ദശപുഷ്പം കണ്ടവരുണ്ടോ
എന്ന ചോദ്യം മനസിലേക്ക് ഓടിയെത്തുമ്പോള് …
ദശപുശ്പമോ ? ഓര്ക്കിഡ് , ചെമ്പരത്തി , മുല്ല എന്നിവയറിയാം പക്ഷെ ഈ ദശപുഷ്പം ?
പുതിയ തലമുറ കേട്ടിട്ടുപോലുമുണ്ടാകാന് സാധ്യതയില്ല എന്ന തിരിച്ചറിവാണ് , ഓര്മ്മയില് തെളിയുന്നത് ഇവിടെ പങ്കിടാന് എന്നെ സന്തോഷിപ്പിക്കുന്നത് …
നമ്മള് കേരളീയര് പിന്തുടരുന്നത് “കൊല്ലവര്ഷം ” എന്ന കലെണ്ടറാണ് … 825 AD യിലാണ് കൊല്ലവര്ഷം ആരംഭിക്കുന്നത് … മഹാനായ ശങ്കരാചാര്യരോടുള്ള ആദരസൂചകമായാണ് കൊല്ലവര്ഷം എന്നൊരു പുതിയ കലെണ്ടര് നിലവില് വന്നത് ..കേരളയീയ സമൂഹത്തില് അന്ന് മുന്സ്ഥാനക്കാരായിരുന്ന നമ്പൂതിരിമാര്ക്ക് “64 അനാചാരങ്ങള് ” എന്ന പേരില് അറിയപ്പെടുന്ന “ഉപേക്ഷിക്കെണ്ടതും സ്വീകരിക്കേണ്ടതുമായ ” ആചാര്യ മര്യാദകള് സമര്പ്പിക്കുകയുണ്ടായി , അതിന്റെ സ്മരണാര്ത്ഥം ആദരസൂചകമായി അവതരിക്കപ്പെട്ടതാണ് ” മലയാളം കൊല്ലവര്ഷം ”
അങ്ങനെ കര്ക്കിടക മാസം വന്നെത്തി … സൂര്യന് മിഥുന രാശിയില്നിന്നും കര്ക രാശിയില്ലേക്ക് (gemini to cancer ) സഞ്ചരിക്കുന്ന സമയവേളയാണ് കര്ക്കിടക സംക്രാന്തി എന്നറിയപ്പെടുന്ന ദിവസം .തമിഴില് ആടിമാസമെന്നും , ഒറീസയില് പുണ്യ സ്നാനത്തിനും , നമ്മുടെ കേരളത്തില് രാമായണ മാസാരംഭാമെന്നും അറിയപ്പെടുന്ന ഇതു ഭാരതത്തിലെ എല്ലാ സംസ്ഥാനത്തും വിശേഷപ്പെട്ട ദിവസങ്ങളാണിത് , വിശേഷപ്പെട്ട മാസമാണിത് ..
പഴയ കണക്കാണെങ്കില് ജൂണില് തുടങ്ങുന്ന പെരുമഴയ്ക്ക് ശേഷം കുറെ ദിവസം വേനല്ക്കാല പ്രതീതി ഉണര്ത്തുന്ന ദിവസമാണ് കര്ക്കിടകത്തിലെത് .. വര്ഷം മുഴുവന് തുടര്ന്ന് വന്ന ജോലികള്ക്ക് ശേഷം എല്ലാ ജീവജാലങ്ങളുടെയും ശരീരം ഇളം വെക്കുന്ന കാലം കൂടിയാണ് കര്ക്കിടകം ..അതുകൊണ്ടാണ് ഔഷധ കഞ്ഞിക്കൂടു കഴിക്കാനും , തിരുമ്മല് , ഉഴിച്ചില് എന്നിവക്കും ശരീരം പ്രകൃതിയോട് ഏറ്റവും കൂടുതല് പ്രതികരിക്കുന്ന ഈ മാസം ഉത്തമമെന്നു പറയപ്പെടുന്നത് …
