ആദ്യമേ പറഞ്ഞു തുടങ്ങട്ടെ .. ദയവു ചെയ്ത് മുഴുവന്‍വായിക്കുക
“Feeling super cool today. Dumped my new ex-girlfriend. Happy independence day.”
കൊട്ടിയടക്കപ്പെട്ട ഹോസ്റ്റല്‍ മുറിയിലെ അന്ധകാരത്തില്‍ കുതിര്‍ന്ന നേര്‍ത്ത വെളിച്ചത്തില്‍ ഫാനില്‍ കുടുക്കിയിട്ട കയറില്‍ സ്വയം പിടഞോടുങ്ങുമ്പോഴും ഈ ചിരിക്കുന്ന പെണ്‍കുട്ടിക്ക് ഒരുപാടൊന്നും ആലോചിക്കാനുണ്ടായിരിന്നിരിക്കില്ല്യ ..അറിയാത്തവര്‍ അറിയുക ..ഇവളാണ് “Malini Murmu”, ബുദ്ധിയുണ്ടെങ്കിലും വിവരമില്ലാതെ, ഫെയിസ്ബുക്ക് സ്റ്റാറ്റസ് അല്ല ജീവിതമെന്ന് നമ്മളില്‍ചിലരെപ്പോലെ ഒരു നിമിഷം മറന്നു ഇരുപത്തിമൂന്നു വര്‍ഷം പോറ്റിവളര്‍ത്തിയ മാതാപിതാക്കളുടെ പൊള്ളുന്ന നെഞ്ചിലേക്ക് വീണ്ടും കനല്‍കോരിയിട്ട് മരണത്തിലേക്ക് നടന്നുകയറിയ ബി.ടെക് ഭിരുദദാരിണിയായ മുന്‍ ഇന്‍ഫോസിസ് ഉദ്യോഗസ്ഥ…
ഇന്ത്യയിലെ സമര്‍ത്ഥര്‍ പഠിക്കുന്ന ,അതിലും അതിസമര്‍ത്ഥര്‍ക്ക് മാത്രം പഠിക്കാന്‍ യോഗം കിട്ടുന്ന (IIM B) ( ഇന്ത്യന്‍ ഇന്‍സ്റിറ്റ്യൂട്ട് ഓഫ് മാനേജ്മെന്‍റ് ബംഗ്ലോര്‍ ) യിലെ MBA വിദ്യാര്‍ത്ഥിനി ..കുറച്ചു ദിവസങ്ങള്‍ കൂടെ ക്ഷമിച്ചിരുന്നെങ്കില്‍ രണ്ടോ നാലോ ലക്ഷം രൂപ മാസശമ്പളം എണ്ണി പോക്കറ്റില്‍ ഇടാന്‍ യോഗമുണ്ടായിരുന്നവള്‍ 🙁
മുഹമ്മദ് റാഫിയുടെ പാട്ടുകള്‍ ഇഷ്ട്ടപ്പെട്ട ,ചേതന്‍ ബഗത്തിനെ ആരാധിച്ച പിസ്സയും നൂടില്‍സും ഇഷ്ട്ടപ്പെട്ട ..നൃത്തവും സംഗീതവും സിനിമയും ഒരുപാട് ഇഷ്ട്ടമുണ്ടായിരുന്നവളുമായ നൈമിഷിക വികാരങ്ങള്‍ക്കോ പ്രണയത്തിനോ അര്‍ഹിക്കുന്നതില്‍ കൂടുതല്‍ സ്ഥാനം കൊടുത്ത് മരണത്തെ വരിച്ച ഒരു സാദുപെണ്‍കൊടി …ഇതൊക്കെയായിരുന്നു Malini Murmu
ഇക്കഴിഞ്ഞ സെപ്റ്റംബര്‍ 19 നു ഇവളുടെ ചേതനയറ്റ ശരീരം ഹോസ്റ്റല്‍ റൂമില്‍ നിന്നും ഇറക്കുമ്പോള്‍ അവശേഷിപ്പിച്ച അടയാളങ്ങള്‍, തന്‍റെ ബോയ്‌ഫ്രണ്ടിന്‍റെ സ്റ്റാറ്റസ് മെസേജ് പ്രിന്‍റ് ചെയ്ത ഒരുകഷണം പേപ്പറും പിന്നെ വെളുത്ത പ്രതലത്തില്‍ ചുവന്ന മഷികൊണ്ടെഴുതിയ കുറച്ചു വാകുകളും ..അവ ഇതായിരുന്നു …
“Feeling super cool today. Dumped my new ex-girlfriend. Happy independence day.”
