തവർക്കും എക്സികുട്ടിവ്  പ്രോഗ്രാമിലെ നാല് പേപ്പർ എഴുതെണ്ടല്ലോ  …( ഒരു മണിക്കൂർ ഹോംവര്ക്ക് ചെയ്തു മനസിലാക്കിയാണ് ഞാൻ പോയിരുന്നത് )

ഇപ്പോൾ എല്ലാം മാറി ..അത്ര പേപ്പർ വേണ്ട   ഞാൻ പറഞ്ഞല്ലോ നമ്മൾ എപ്പോഴും അപ്ഡേറ്റ്ട്‌  ആകണം

ഞാൻ രാവിലെ വരുമ്പോൾ ICSI സൈറ്റിൽ കേറി നോക്കിയതാണ് അതിനുള്ളിൽ അപ്ഡേറ്റ് ആയോ എന്നറിയില്ല എന്ന് ഞാൻ പറഞ്ഞു

ഭാവികയത് കേട്ടതായി ഭാവിച്ചില്ല

ഞങ്ങൾ സിഎസ്  , we are the top .. bridge between government and company
lot of responsibilities.. always stress and tension and have to sync with the local/national changes

 ചായ തണുത്തു കാണുമല്ലോ എന്നൊരു ചിന്ത മനസിലേക്ക് വന്നു ..പക്ഷെ  …

you know subbu episode right ?

സുബ്ബു ?  അതാരു എന്നാ മട്ടിൽ ഞാൻ ഞാൻ ചോദിച്ചു  സുബ്ബു ?
yeah subbu .. sahara case … it was even covered in malayalam news papers

ഇംഗ്ലീഷ് പേപ്പർ വായിക്കാൻ മിക്കപ്പോഴും ഡിക്ഷനറി വേണ്ടതോണ്ട് മലയാളമാണ് വായിക്കാറുള്ളത്  .. ദൂര വിദൂരതയിൽ ഞാൻ ഓർത്തെടുത്തു .. എവിടെയോ സഹാറ എന്ന് വായിച്ചത് …..ഏതു തിയറ്ററിൽ ഏതു പടം കളിക്കുന്നു എന്ന് ചോദിച്ചാൽ എനിക്കറിയാം .. ഒരു മാസത്തിനുള്ളിൽ റിലീസ് ചെയ്ത സിനിമകളോ കാണാൻ കൊള്ളാവുന്ന സിനിമകളോ എനിക്കറിയാം ..പെട്രോളിന്റെ , സ്വർണത്തിന്റെ , അരിയുടെ മുളകിന്റെ അങ്ങനെ അതിന്റെയൊക്കെ ഇപ്പോഴത്തെ വില നിലവാരം അറിയാം …ഇറങ്ങിയ പുതു വണ്ടികൾ അറിയാം .. അതല്ലാതെ  ഈ സുബ്ബു കുബ്ബു .. അതൊന്നും കൂടുതൽ വായിക്കാറില്ല .. പക്ഷെ ഇതൊന്നും … അതുകൊണ്ട് ധൈര്യം സംഭരിച്ചു ഞാൻ പറഞ്ഞു

sorry , its national level scam .. and to be frank not my cup of tea so read roughly

എന്തോ അപ്രതീക്ഷിതം കേട്ട മാത്രയിൽ അടുത്ത ചോദ്യം ചോദിച്ചു ,

its ok  .. you know shashi sir right ? malabar one

ശശി ? മലബാർ  ? ദൂര വിദൂരതയിൽ ഞാൻ ഓർത്തെടുക്കാൻ  ശ്രമിച്ചു ..
ശശീന്ദ്രൻ ? മലബാര് സിമന്റ്സ്  ? അതാണോ

yeah right .. we filed that case for him ..

അത് ശരി  .. മലബാറിലെ ജീവനക്കാരൻ ആണെന്ന് അറിയാം പക്ഷെ പൊസിഷൻ അറിയില്ല  ..

you have to , he was the former CS there ..

ഓ ..അപ്പോൾ അങ്ങേർ  കമ്പനി സെക്രട്ടറി  ആയിരുന്നോ എന്ന് മനസ്സിൽ ഓർത്തു

and you know we have to be strong in laws too .. i am planning to do LLB

ഇനിയും നീ പഠിക്കുകയോ  ? ഇപ്പോഴേ പിടിച്ചാൽ കിട്ടുന്നില്ല എന്നോർത്ത് ഞാൻ അവളുടെ കണ്ണുകളിലേക്കു നോക്കി  ..

 its not a must thing .. just need  an eye on constitutional changes

ചായ എങ്ങനെ ഉണ്ടെന്നു പോലും .. ഛെ ഈ പെണ്ണ് ഇങ്ങനെ നേരെ നോക്കി ഇരുന്നാൽ ഞാൻ ഇങ്ങനെ എന്ന് മനസിൽ ഓർത്തു .. ചായക്കപിൽ പിടി മുറുക്കി  അപ്പോഴേക്കും അവൾ പറഞ്ഞു  ..

കുറേപ്പേർ വന്നിരുന്നു എന്നെ കാണാൻ  .. ഭയങ്കര  തിരക്കായിരുന്നു സ്റ്റഡീസ് , പേപ്പർ പ്രസന്റേഷൻ  അങ്ങനെ .. പിന്നെ they were nuts .. they haven’t heard the name CS ..  happy at-least you ..

 ങ്ങനെ ഈ ചായ ഒന്ന് കുടിക്കാം .. സംസാരം ഏങ്ങനെ നിർതിപ്പിക്കാം എന്നോർത്ത് കപ്പിലേക്ക് നോക്കിയപ്പോൾ എന്തോ മനസിലായ പോലെ അവൾ പറഞ്ഞു  ..

raji  ….. clear the table 

രാജി ? അപ്പോഴാണ് ഞാൻ കണ്ടത് ജോലിക്ക് നിന്നിരുന്ന ഒരു ചേച്ചിയാണത് 

ആ ഗ്ലാസെടുതെക്കൂ എന്നവൾ പറഞ്ഞു

.. അവർ വന്നു എന്റെ ഗ്ലാസിലേക്കു നോക്കി .. മുഴുവൻ ചായയും അതിൽ ഉണ്ടായിരുന്നെങ്കിലും ഒന്നും മിണ്ടാതെ അവർ അതെടുത്തു ഉള്ളിലേക്ക് പോയി കൂടെ സ്നാക്ക്സ് പ്ലേറ്റും

ഛെ , ഒരു മുടിൽ പോലും കുടിക്കാൻ .. അതൊർക്കുമ്പൊഴെക്കും അവൾ സംസാരിച്ചു തുടങ്ങി  ..