വര്ഷം മൂന്നോ നാലോ ദിവസം മാംസാഹാരം ഉപയോഗിക്കുന്ന ഒരു ശീലമായിരുന്നു ഉണ്ടായിരുന്നതില് നിന്ന് മാറി വര്ഷം മൂന്നോ നാലോ ദിവസം മാത്രം പൂര്ണ്ണ സസ്യാഹാരം ഉപയോഗിക്കുന്ന അവസ്ഥയിലേക്ക് എത്തിയിരിക്കുന്നു ..കോഴി കുടിക്കുക എന്നൊരു ശീലം നാട്ടിന് പുറങ്ങളില് കാണാറുണ്ട് , അതും ഈ മാസത്തിലാണ് ചെയ്യാറുള്ളത് … മുട്ടയിടാന് തുടങ്ങിയിട്ടില്ലാത്ത കറുപ്പ് നിറത്തിലുള്ള നാടന് കൊഴിയെയാണ് പ്രിഫെര് ചെയ്യാറുള്ളത് … നാടന് കോഴിയെയും , പിന്നെ മല്ലി , വെളുത്തുള്ളി എന്നിവയടങ്ങിയ നാടന് കൂട്ടും ചേര്ത്ത് കര്ക്കിടകത്തിലെ ഒരു വൈകുന്നേരം വെള്ളം കുടിക്കാതെ കഴിക്കാറുണ്ട് .. പിറ്റേ ദിവസം രാവിലെ ഒന്പതുവരെ വേറെ ഒന്നും കഴിക്കരുത് അതാണ് പഥ്യം .. ഒരു കിലോ സാധാ കോഴിക്ക് 150 രൂപയാണെങ്കില് , കോഴികുടിക്കാന് ഉപയോഗിക്കപ്പെടുന്ന കോഴിക്ക് ചോദിക്കുന്ന കാശാണ് മിനിമം 400 ണ് മുകളിലേക്കാണ് നല്ല ഒത്ത കോഴിക്ക് വില ..
നാട്ടിലെ സംക്രാന്തി ഓര്മ്മ
കര്ക്കിടകം ഒന്ന് ചങ്കരാന്തി എന്നാണ് പാലക്കാട് നാട്ടില് പറയാറ് … സംക്രാന്തി എന്നതിന്റെ നാടന് പ്രയോഗം … ഓര്മ്മയില് സംക്രാന്തി മൂന്നു നേരവും ദോശയും ഇറച്ചിയും കിട്ടുന്ന ഒരേ ഒരു ദിവസമാണ് അതുകൊണ്ട് കൊതിയോടെ കാത്തിരിക്കാറുണ്ട് .. സംക്രാന്തി ചടങ്ങുകള് തുടങ്ങുന്നത് തലേ ദിവസമാണ് … ” ചേട്ടയും ചോതിയും ” കളയുക എന്നാണ് നാടന് പ്രയോഗം ..
ഇപ്പോഴുമോര്ക്കുന്നു , സന്ദ്യാനേരത്തടടുത്തു കൈപ്പിടിയില് മുറുകെ പിടിച്ചു ഭാരതപ്പുഴയുടെ ഓരത്തെക്ക് നടന്നു കയറിയ കല്ല് കുത്തുന്ന വഴിത്താരകള് … കയ്യില് ഒരു പഴയ മങ്കലവും ഉപയോഗിച്ച് തേഞ്ഞ കുറ്റിച്ചൂലും ഉണ്ടാകും …
ചേട്ടെ പ്പോ …ചോതീ വാ ( ചേട്ടെ പോ … ജ്യോതി വാ ) എന്ന് മൂന്ന് വട്ടം പറഞ്ഞുകൊണ്ട്
അത് പറ്റാവുന്ന ദൂരത്തേക്കു എറിഞ്ഞു തണുത്ത വെള്ളത്തില് മുങ്ങിക്കുളിച്ചു വീട്ടില് തിരിച്ചെത്തും ..
ഞാന് ആ വരികളെക്കുറിച്ച് കൂടുതല് ചോദിച്ചപ്പോള് വേറെ ഒരു വിശദീകരണമാണ് പറഞ്ഞു തന്നത് ….
ശ്രീഭഗവതിയുടെ ( സമ്പത്തിന്റെയും അഭിവൃദ്യിയുടെയും ദേവത ) മൂത്ത ജ്യെഷ്ടനാണത്രെ ചേട്ടാ / ജ്യേഷ്ഠ എന്ന് പറയുന്നത് … അപ്പോള് മുറ്റം അടിക്കലും മറ്റും കഴിഞ്ഞു മങ്കലം ദൂരെ എറിഞ്ഞുകൊണ്ട് വിളിച്ചു പറയാറുണ്ട്
” ചേട്ട പുറത്ത് , ശ്രീഭഗവതി അകത്ത് ” ( ചേട്ട / അശുദ്ധി പുറത്ത് പോട്ടെ ..സമ്പത്തും അഭിവൃദ്യിയും ഉള്ളിലോട്ടു വരട്ടെ )
.
