BC 46ല്‍ ജൂലിയസ് സീസര്‍ പേരിട്ട , ദേശീയ ഐസ്ക്രീം മാസം എന്നറിയപ്പെടുന്ന കഴിഞ്ഞ ജൂലൈ കയ്പ്പേറിയ ചില ഓര്‍മ്മകളാണ് ചരിത്രത്തിനു നല്‍കിയിരിക്കുന്നത് ..
കാലം കഴിയുന്തോറും , ടെക്നോളജി വളരുന്തോറും മനുഷ്യന്‍ പുറകിലെക്കാണോ നടത്തം എന്ന് ചിന്തിച്ചു പോകും അവയില്‍ ചിലതിലൂടെ …
ഭരണസിരാകേന്ദ്രമായ ദില്ലിയില്‍ നിന്നും ഒരമ്പതു കിലോമീറ്റര്‍ അകലെ കിടക്കുന്ന അസറ ഗ്രാമത്തില്‍ പ്രണയ വിവാഹം നിരോധിച്ചത് വാര്‍ത്ത പ്രാധാന്യം നേടിയത് ജൂലെയില്‍ ആയിരുന്നു … പോരാത്തതിനു നാല്‍പ്പതിനു താഴെയുള്ള സ്ത്രീകള്‍ ഒറ്റയ്ക്ക് ഷോപ്പിംഗ്‌ നടത്തുന്നതോ പൊതുസ്ഥലങ്ങളില്‍ മൊബൈല്‍ ഉപയോഗിക്കുന്നതോ പോലും വിലക്കിയിട്ടുണ്ട് …ശിരോവസ്ത്രം ഇല്ലാതെ സ്ത്രീയെ കണ്ടുപോകരുതെന്നും ഗ്രാമീണ ഭരണാധികാരികള്‍ പുറപ്പെടുവിച്ച ഉത്തരവില്‍ വ്യക്തമാക്കുന്നു … പ്രണയമോ പ്രണയ വിവാഹമോ പൂര്‍ണ്ണമായും നിരോധിച്ചിരിക്കുന്നു … കയ്യോ കാലോ വളരുന്നതെന്ന് നോക്കി പിള്ളേരെ ഒരു വഴിക്ക് ആക്കിവരുമ്പോള്‍ കണ്ടവന്റെ കൂടെ ഇറങ്ങി കുടുംബത്തിന്റെ മാനം കളയാന്‍ ഇനി ആരെയും അനുവദിക്കില്ല എന്നതാണ് ന്യായീകരണം … എന്തായാലും ആ അടിചെല്‍പ്പിക്കല്‍ എവിടെ ചെന്ന് നില്‍ക്കുമെന്ന് ചരിത്രം തെളിയിക്കും … ഉത്തര്‍പ്രദേശിലെ ഒരു ഗ്രാമത്തിലെ കുറെ പെണ്‍കുട്ടികള്‍ ചേര്‍ന്ന് ജീന്‍സും ടോപ്പും കത്തിച്ചു , പാരമ്പര്യ വേഷമല്ലാതെ വേറെ ഒന്നും ധരിക്കരുതെന്ന് തീരുമാനിക്കുകയും മറ്റുള്ളവരോട് അത് പിന്തുടരാന്‍ ആഹ്വാനം ചെയ്യുകയും ചെയ്തിരിക്കുന്നു … !!!