And you know ? the CA people ? they are doing our job too … .. and the industry needs more CS but  its tough to pass CS

ഓ  അത് ശരി  ..

എന്തെങ്കിലും വേറെ  പറഞ്ഞില്ലെങ്കിൽ അവളെന്നെ സിഎസ് എന്നാ വജ്രായുധം കൊണ്ട് കൊന്നു കൊലവിളിക്കും എന്ന് മനസ്സിൽ തോന്നിയതുകൊണ്ട് ഞാൻ ചോദിച്ചു  ..

എന്തൊക്കെയാണ് expectations ?

അവൾക്കൊന്നും മനസിലായില്ല എന്ന് തോന്നിയത് കൊണ്ട്  ചോദ്യം ആവർത്തിച്ചു  അല്ല , കല്യാണം കഴിക്കാൻ പോകുന്ന ആൾ ഏങ്ങനെ ആയിരിക്കണമെന്നാണ്  …

ഒന്ന് ചിരിച്ചു കൊണ്ട് അവൾ പറഞ്ഞു  .. nothing   much

അല്ല എന്നാലും ..

അറ്റ്ലീസ്റ്റ് പിജി കഴിഞ്ഞിരിക്കണമെന്നുണ്ട്  

അറ്റ്ലീസ്റ്റ് പിജി ? അതെന്താണ് ? ഡിഗ്രി കഴിഞ്ഞവർക്ക് വിവരം ഉണ്ടാവില്ലേ ?

അതല്ല  …അല്ലെങ്കിൽ complex  വരും   inferiority complex

ആർക്കു complex  ?

അല്ല ഞാൻ സിഎസ് ആയതോണ്ട്  ..കെട്ടാൻ പോകുന്നവൻ സിഎസ് ആയിരിക്കണമെന്നില്ല ..പിജി വേണം അല്ലെങ്കിൽ   inferiority complex
വരും

അതെനിക്ക് തോന്നുന്നില്ല .. its all depends on individuals   എന്ന് പറഞ്ഞു ഞാൻ നിർത്തി

ഒരു നിമിഷം ഞാൻ അവളുടെ കൈകളിലേക്ക് നോക്കി  … പച്ച നിറത്തിലുള്ള നെയിൽ പോളിഷ് മിന്നുന്ന വിരലുകൾ സത്യത്തിൽ വെയിലെട്ടാൽ ഇപ്പോ ഉരുകുമോ എന്ന് തോന്നിപ്പികുംപോലെ അത്ര വെളുപ്പ്‌  .. ഭക്ഷണം കഴിക്കാൻ മാത്രം അടുക്കളയില കയറുന്ന കുട്ടി ആയിരിക്കണം എന്ന് മനസ്സിൽ ഓർക്കുംപോഴേക്കും അവൾ പറഞ്ഞു

i know to prepare tea ..  Hotels are there and will get people too to cook food why we need to waste our time   ?
ഭയങ്കരം എന്ന് ഞാൻ മനസ്സിൽ ഓർത്തെങ്കിലും ഒന്നും മിണ്ടിയില്ല

എവിടെ ജോലി ചെയ്യാനാണ് താല്പ്പര്യം  എന്ന് ഞാൻ ചോദിച്ചു

I am about to get my register number cleared from ICSI sooner and already got many offers from chennai and  banglore  .. പക്ഷെ തീരുമാനിച്ചിട്ടില്ല  ..

അപ്പോൾ കേരളത്തിൽ സ്കോപ് തീരെ കുറവാണോ ?

no no .. there is 1:4 ratio difference in terms of salary

ഈ  ഫീൽഡ് ഇഷ്ട്ടപെടാൻ കാരണം ?

 freedom .. we are the top and no one above us .. no one to control us .. we are making policies for others and i love that

ഹം  ശരി  …

എന്നോട് വേറെ  എന്തെങ്കിലും ചോദിക്കാനുണ്ടോ എന്ന് ഞാൻ തിരക്കി
nothing .. all good എന്നവൾ പറഞ്ഞു

അങ്ങനെ ഞാൻ യാത്ര  പറഞ്ഞു  ഒരു കരിമ്പിൻ ജൂസും കുടിച്ച് പറഞ്ഞു ..

നമ്മൾ ഇപ്പോൾ കണ്ട കുടിയുടെ അച്ഛനെ ഒന്ന് വിളിച്ചു തരുമോ ?

ഫോണ്‍ എടുത്ത ഉടനെ പറഞ്ഞു  .. അച്ഛാ ഞാൻ ഇപ്പോൾ കാണാൻ വന്ന സജിത്ത് ആണ്  .. ഭാവിക നല്ല  കുട്ടിയാണ് നന്നായി സംസാരിക്കുന്നു .. എല്ലാം കൊണ്ടും എനിക്ക്  ഇഷ്ട്ടപ്പെട്ടു .. ഒരുപാട് ഇഷ്ട്ടപ്പെട്ടു .. അതുകൊണ്ട്  എന്നെക്കാളും വളരെ നല്ലൊരു പ്രൊപ്പോസൽ ഭാവികയെ കാത്തിരിക്കുന്നുണ്ട്  .. ക്ഷമിക്കണം .. എന്നും പറഞ്ഞു ഫോണ്‍ കട്ട്‌ ചെയ്തു

തിരികെ നടക്കുമ്പോൾ എന്തെന്നില്ലാത്ത ആശ്വാസം  തോന്നി  ..