വായിച്ചിട്ടും നമ്മളില്‍ പലര്‍ക്കും ഇതില്‍ അത്രയതികം വികാരങ്ങള്‍ ഒളിഞ്ഞിരിക്കുന്നതായി തോന്നണമെന്നില്യ … പക്ഷെ മറ്റു ചിലര്‍ക്കും ഒരുപാടൊക്കെ കൊള്ളുകയും ചെയ്യും …വാക്കുകള്‍ അങ്ങനെയാണ് …അവ വികാരങ്ങളെ ചേര്‍ത്ത് വായിക്കുമ്പോള്‍ വാളുകളെക്കാള്‍ മൂര്‍ച്ചയുള്ളതാവും
.” പതിവിലും ഉന്മേഷം തോന്നുന്നു ..അങ്ങനെയവളോരോര്‍മ്മയായ്‌ .. ഇനി ഞാന്‍ സ്വതന്ത്രന്‍ ” എന്ന് കണ്ടപ്പോള്‍ .. നൊന്തു പ്രണയിച്ച, പാതി പ്രാണന്‍ പോലെ കരുതിയ ഒരുത്തന്‍ ഉപയോഗത്തിന്ശേഷം ചവറ്റുകുട്ടയില്‍ നിക്ഷേപിച്ചുവെന്ന് അവള്‍ക്ക്‌ തോന്നിയെങ്കില്‍ !!!
ചിലപ്പോഴെല്ലാം അങ്ങനെയാണ് …നമ്മള്‍ പറയുന്നതല്ല എഴുതുമ്പോള്‍ വരുക …അത് വായിക്കുമ്പോള്‍ വേറൊരു അര്‍ത്ഥവും …പിന്നീട് കുറേപ്പേര്‍ അത് വായിക്കുമ്പോള്‍ നൂറായിരം അര്‍ഥങ്ങള്‍ അതിനുണ്ടാവും ..
“സ്ത്രീസമൂഹത്തിനു നേരിടേണ്ടി വരുന്ന അപമാനത്തിന് പ്രതിഷേധമായി പത്തോ പന്ത്രണ്ടോ ചീത്ത വിളികള്‍ കോറിയിട്ടു പ്രാണന്‍ വെടിയുന്നതിനിടയില്‍ അവള്‍ ഇതുകൂടി ചേര്‍ത്തു …
“ഞാന്‍ കണ്ടതില്‍ വെച്ചു ഏറ്റവും നീചനായ മനുഷ്യാ, നിന്നെ ഞാന്‍ വെറുക്കുന്നു ” “Revenge is best served when it is cold.”