അടുത്തതു ഞെട്ടിപ്പിക്കുന്ന ഒന്നാണ് … പാക്യസ്ഥാനിലെ അല്‍-ഷിഫ ഹോസ്പ്പിറ്റലില്‍ ജനിച്ച കുട്ടിയുടെ തല വലുതായെന്നു പറഞ്ഞു രണ്ടു ദിവസം തികയും മുന്‍പേ ചേറിലേക്ക് ചവിട്ടിത്താഴ്ത്ത്തിയ സ്വന്തം പിതാവിന് പറയാനുണ്ടായിരുന്നത് , “എന്റെ കുഞ്ഞിനെ എന്ത് ചെയ്യണമെന്നത്‌ ഞാനാണ് തീരുമാനിക്കുക ….ബാക്കിയുള്ളവര്‍ അതോര്‍ത്തു തലപുകക്കണ്ട … അഞ്ചു കുട്ടികളുടെ പിതാവാണ് ഇതു ചെയ്തതെന്നും , കൊല്ലപ്പെട്ടത് ഒരു പെണ്‍കുട്ടി ആയിരുന്നെന്നും കൂട്ടി വായിക്കുമ്പോഴാണ് സംഭവം കുറെക്കൂടെ ഭീകരമാകുന്നത് … പകുതിയോളം ആളുകള്‍ക്ക് മാത്രം സാക്ഷരതയുള്ള , സ്ത്രീകള്‍ ജോലി ചെയ്യാന്‍ പോലും നിഷേധിക്കപ്പെട്ട ഒരു സ്ഥലമാണ്‌ പാക്യസ്ഥാന്‍ എന്ന് മനസിലാക്കേണ്ടത് ഇവിടെ ഖോരഖോരം പ്രസംഗിച്ചു നടക്കുന്ന ഫെമിനിസ്റ്റുകളാണ് …
UNO പുറത്തിറക്കിയ കണക്കുകള്‍ പ്രകാരം പാക്യസ്ഥാനില്‍ 55 മില്ല്യന്‍ ആളുകള്‍ അക്ഷരാഭ്യാസം ഇല്ലാത്തവരാണ് …
1200 കുഞ്ഞുങ്ങള്‍ കഴിഞ്ഞ വര്‍ഷം കൊല്ലപ്പെട്ടുവെന്നാണ് അവിടെത്തെ ഏറ്റവും വലിയ സാമൂഹ്യ സങ്കടനയായ ഈദിക്ക് പറയാനുള്ളത് ..കണക്കില്‍ അത്രയും കൊല്ലപ്പെട്ട കുഞ്ഞുങ്ങളെ അവര്‍ കണ്ടെത്തി , സത്യത്തില്‍ ഉള്ളത് അതിലും എത്രയോ വലുതായിരിക്കാം … അതില്‍ത്തന്നെ പത്തില്‍ ഒന്‍പതും പെണ്‍കുട്ടികളും …
പെണ്‍കുട്ടികള്‍ കെട്ടിപോകുമ്പോഴേക്കും വര്‍ധിച്ച സാമ്പത്തിക ബാധ്യത വരുത്തുന്നുവെന്നാണ് പറയപ്പെടുന്ന ന്യായം
ബോധവല്‍ക്കരണം കൊണ്ട് പ്രത്യെകിച്ചു കാര്യം ഇല്ലെന്നു അറിയുന്നതുകൊണ്ട് ആര്‍ക്കും വേണ്ടാത്ത കുഞ്ഞുങ്ങളെ ഏറ്റെടുക്കാന്‍ തയാറായി സങ്കടന തന്നെ രാജ്യമാകമാനം തൊട്ടിലുകള്‍ സ്ഥാപിച്ചിട്ടുണ്ട് … അവിടെ വരെയെത്തി നില്‍ക്കുന്നു കാര്യങ്ങള്‍ …………
അവിടെ കല്യാണത്തിന് മുന്‍പ് ജനിക്കുന്ന കുട്ടികളുടെ കാര്യം പറയേണ്ടതില്ലല്ലോ … ആ കണക്കുകള്‍ ദൈവത്തിനു മാത്രമറിയാം !!!!!!
ടെക്നോളജി വളരുന്തോറും മനുഷ്യന്‍ പുറകിലെക്കാണോ നടത്തം എന്ന് ചിന്തിച്ചു പോകുന്നു …
സജിത്ത് , https://www.facebook.com/iamlikethisbloger
© 2012, sajithph. All rights reserved.
Copyright secured by Digiprove © 2012 Sajith ph 