 ” തനിക്കു താഴെ പെണ്ണും , തനിക്കു മീതെ മണ്ണും  ” എന്നാരോ പറഞ്ഞത് ശരിയായാണോ എന്ന ശങ്കയിൽ   തല്ക്കാലം വിട

സജിത്ത്   ,    https://www.facebook.com/iamlikethisbloger  

 

 

Digiprove sealCopyright secured by Digiprove © 2014 Sajith ph
Posted in കഥ/കവിത | Comments Off on നിദ്രാഭംഗിണി – ഒരു സിഎസ് പെണ്ണ് കാണൽ

വാക്കുകളെ ഇതിലേ ഇതിലേ …..


ജീവിതം നമുക്ക് മുൻപിലേക്ക് ഒരുപാട് സമ്മർദങ്ങൾ അടിച്ചേൽപ്പിക്കാൻ  തുടങ്ങുമ്പോൾ  നമ്മുക്കിഷ്ടമുള്ളപ്പോൾ  ജീവിതത്തെ ഒന്ന് നിർത്താനും  ഇഷ്ടമുള്ളപ്പോൾ തുടരാനും കഴിയുന്ന എന്തെങ്കിലും ഒന്നായിരുന്നെങ്കിൽ എന്ന്  പലപ്പോഴും കൊതിച്ചു പോകാറുണ്ട്  ..   

 

സമ്മർദങ്ങൾ  .. അത് പലപ്പോഴും  ഒരു മനുഷ്യനെ വേറിട്ട വിധത്തിൽ ചിന്തിക്കാനും  ജീവിതമേ അവസാനിപ്പിച്ചു കിട്ടിയെങ്കിൽ എന്ന് വരെ ചിന്തിക്കാനും ഇട നൽകുന്നവയാണ് ..  അറിഞ്ഞോ അറിയാതെയോ  നാം പലപ്പോഴും ഒരുപാട് പേർക്ക്  സമ്മർദങ്ങൾ നൽകാറുണ്ട്  ..   വാക്കുകളിലൂടെ , നോട്ടങ്ങളിലൂടെ , ചിലപ്പോൾ  മൗനതിലൂടെക്കൂടെ  ..    ഒരാവശ്യവും ഇല്ലെങ്കിലും വെറുതേ ഒന്ന്  നോണ്ടിക്കളയാം   എന്ന് വിചാരിച്ചോ അല്ലെങ്കിൽ അന്യൻറെ വേദന കേട്ട് സമാധാനം നമുക്കതില്ലാലോ എന്ന്  സ്വയം ആശ്വസിക്കാമല്ലോ എന്ന് വിചാരിച്ചു പോലും ..

ഒരു നാണയത്തിനു ഇരുവശം  ഉള്ള പോലെ ഒരു സമസ്യയെ അല്ലെങ്കിൽ സാഹചര്യത്തെ / ഒരു ചോദ്യത്തെ നമുക്ക് രണ്ടു വിധത്തിൽ നേരിടാം  ..
ഒരു ചോദ്യം നമുക്ക് മുന്പിലെക്കെതുമ്പോൾ  പെട്ടെന്ന് മറുപടി പറയാം .. ഒന്നും ചിന്തിക്കാതെ , വളരെ പെട്ടെന്ന്  … അത് പലപ്പോഴും ഹൃദയത്തിന്റെ മറുപടി ആയിരിക്കും എന്നാണ് തോന്നാറുള്ളത് .. ജെനുവിൻ ഉത്തരം …   രണ്ടാമത്തേത്  ഒരു ചോദ്യം കേട്ട ശേഷം ആലോചിച്ചു ഏറ്റവും ബുദ്ധിപരമായ ഉത്തരം നമുക്ക് നല്കാം .. അത് പലപ്പോഴും നമ്മുടെ ഹൃദയത്തിന്റെ അഭിപ്രായം ആയിരിക്കണമെന്നില്ല  .. നമ്മുടെ ബുദ്ധിയാണ് ആ സാഹചര്യത്തെ അഭിമുഖീകരിക്കുന്നത് ..  നമ്മുടെ ഹൃദയത്തിന്റെ ജെനുവിൻ  ഉത്തരം ചിലപ്പോൾ അന്യരെ വേദനിപ്പിചെക്കാം ..

ഇന്നത്തെ ലോകതിനാവശ്യം  ബുദ്ധിപരമായ ഉത്തരങ്ങളാണ് .. ആത്മാർത്തത ഉണ്ടോ ഇല്ലയോ എന്നല്ല മുഖ്യം .. ഒരു  സാഹചര്യത്തെ  ഇരു കൂട്ടർക്കും  വേദനിപ്പിക്കാത്ത രീതിയിൽ എങ്ങനെ കൈകാര്യം ചെയ്യാം എന്നതാണ് വേണ്ടത് ..

പത്തിൽ ഒരു വിഷയത്തിൽ ഒഴികെ ബാക്കി എല്ലാത്തിലും A+ കിട്ടിയ ഒരാളോട്  ഒരു വിഷയത്തിൽ B ആണല്ലേ എന്ന് ചോദിക്കുന്നത് കേൾക്കാറുണ്ട്

ഡിഗ്രി കഴിഞ്ഞു മാസങ്ങളായി ജോലി അന്വോഷിച്ചുകൊണ്ടിരിക്കുന്ന  ഒരു  കുട്ടിയോട് , ഇനിയും ഒന്നും ആയില്ലേ ? കിട്ടിയില്ലേ എന്ന് പലരും ചോദിക്കുന്നത് കേൾക്കാറുണ്ട്

അല്ലെങ്കിൽ ജോലി കിട്ടി മര്യാദക്ക് പോകുന്ന ഒരാളോടെ കേറി , കല്യാണം ഒന്നും ആയില്ല അല്ലെ ?  എന്ന് ചോദിക്കുന്നത് കേൾക്കാറുണ്ട്

ജോലിയും കിട്ടി കല്യാണവും കഴിഞ്ഞു ജീവിച്ചു പോകുന്നവരോട് കേറി “ഇനിയും കുട്ടിയായില്ലേ ” എന്ന് ചോദിക്കുന്നത് കേൾക്കാറുണ്ട്