ആര്‍ക്കു പോയി ? അവരുടെ വീട്ടുകാര്‍ക്ക്
അഭിഷേക് എന്നാ ആ സുഹൃത്ത് , സംഭവം നടന്നയുടന്‍ ഫെയിസ്ബുക്ക് അക്കൌണ്ട് ഡിലീറ്റ് ചെയ്ത് തടിതപ്പി .. 🙁 അഭിഷേകിനെ അറസ്റ്റ് ചെയ്യണമെന്നും സംഭവം കൊലപാതകം എന്നും അലമുറയിട്ടു കരയുന്ന രക്ഷാകര്‍ത്താക്കള്‍ക്ക് ആശ്വാസമായി IPC 306 വകുപ്പ് പ്രകാരം കേസ് രജിസ്റ്റര്‍ ചെയ്തു പോലിസ്‌ കാത്തിരിക്കുന്നു …
കഴിഞ്ഞദിവസങ്ങളിലൊന്നില്‍ ഒരു സുഹൃത്തിന്‍റെ ഫെയിസ്ബുക്ക് സ്റ്റാറ്റസ് “single” എന്നതില്‍ നിന്നും “in a relation” കണ്ടു ആശ്ചര്യത്തോടെ നോക്കിയപ്പോള്‍ അവള്‍ പറഞ്ഞു ..”ഈയിടെയായി ഫ്രണ്ട്സ് ആരും തന്‍റെ ഫെയിസ്ബുക്ക് ചുമരില്‍ ഒന്നും കോരിയിടാറില്ലത്രേ 🙁 നിലവാരം കുറഞ്ഞ കമന്റുകള്‍ക്ക് വേണ്ടി ഏതറ്റം വരെയും പോകുമല്ലോ എന്നോര്‍ത്ത് മിണ്ടാതിരുന്നപ്പോള്‍ ..
“Mr who the hell you are to think about me ,mind your own business ” എന്ന അര്‍ത്ഥത്തോടെ ഒരു സ്മൈലി വന്നു വീണു … 🙁 🙁
മുട്ടോളമെത്തിയ കുട്ടി നിക്കറുമിട്ട് ഇടക്കിടെ തരത്തിലും വിധത്തിലും ഫോട്ടോകള്‍ പോസ്റ്റ്‌ ചെയ്തു ഫോട്ടോകള്‍ക്കടിയില്‍ നിരവധി ലൈക്കും കമ്മന്റും വരുന്നത് ചിലരെ രസം പിടിപ്പിച്ചുകൊണ്ടിരിക്കുന്നു ..അതെവിടെയെങ്കിലും പോയി നിക്കട്ടെ കാരണം ..”Mr who the hell you are to think about me ,mind your own business ” എന്നത് ഇനിയും കേള്‍ക്കാനെനിക്ക് വയ്യ …
“മാലിനിയുടെ മരണം ഒരു ഓര്‍മ്മപ്പെടുത്തല്‍ ആണ് ..അല്ലെങ്കില്‍ വാര്‍ണിംഗ് …”
ഇപ്പോഴെങ്കിലും ഒന്ന് ശ്രദ്ധിക്കുക ..
ഇപ്പോള്‍ മരിച്ച മാലിനിയെ എനിക്കറിയില്ല , ഇതിനുകുറെ ദിവസങ്ങള്‍ക്ക്മുന്‍പ് ഫേയിസ്ബുക്കിന്‍റെ മാറുന്ന മുഖത്തെക്കുറിച്ചു ഒരു ലേഖനം എഴുതി യത് നിങ്ങള്‍ വായിച്ചു കാണും എന്ന് വിശ്വസിക്കുന്നു
മലയാളിയായ വേറൊരു മാലിനി ഇത്തരം സാഹചര്യത്തില്‍പെട്ടു എന്നൊരു വാര്‍ത്ത വായിക്കേണ്ടിവരരുത് എന്ന് സ്വാര്‍ത്ഥമായി ആഗ്രഹമുള്ളതോണ്ടാണ് ഇതെഴുതിയത് 🙁 🙁
മരിച്ചുപോയെങ്കിലും , “Malini Murmu” പറയാതെ പറഞ്ഞ ഒരുപാട് സത്യങ്ങള്‍ നമുക്കെല്ലാം തന്നാണ്‌ പോയിരിക്കുന്നതെന്നു ഓര്‍ത്തു , കണ്ണീരില്‍ കുതിര്‍ന്ന വേദനയോടെ അവര്‍ക്കുവേണ്ടി നല്ലത് പ്രാര്‍ത്ഥിച്ച് നമുക്ക് പിരിയാം …
ശരിയപ്പോ 🙂
സജിത്ത്
© 2011, sajithph. All rights reserved.