അതിനു ശേഷം വീടിലെത്തി ഒരു പത്തായ പകലപ്പാളിയെടുത്തു കുളിപ്പിച്ച് , മുഴുവന് ഭസ്മം തേച്ചു പൂജാമുറിയില് കൊണ്ട് പോയി വെക്കും … എന്നും സന്ധ്യാവന്ദനസമയത്ത് ദൈവാരാധനയോടെ കുളിപ്പിച്ച് ഭസ്മം പുരട്ടി പൂജ ചെയ്യും …ഓണം വരെ അതങ്ങനെ തുടരും … പിറ്റേ ദിവസം സ്ത്രീകള് ദശപുഷ്പം ചൂടിയാണ് നടക്കാറ് ..
[ ദശപുഷ്പം – പത്തു വിവിധയിനം ഔഷധഗുണമുള്ള പച്ചിലകള് കൂടിയതിനെയാണ് ദശപുഷ്പം എന്ന് പറയാറ് .. അവ മുക്കുറ്റി , പൂവാം കുറുന്നില, മുയല് ചെവിയന് , കറുക , നിലപ്പന , കയ്യോന്നി , വിഷ്ണുക്രാന്തി , ചെറുല , തിരുത്താളി , ഉഴിഞ്ഞ എന്നിവയാണ് ദശപുഷ്പം . കല്യാണ സമയത്തും മറ്റു വിശേഷ അവസരങ്ങളിലും ദശപുഷ്പം ഉപയോഗിക്കാറുണ്ട് ]
സംക്രാന്തി ദിനം മൂന്ന് നേരവും നാടന് ആട്ടിറച്ചിയും കൂട്ടി ദോശ … അത് കഴിഞ്ഞു വരുന്ന രണ്ടാം ദിനം ബലിയിടലിന്റെതാണ് അന്ന് സ്കൂള് അന്നവധിയായിരിക്കും ,.. പിന്നീടുള്ള ദിവസങ്ങളില് ഉലുവക്കഞ്ഞി , പാല്ക്കഞ്ഞി അങ്ങനെ എന്തൊക്കെയോ പച്ചമരുന്നു ചേര്ത്ത് വൈകുന്നേരങ്ങളില് കഴിക്കാറുണ്ട് .. മുരിങ്ങയില കര്ക്കിടകത്തില് ഉപയോഗിക്കാറില്ല, വിവിധ കാരണങ്ങളാണ് പറഞ്ഞു തന്നിരുന്നത് … കര്ക്കിടകത്തില് മുരിങ്ങയില അശുദ്ധിയാകുമെന്നു ഒരു കൂട്ടര് … കര്ക്കിടകം രാമായണ മാസമാണ് അതുകൊണ്ട് മാംസ്യം ധാരാളമുള്ള മുരിങ്ങയില കഴിക്കരുത് എന്ന് കുറച്ചു പേര് … ഈ മാസത്തില് മുരിങ്ങയില കട്ടി വെക്കുമെന്നും അത് കഴിക്കരുതെന്നും വേറെ കുറച്ചു പേര് … പക്ഷെ അപൂര്വമായി ചില സ്ഥലങ്ങളില് മുരിങ്ങയില ഔഷധകഞ്ഞിക്കൊപ്പം ഉപയിഗിക്കാറുണ്ട് എന്ന് കേട്ടിട്ടുണ്ട് …
പഴയ ആള്ക്കാര് പറയുന്ന കാരണങ്ങള് പലതാണെങ്കിലും ശാസ്ത്രീയമായി നോക്കിയാല് പറഞ്ഞത് നൂറു ശതമാനം സത്യമാവാറുണ്ട് എന്നതാണ് വേറെ ഒരു വസ്തുത !!!!!!!!
ഇതൊക്കെയാണ് എന്റെ സംക്രാന്തി ഓര്മ്മകള് ..
If found something interesting keep sharing ..May be some one will get new info’s
സജിത്ത് , https://www.facebook.com/iamlikethisbloger
Copyright secured by Digiprove © 2012 Sajith ph 