അങ്ങനെ ഒരുപാടൊരുപാട്  ..   ആള്ക്കാര്ക്ക് ഇതു എന്തിൻറെ കേടാണ് എന്ന് പലപ്പോഴും ചിന്തിക്കാറുണ്ട്  .. ഓരോരുത്തരുടെയും ജീവിതം അവരുടെ വഴിക്ക് വിടാതെ , കുറെ അനാവശ്യ ചോദ്യങ്ങൾ  .. നല്ലതൊന്നും കാണാതെ  ഒരു ചെറിയ തെറ്റുണ്ടെങ്കിൽ അത് മാത്രം കുത്തി വലുതാകി ചിത്രീകരിക്കുന്ന അവസ്ഥ  ..  പലപ്പോഴും അറിഞ്ഞോ അറിയാതെയോ  നമ്മുടെ ചോദ്യങ്ങൾ മറ്റു പലരെയും വേദനിപ്പികാറുണ്ട്  ..  ഇത്തരത്തിൽ ഒരു പോസ്റ്റിന്റെ ലക്‌ഷ്യം ഇനിയെങ്കിലും സംസാരിക്കുന്നതിനു മുൻപ് നമ്മൾ ഒന്ന് ചിന്തിക്കാൻ തയ്യാറായെങ്കിൽ എന്ന് മാത്രമാണ്  ..

എന്തെങ്കിലും  പറയുന്നതിന് മുൻപ് ഒരു നിമിഷം ആലോചിക്കുക , ചോദിക്കാൻ പോകുന്നത്  ആരെയെങ്കിലും വിഷമിപ്പിക്കാൻ സാധ്യത ഉണ്ടോ എന്ന്  .. ഉണ്ടെങ്കിൽ ഒഴിവാക്കുക  . ഒരുത്തരം / സാഹചര്യം എല്ലാരേയും വിഷമിപ്പിക്കുമെങ്കിൽ അത് ഒഴിവാകാവുന്നതാണെങ്കിൽ  അതോഴിവാക്കുന്നതല്ലേ  നല്ലത്  ?

നിങ്ങളെക്കുറിചോർക്കുമ്പോൾ  എല്ലാവരുടെയും മനസ്സിൽ ഒരു പൊസിറ്റിവ്  വൈബ്രേഷൻ വരുത്താൻ അത്തരം ശീലങ്ങൾക്കു കഴിയും .  നല്ല ശീലങ്ങൾ നമ്മുടെ ഭാഗമാകട്ടെ  എന്ന പ്രാർത്ഥനയോടെ തല്ക്കാലം വിട  …

സജിത്ത്

https://www.facebook.com/iamlikethisbloger  ;  iamlikethis.com@gmail.com

 

 

 

Digiprove sealCopyright secured by Digiprove © 2014 Sajith ph
Posted in കഥ/കവിത | Tagged | Comments Off on വാക്കുകളെ ഇതിലേ ഇതിലേ …..

Kerala Jewelries and private Jets

Dear Readers,

 Hope at-least few of you gone through the latest news that  Kerala-based Kalyan Jewellers will be acquiring another aircraft, an Embraer Legacy 650 executive jet [ 13 seater ,  175 crores ]  . Hollywood actor Jackie Chan and HCL Technologies founder Shiv Nadar also owns the same . 
 It was in 2012 only kalyan acquired Phenom 100 aircraft ( 7  seater  ) for 30 crore and on 2013 they acquired another  Canadian Bell 427 helicopter and it was believed to be near to 50 crore.  Just look more in to the Phenom one,  its fixed yearly cost would be around is 2.5 Crores and minimum 50000/- to 65000 is needed for per hour flying.  
 
 Its politely said by kalyan group that  “its to cut travel time for family members and officials visiting its 60+ showrooms in India and abroad which in fact money “
The Jewelry was founded by T.S. Kalyanaraman in the year 1993 with a capital of  75 lakhs . Now they are having turn over of  9500 crore and expecting 15,000 crore next year from the 50+ showrooms spread-ed all over the world. [ 52 in India ,6 in UAE  and will be opening 3 showrooms in Delhi .Its said that 40-50 crore is needed to open one showroom ]
Its not just kalyan but Joyalukkas owns four seater Embraer aircraft and they are having 3+ such ones .Its said like they are having one to travel inside state and another for inside India and rest to travel across the globe. I am not exactly sure about the third one but the second one was cost around $10 million. The aircraft’s come under their luxury air charter company Joyjets, [ http://joyjetsindia.com ]  . @ 2013, Forbes  Magazine’s  annual tally of billionaires listed Joy Alukkas in 1342th position with a net worth of Rs 6,600 crores.
Now lets look in to some interesting charts,
Below one figures consumer-Gold  demand from across the glob .
 
See india and China 🙂  But there is a major fact. in china the yellow metal is vastly  used in industries  
 Let me also bring another interesting thing about the gold bar and coin import figures
so what I was trying to say is , where comes the figures 8000 crore from 75 lakhs capital investment. Whether its black money ? [  I  don’t wish to poke  nose in to that ]  
I have heard the family members saying it was 100 rupees for per pavan ( 8 grams gold ) in their memory  and now its in to 22500 or like !! well I am admitting the facts of time/globalization etc etc . But my intention to such a post is some thing different.  Its about the most dangerous  over gold-usage
In older days gold which considered to be a symbol of prosperity was used in marriages . But it was just few grams and now its like  gold is must in   death.birth,marriage, anniversary gifts ,kainettam, puberty and what to say 
Actually its a dead money and  there is not a difference like whether its middle class , low-class or upper class when it comes to GOLD .  Its already late that we should start to think about the old days and put a boundary in gold usage on marriages . 
When we buy gold jewelry  worth 6 lakhs there is so much hidden charge like making charge, duty etc etc and the real worth will be like 4+ lakhs . i am not saying that dowry system is strictly prohibited. Because its not actually going to work here . Most  marriages are becoming show-off and its not completely  their mistake . There is always an inner fear from the girls parents  that what others will think if nothing is given  . Its already late now and there are more girls still unmarried just because of this system. Its already late ..  
open eyes and see where all the money goes ?  Do the marriages needed to be a show-off ? Do we really need this much gold in marriages ?  . If few starts doing like that others will follow the same .. I do really hope more educated ones will come and realize  the fact

excuse for the spelling/grammar

ѕαנιтн ρн ™ 

https://www.facebook.com/iamlikethisbloger  ;  iamlikethis.com@gmail.com

 

 

 

Digiprove sealCopyright secured by Digiprove © 2014 Sajith ph
Posted in നമുക്ക്‌ച്ചുറ്റും | Tagged | Comments Off on Kerala Jewelries and private Jets

ഒരുമ്മയുടെ വില :

വ്യാഴാഴ്ച അസമിലെ ജൊര്‍ഹട്ടില്‍ നടന്ന കോണ്‍ഗ്രസ് പൊതുയോഗത്തിനിനു ശേഷം വനിതാപ്രവര്‍ത്തകരോട് സംവേദിക്കുന്നതിനിടെ  രാഹുല്‍ ഗാന്ധിയെ ചുംബിച്ച കോണ്‍ഗ്രസ് പ്രവര്‍ത്തകയെ ഭര്‍ത്താവ് ചുട്ടുകൊന്നു.. ജീവനൊടുക്കാന്‍ ശ്രമിച്ച ഭര്‍ത്താവ് ഗുരുതരമായി പൊള്ളലേറ്റ് ചികിത്സയിലാണ്

വളരെ ഞെട്ടൽ ഉളവാക്കുന ഒരു വാർത്തയായിപ്പോയി .. ഒരുമ്മക്ക് നൽകേണ്ടി  വന്നത് ഒരു കുടുംബത്തിന്റെ പൂർണ്ണ തകർച്ച  …
മൂന്നോ നാലോ ലക്ഷം രൂപ കോണ്ഗ്രസ് കൊടുക്കുമായിരിക്കും .. ചിലപ്പോൾ അതിലും താഴെ .. ഇവിടെ സത്യത്തിൽ  ആരാണ് തെറ്റുകാർ ?

പ്രവർത്തകരുടെ  ആവേശം കണക്കില എടുക്കുക തന്നെ വേണം … പക്ഷെ ഇവിടുത്തെ ഒരു കാപട്യ സംസ്കാര ചുറ്റുപാട് വെച്ച് ഉമ്മ കൊടുക്കുക എന്ന് വെച്ചാൽ .. സത്യത്തിൽ അതിൽ ഒരു കാര്യമില്ലെങ്കിലും  .. പ്രവർത്തകരുടെ ആവേശം ഒരു പരുതിക്കപ്പുരതെക്ക് പോകാതിരിക്കാൻ നേതാക്കൾ ശ്രദ്ധിചെങ്കിൽ  എന്നോർത്ത് പോകുന്നു ..

അല്ലെങ്കിൽ അത് ചെയ്ത അയാൾക്ക് വെളിവുണ്ടാകണം ആയിരുന്നു .. ഒരുമ്മ കൊടുത്താൽ തകര്ന്നു പോകുന്നതലല്ലോ ഒന്നും .. പക്ഷെ പൊതു വേതിയിൽ വെച്ച് പരസ്യമായ് വേറെ ഒരാളെ ചുംബിക്കാൻ  തയ്യാറായ ഒരു സ്ത്രീ രഹസ്യമായ്  എന്നയാൾ ചിന്തിച്ചെങ്കിൽ  പൂർണ്ണമായും തെറ്റ് പറയാനില്ല .. പക്ഷെ ഇതിപ്പോൾ ഒരു എഴുപതു വയസു കഴിഞ്ഞ നേതാവിനെ ക്കേറി ചുംബിക്കാൻ ആ സ്ത്രീ തയാരാകുമായിരുന്നോ  എന്നതാണ് വേറെ പ്രസക്തമായ ചോദ്യം .. നിർഭാഗ്യമെന്നു  പറയട്ടെ സാധ്യത കുറവാണ് ..

ഇവിടെ ഏറ്റവും കൂടുതൽ തെറ്റ് ചെയ്തിരിക്കുന്നത് ഈ വാർത്ത‍ അമിത പ്രാധാന്യത്തോടെ തലക്കെട്ടുകളിൽ നല്കി കൊട്ടി ഘോഷിച്ച മാധ്യമങ്ങൾ ആണ് .. എന്ത് എവിടെ എപ്പോ എങ്ങനെ കൊടുക്കണം എന്നത് പലപ്പോഴും ഒരുപാട് മാധ്യമങ്ങൾ സ്വയം വലുതാക്കാൻ ഉള്ള ശ്രമത്തിനിടയിൽ മറന്നു പോകുന്നു ..   സത്യമായും മാധ്യമങ്ങൾ ഇത്തരമൊരു വാർത്ത‍ പ്രസിധീകരിചില്ലായിരുന്നുവെങ്കിൽ  ഒരു കുടുംബ വഴക്കിന്റെ പരുതിക്കുള്ളിൽ പൊട്ടിച്ചിതറി തണുത്ത്  പോകാവുന്ന ഒന്നേ ഇവിടെ  ഉണ്ടായിരുന്നള്ളൂ  ..

 

വികാരങ്ങളെ ഒരു പരുതിയിൽ നിർത്താൻ  പലപ്പോഴും നമ്മളും മറന്നു  പോകുന്നു …

സജിത്ത്   ,    https://www.facebook.com/iamlikethisbloger         

             iamlikethis.com@gmail.com
Digiprove sealCopyright secured by Digiprove © 2014 Sajith ph
Posted in രാഷ്ട്രീയം | Tagged | Comments Off on ഒരുമ്മയുടെ വില :

അവളും പിന്നെയതും

ഡയറി താളിലേക്ക് ഒരേട്‌

തിരിഞ്ഞു നോക്കുമ്പോൾ 270 ദിവസങ്ങൾ … 190 ജാതകം ചേർച്ച   നാല് പെണ്‍കാണലുകൾ  ….നഷ്ടമായ ഒരുപാടുപേരുടെ ദിവസങ്ങൾ ..  യാത്രകൾ,  കഷ്ടപ്പാടുകൾ . .ബാക്കിയാവുന്നത്  “ഇനിയ്യും ശരിയായില്ലേ ”  എന്ന് തുടങ്ങി  സങ്കടത്തിന്റെയും പരിഹാസത്തിന്റെയും  ഒളിയമ്പുകൾ  …
പൊരുത്തം നോക്കിതന്നിരുന്ന പണിക്കർ സ്വിഫ്റ്റ് കാർ വാങ്ങിയത് മാത്രം നേട്ടത്തിൽപ്പെടുന്നു …

പയ്യനെ പിടിച്ചില്ല , വീട്ടുകാർ ശരിയല്ല , ഭംഗിയില്ല , ജാതകം ശരിയല്ല , ജോലി പോരാ കൂലി പോരാ ..വീടില്ല അങ്ങനെ ഒരുപാട് കേട്ട് മടുത്തതിൽ നിന്നും വെച്ച് ഒന്ന് പുതിയത് ഈയടുത്ത് കേൾക്കുകയുണ്ടായി …

മൂന്നു മണിക്കൂർ യാത്ര ചെയ്തു രാവിലത്തെ ഭക്ഷണം പോലും വേണ്ടെന്നു വെച്ച്   അവസാനം കാണാൻ പോയ പ്രൊപ്പോസൽ  കാൻസൽ  ആവാൻ കാരണം അന്വോഷിച്ചു ഒരു യാത്ര നടത്തുകയുണ്ടായി …

അത് ശരിയാണോ ?  അന്വോഷിക്കേണ്ട കാര്യമുണ്ടോ എന്നൊക്കെ തിരിച്ചു മറിച്ചും ആലോചിച്ചു … ഇങ്ങോട്ട് വന്ന പ്രൊപ്പോസൽ ആയതുകൊണ്ട് എന്താണ് കാരണം എന്നറിഞ്ഞില്ലെങ്കിൽ  ഒരു സമാധാനം കിട്ടില്ല അതുകൊണ്ട്

  ഫോണ്‍ നമ്പർ കഷ്ടപ്പെട്ട് സങ്കടിപ്പിച്ചു  ആ കുട്ടി  ജോലി ചെയ്യുന്ന സ്ഥലത്തെത്തി .. അമ്പത് മീറ്റർ അകലെ ആ കുട്ടി നില്ക്കുന്നത് കാണാം …മൂന്നു  നിമിഷം സംസാരിക്കാൻ എപ്പോഴാണ് സൌകര്യപ്പെടുക എന്ന് ചോദിക്കാൻ വേണ്ടിയാണ് ഫോണ്‍ ചെയ്തത്  ..

ഹലോ ..  ഗുഡ് മോണിംഗ് .. ഞാൻ സജിത്ത് ആണ്

ഗുഡ് മോർണിംഗ്

അഞ്ചു  ദിനം മുൻപ് ഇയാളെ  കാണാനായി     ഞാൻ വന്നിരുന്നു ..ഓർക്കുന്നോ

ഇല്ല .. ഓർമ്മയില്ല ..

—–   ഓർക്കാൻ തക്ക വിധത്തിൽ ഉള്ള  എന്തെങ്കിലും ഓർമ്മിപ്പിക്കാമോ …

ഞാൻ ഓർത്തു ,.. ഒരു സാധാരണ പെണ്ണ് കാണൽ ചടങ്ങിനു അപ്പുറം ഉള്ള ഒന്നും ഓർക്കാൻ ഉണ്ടായിരുന്നില്ല

ഹലോ ഹലോ  ……………………

ഹേ ഒരു നിമിഷം ഞാൻ അങ്ങനത്തെ എന്തെങ്കിലും ഉണ്ടോയെന്നു ഓർക്കാൻ ശ്രമിക്കുകയാണ് ..  ഞാൻ പാലക്കാടിൽ നിന്നായിരുന്നു കാണാൻ വന്നത് … ആ സ്ഥലത്ത് നിന്ന് അഞ്ചു ദിവസം മുൻപ് വേറെ ആരും വന്നിരിക്കാൻ ….

അഹങ്കാരീ ..ദിവസവും നിന്നെ കാണാൻ ക്യു ആയി ആളുകള് വരുന്നത് കൊണ്ടാവുമല്ലോ ഓർമ്മ  വരാൻ ഇത്ര താമസം .. എന്നോട് ചോദ്യങ്ങള ചോദിച്ചു  പതിനഞ്ഞ്ജോളം നിമിഷം സംസാരിച്ചതല്ലേ എന്നെല്ലാം മനസ്സിൽ ഓർത്തെങ്കിലും ..അതിനെ അതിൻറെ പാട്ടിനു വിട്ടു ..

ഓർമ്മ കിട്ടുന്നില്ല , എന്താണ് വേണ്ടത് ?

എനിക്ക് ഒരു രണ്ടു നിമിഷം തനിയെ സംസാരിക്കണം  .. സൌകര്യപ്പെടുമ്പോൾ പറഞ്ഞാൽ മതി

ഫോണിലൂടെ പറഞ്ഞൂടെ .. തിരിച്ചു ചോദിച്ചു  ..

അഞ്ചു  ദിവസം മുൻപ് വന്നു കണ്ട .. ഒരു മാസത്തോളം നീണ്ടു നിന്ന പ്രൊപ്പസലിലെ ആളെ ഓർമ്മ കിട്ടുന്നില്ലെങ്കിൽ  അന്നത്തെ കാര്യത്തെക്കുറിച്ച് എന്ത് ചോദിക്കാൻ ആണ് എന്ന് മനസ് പറഞ്ഞു  …

അല്ല എനിക്കൊരു രണ്ടു നിമിഷം മതി .. ഞാൻ ഇയാൾ ജോലി ചെയ്യുന്ന ഓഫിസിന്റെ വിസിറ്റിംഗ് റൂമിൽ ഉണ്ട് ..

ടക് … അങ്ങനെ ആ ഫോണ്‍ വെച്ച്  നാലു നിമിഷത്തിനുള്ളിൽ കഥാപാത്രം പ്രത്യക്ഷപ്പെട്ടു ..

ഇപ്പോൾ എന്നെ ഓർമ്മ കിട്ടുന്നുണ്ടോ  ? കണ്ട മാത്രയിൽ ഞാൻ ചോദിച്ചു ..
ഉണ്ട് .. …എന്താണ് അറിയേണ്ടത് ?
അല്ല , ഫ്രാങ്ക് ആയി സംസാരിചിരുന്നതുകൊണ്ടാണ് ഞാൻ അന്വോഷിച്ചു വന്നത് .. എന്ത് കൊണ്ടായിരുന്നു ആ പ്രപ്പോസൽ ഉപേക്ഷിച്ചത്  ..
അത് …
അല്ല ..പാരെന്റ്സ്‌ ആണോ അതോ ?

അല്ല ..അത് അത് ..

എനിക്ക് “ഒരിത് ”  തോന്നിയില്ല …

പെട്ടെന്ന് മനസ്സിൽ  ഓർത്തു   ഒരിത് ? എന്താണത്  ….

നന്ദി .. എന്നും പറഞ്ഞു അവിടെ നിന്ന് നടന്നകന്നു ..  


ഈശ്വരന് ആത്മാർത്ഥ നന്ദി മനസ്സിൽ പറഞ്ഞു പത്തു രൂപ കൊടുത്തു  ഒരുപ്പു സോഡാ കുടിച്ചു …  വീണ്ടും മനസ്സിൽ ഓർത്തു

  ..നന്നായി .. കുറെ ദിവസങ്ങൾക്കു ശേഷമാണ് ആ ഒരിത് എവിടെ എന്ന്  ചോദിചിരുന്നെങ്കിൽ 

ജീവിതം അങ്ങനെ കുറെ എന്തൊക്കെയോ കാഴ്ചകൾ സമ്മാനിക്കുന്ന കൂട്ടത്തിൽ  പറഞ്ഞിട്ടും മനസിലാകാത്ത ഒന്നുകൂടെ  .. എന്നാലും സത്യത്തിൽ  എന്താണീ  ” ഒരിത്”

      സജിത്ത്   ,    https://www.facebook.com/iamlikethisbloger         

             iamlikethis.com@gmail.com

 

 

Digiprove sealCopyright secured by Digiprove © 2014 Sajith ph
Posted in കഥ/കവിത | Comments Off on അവളും പിന്നെയതും

സ്വപാനം റിവ്യു

സ്വപാനം – സ്വയം പാനം ചെയ്യുന്നത്
സത്യത്തിൽ ഇതൊരു പുതിയ വാക്കാണെന്നു  ഒന്നുകൂടെ ഓർത്ത് നോക്കുമ്പോൾ ആണ് ഒരു ആശ്ചര്യത്തോടെ ഓർമ്മ  വരുന്നത്  …
ഈ സിനിമ കണ്ടിറങ്ങിയപോൾ  തോന്നിയത് , സിനിമയുമായി ഇത്രയും സത്യസന്ധത പാലിക്കുന്ന ഒരു സിനിമാപ്പേര്  വളരെയതികം ഇല്ലെന്നതാണ്

മറ്റുപല ഷാജി എൻ കരുണ്‍ ചിത്രങ്ങളെപ്പോലെ ഒരു സാധാരണ പ്രേക്ഷകന് വിസ്‌മയം  ഉളവാക്കാൻ പോന്ന ഒന്നല്ല സ്വപാനം  ..പക്ഷെ കുറച്ചുകൂടെ ചിന്തിക്കുന്ന / ഒരൽപം നല്ല സിനിമകളെ  ഇഷ്ട്ടപ്പെടുന്ന / അല്ലെങ്കിൽ  വ്യത്യസ്തത തേടുന്ന / പിന്നെ  എല്ലാ ഉപരിവർഗ പ്രേക്ഷകർക്കും സിനിമ ഒരു ദൃശ്യ വിരുന്നു തന്നെയാണ് ..

ശബ്ദവ്യക്തത [ 11.1 aura ] , മികവാർന്ന  മിഴിവുറ്റ ചിത്രസംയോജനം / കാമറ /  .. കേൾക്കാൻ വ്യത്യസ്തതയുള്ള ഇമ്പമാർന്ന ഗാനങ്ങൾ , മികച്ച അഭിനയ മുഹൂർത്തങ്ങൾ ( സിദിക്ക് പ്രത്യേകിച്ചും ) /   സ്വാതി തിരുനാളിന്റെ   കീര്‍ത്തനങ്ങൾ /  അങ്ങനെ ഒരു പിടി പ്രതേകതകൾ കൂടെ ഈ സിനിമക്കുണ്ട് ..അങ്ങനെ എല്ലാ തലത്തിലും ഈ സിനിമ ഒരു മുതല്ക്കൂട്ടു തന്നെയാണ് ..   ആറുവർഷത്തെ തിരച്ചിലിൽ ആണത്രെ ഇത്തരമൊരു കഥ ജയറാമിന് വേണ്ടി  കണ്ടെത്തിയത് ..

ചിത്രത്തെക്കുറിച്ച് :

മറ്റുള്ളവർക്ക്  വേണ്ടി  സ്വയം വികാരങ്ങൾ പാനം ചെയ്യുന്ന കുറെപ്പേരുടെ കഥ എന്നാണ്  എനിക്ക് തോന്നുന്നത് ..

ചെണ്ടയെ അഗാധമായി പ്രണയിക്കുന്ന ജയറാം അവതരിപ്പിക്കുന്ന ഉണ്ണിയുടെയും   ,  മോഹിനിയാട്ടത്തിൽ സ്വയം സമർപ്പിച്ച  കഥാപാത്രമായി  പ്രശസ്ത ഒഡീസി നർത്തകിയായ  കാദംബരി   അവതരിപ്പിക്കുന്ന നളിനിയുടെയും  പ്രണയം ..  ചെണ്ടയെ വെറുക്കുന്ന സ്നേഹത്തെ അന്വോഷിക്കുന്ന ലക്ഷി ഗോപാലസ്വാമിയുടെ  കഥ .. ഇതൊക്കെയാണ് സിനിമ എന്നൊരു വാക്കിൽ ആർക്കും  പറയാൻ ആകില്ല  ..

ചെണ്ട വാദ്യത്തിന്റെയും മോഹിനിയാട്ടത്തിന്റെയും  അന്തർധാരകളിലെക്കുള്ള , സമൂഹത്തിൽ നിലനില്ക്കുന്ന   മുൻവിധികളെ ചോദ്യം ചെയ്തുകൊണ്ടുള്ള  ബുദ്ധിപരമായ അഭിനയമുഹൂർത്തങ്ങളാണ്  ഈ ചിത്രം ..

സ്നേഹം അന്വോഷിക്കുന്ന കുറെപ്പേരുടെ കഥ  ?

ഈ സിനിമ തരുന്ന സ്വാതന്ത്ര്യം എന്നത് കാണുന്നവന്റെ ഉള്ളിലാണ് കഥ …  നിസാരമെന്നു കരുതുന്ന ചില ഡയലോഗുകളിൽകൂടെ  ഒരുപാട് ചിന്തിക്കാനുണ്ട് .. വേണമെങ്കിൽ  ഈ ചിത്രത്തെ വേറൊരു വിധത്തിൽ വ്യാഖ്യാനിക്കാം  ..

പ്രതിഭയുടെ സ്പർശം ആവോളം ഉള്ളിൽ  ഉണ്ടെങ്കിലും , ആരും തിരിഞ്ഞു നോക്കാനില്ലാതെ കിടന്ന ചെണ്ട കലാകാരന്റെ/  അയാളെ അറിഞ്ഞ  , പ്രണയിച്ച ഒരു മോഹിനിയാട്ട കഥാകാരിയുടെ / അയാളുടെ പ്രതിഭയിൽ അസൂയ തോന്നിത്തുടങ്ങിയ ചിലരുടെ / എല്ലാത്തിനും നടുവില നിന്ന് ഒറ്റപ്പെടലിലെക്കുള്ള ആഴത്തിന്റെ   ദൃശ്യാവിഷ്കാരം  ..
പക്ഷെ ഇതൊന്നുമല്ല  ആ ചിത്രം .. പറയുന്നതിന് ഒരുപാട് അപ്പുറത്താണ് ..

ചരിത്രം :

സിനിമയ്ക്കുവേണ്ടി  ചിട്ടപ്പെടുത്തിയ ചെണ്ടവാദ്യം  ദിവസങ്ങളോളം കേട്ടുപഠിച്ചശേഷമാണ് ജയറാം കാമറക്കു മുന്നില് എത്തിയത്    .. ഒഡീസി കലാകാരിയായ കാദംബരി കലാമണ്ഡലം ക്ഷേമാവതിക്കു കീഴില്‍ മോഹിനിയാട്ടം പരിശീലിച്ചത്  മാസങ്ങൾ എടുത്താണ് .. ഒരു വർഷം  എടുത്തു ഈ ചിത്രം തയാറാക്കാൻ .. ആറുവർഷം എടുത്തു ഇത്തരമൊരു  കഥ എന്ന് പറയപ്പെടുന്നു ( ഷാജി എൻ കരുണിന്റെ  വാനപ്രസ്ഥം ഈ സിനിമ  കണ്ടപ്പോൾ ഇടക്കിടെ ഓർമ്മ വന്നു  ,.. സമാനതകൾ തോന്നുമെങ്കിലും അത് യാദൃശ്ചികമാണ് ) .. നളിനിയുടെ കഥാപാത്രം മോഹിനിയാട്ടത്തിൽ അതീവ താല്പ്പര്യമുള്ള ഒരാളുടെ ആണല്ലോ .. കുറെ അന്വോഷനങ്ങൾക്ക് ഒടുവിൽ ആണത്രേ ഒഡീസി നർത്തകിയായ  കാദംബരിയെ കണ്ടെത്തിയത് ..

സിദ്ദിഖ് / വിനീത് എന്നിവരുടെ അഭിനയം വളരെ മികച്ചു നിന്നു

രജനികാന്ത് ചിത്രങ്ങൾ നാം  കാണുന്നത് അത് നല്ലതെന്ന് നോക്കിയാണോ അല്ല അതൊരു വികരാമാണ്  അത്തരത്തിൽ ഒന്നാണ് ഈ ചിത്രവും അല്ലെങ്കിൽ ഷാജി എൻ കരുണിന്റെ ഒട്ടു മിക്കതും ..

പക്ഷെ ഒന്നുണ്ട് , ഈ ചിത്രം നിങ്ങൾ കാണണമെന്ന്  ഉണ്ടെങ്കിൽ മികച്ച തിയേറ്ററിൽ നിന്നും കാണാൻ ശ്രമിക്കുക .. തിരുവനന്തപുരം ശ്രീയിലാണ്  കാണാൻ കേറിയത്‌ .. ഒരു ലോക്കൽ തിയെട്ടറിലോ  അല്ലെങ്കിൽ  ഡിവിഡി  എടുത്തു  കാണാം എന്നെല്ലാം വിചാരിക്കുന്നത് ഈ ചിത്രത്തോട് ചെയ്യുന്ന   എറ്റവും വലിയ മണ്ടത്തരമാണ് ..

സമയം കളയാൻ ഒരു സിനിമ കാണാൻ എന്ന് വിചാരിക്കുന്നവരോ , കോമഡി , റൊമാൻസ് സിനിമകൾ മാത്രം ഇഷ്ട്ടപ്പെടുന്നവരോ അല്ലെങ്കിൽ ക്ഷമയില്ലത്താവരോ   അങ്ങനെ ആരും ഈ സിനിമക്ക് പോകേണ്ടതില്ല അവരെ ഈ ചിത്രം നിരാശപ്പെടുത്തും , തീർച്ച

ഈ സിനിമ എത്ര അവാർഡുകൾ കരസ്തമാക്കും എന്നാണ് ആലോചിക്കുന്നത് ..  best actor / Best cinimatography / Best sound recording / Best camara  man / music / make-up man അങ്ങനെ ഒരുപിടി ഈ ചിത്രത്തെ പ്രതീക്ഷിച്ചുകൊണ്ട് കാത്തിരിപ്പുണ്ട്

സജിത്ത്   ,    https://www.facebook.com/iamlikethisbloger         

             iamlikethis.com@gmail.com
Digiprove sealCopyright secured by Digiprove © 2014 Sajith ph
Posted in സിനിമ | Tagged , , , | Comments Off on സ്വപാനം റിവ്യു