സമദൂരത്തിലെ ശരിദൂരം

 

മനുഷ്യത്വം മരിക്കുമ്പോള്‍ മതങ്ങള്‍ ജനിക്കുന്നു  ……….

മൂല്യച്ചുതി സംഭവിച്ചുകൊണ്ടിരിക്കുന്ന  വ്യവസായമായി മതങ്ങള്‍ മാറ്റപ്പെടുമ്പോള്‍  ഓരോ തിരഞ്ഞെടുപ്പും നിഘണ്ടുവിലേക്ക് ചില പുതിയ പദങ്ങളെ അരക്കിട്ട് ഉറപ്പിക്കുന്നത് കാണാന്‍ തുടങ്ങിയിട്ട് നാളേറെ ആയിട്ടില്ല  ..

മനസാക്ഷി വോട്ട്  , സമദൂരം , ശരിദൂരം , … ശരിദൂരത്തിലെ സമദൂരം …സമദൂരത്തിലെ  ശരിദൂരം എന്നിങ്ങനെ ആ പദങ്ങള്‍  വളര്‍ന്നുകൊണ്ടിരിക്കുന്നു …  ബഹുപൂരിപക്ഷതിലെക്കുള്ള ന്യുനപക്ഷത്തിന്റെ  കടന്നാക്രമണം ,  ന്യുനപക്ഷ പ്രീണനം  എന്നൊക്കെപ്പറഞ്ഞു സ്വയം വിശ്വാസം ആര്‍ജിച്ചെടുക്കാന്‍ കുറേപ്പേര്‍ കാറുന്നത്‌ കാണുമ്പോള്‍ ആരും ചോദിച്ചുപോകും  , ഇതൊരു ജനാതിപത്യ രാജ്യമല്ലേ , മതമേലധ്യക്ഷന്മാര്‍ പറയുന്നത് കേട്ട്   ബാലറ്റ് പേപ്പറില്‍ സീലടിക്കാനായി മാത്രമിരിക്കുന്ന കഴുതകളാണോ പൊതുജനം  ?    

തിരഞ്ഞെടുപ്പില്‍ ഏത് സ്ഥാനാര്‍ത്തി ജയിച്ചാലും അത് തങ്ങളുടെ  കടാക്ഷം ഒന്നുകൊണ്ടു മാത്രമാണെന്നും പറഞ്ഞു വിജയശില്‍പിയുടെ  കോണകത്തിനുപോലും   അവകാശമുന്നയിക്കാന്‍ മടിയില്ലാത്ത ഇക്കൂട്ടര്‍ക്ക് വേണ്ടത്  സാമൂദായിക ഉന്നമനത്തിന്റെ പേരില്‍  ഉളുപ്പില്ലാതെ യാചിച്ചെടുക്കുന്ന   അധികാരക്കസേരകളോ  അല്ലെങ്കില്‍ ഉദാരവല്‍ക്കരണക്കാലത്തെ പുത്തന്‍ വാണിജ്യസമുച്ചയങ്ങളായ  വിദ്യാഭ്യാസസ്ഥാപനങ്ങളോ ആണ്  …  

തിരഞ്ഞെടുപ്പ് ഫലം  മതമേലധ്യക്ഷന്മാര്‍ക്ക് നേരിട്ട് മാറ്റിയെടുക്കാന്‍ കഴിയാത്തവിധം   ജനമനസുകള്‍  അവരില്‍നിന്നും  അകന്നെന്നു ഇരുകൂട്ടര്‍ക്കും ബോധ്യമുണ്ടെങ്കിലും കിട്ടുന്നതില്‍ ഒരോഹരി ആര്‍ക്കും പിച്ചകൊടുക്കാന്‍ രാഷ്ട്രീയക്കാര്‍ മടി കാണിക്കാറില്ല എന്നതാണ് വസ്തുത … അതിന്റെ പേരില്‍  കാണുന്ന ചില പിന്നാമ്പുറക്കഥകളാണ്  ഇടക്കെങ്കിലും കേള്‍ക്കാറുള്ള ബഹുപൂരിപക്ഷതിലെക്കുള്ള ന്യുനപക്ഷത്തിന്റെ  കടന്നാക്രമണം ,  ന്യുനപക്ഷ പ്രീണനം എന്നതെല്ലാം …

സ്വയം വളര്‍ച്ചയുടെ പടികള്‍ കേറുവാന്‍ സാമുദായിക സങ്കടനകളുടെ  കൂട്ടുപിടിക്കുന്ന  ഇക്കൂട്ടരുടെ അറിയാവുന്ന ചിത്രം  പരിശോധിക്കുകയാണെങ്കില്‍   …

 

 

വളര്‍ന്നു വളര്‍ന്നു ഇന്ത്യന്‍ റെയില്‍വെയുടെയും  , NTPC  യുടെയും , നാഷണല്‍ ഹൈവേകളുടെയും മൊത്ത കരാര്‍ ജോലികള്‍ വര്‍ഷങ്ങളായി പതിച്ചു നല്‍കപ്പെട്ട വ്യക്തികളുണ്ട്‌ .. നിരവധി  വിദ്യാഭ്യാസ സ്ഥാപങ്ങളുടെ അമരക്കാരാണിവര്‍ … ഒരു പ്യുണായി ജോലിയാരംഭിച്ചു കേരളരാഷ്ട്രീയത്തെ സ്വാധീനിക്കാന്‍ തക്കവിധം ജനറല്‍ സെക്ക്രട്ടരി പദത്തിലെത്തിയ ചിലര്‍ ….    കോടികള്‍ മറിയുന്ന വ്യവസായങ്ങള്‍ … എന്നിട്ടും മതിയാകാതെ സാമൂഹ്യ ഉന്നമനത്തിനു സധാസമയം ജാഗരൂഗരായിരിക്കുന്ന  മഹാന്മാര്‍ !!!!   എല്ലാം കാലാകാലങ്ങളായി വിശ്വസിക്കാന്‍  പൊതുജനവും …  

മനുഷ്യത്വം മരിക്കുമ്പോള്‍ മതങ്ങള്‍ ജനിക്കുന്നു  

 

 

ഈയിടെ  കണ്ടത്   മെത്രാനാവാന്‍  മൂന്നുകോടി രൂപ കാണിക്ക വെച്ച ഒരു അഭിനവ പിതാവിനെയാണ്


ഈ കാലത്ത് മൂന്നിറക്കിയാല്‍  മുന്നൂറു കിട്ടണം എന്ന കണക്കുകൂട്ടലുള്ള  ഒരുപാടുപേര്‍ മതമേലധ്യക്ഷന്മാരുടെ കസേരകളില്‍ അമരുമ്പോള്‍  സാധാരണക്കാര്‍ എന്ത് ചെയ്യും .. എല്ലാം കാണുകയും കേള്‍ക്കുകയുമാല്ലാതെ എന്തെങ്കിലും പറഞ്ഞുപോകുന്നവര്‍ പിന്നീടുള്ള സൂര്യോദയം കാണില്ല എന്നുള്ളപ്പോള്‍ എല്ലാം ചരിത്രത്തില്‍ കുഴിച്ചുമൂടപ്പെടുന്നു  ….

പട്ടുകുപ്പായവും കാഷായവും  അണിഞ്ഞ  മതമേലധ്യക്ഷന്മാരും  ,യാതൊരു  നീതിയുമില്ലാതെ സംവരണവും സാദാരണക്കാരെ വീര്‍പ്പുമുട്ടിക്കുമ്പോള്‍  ..വിദേശത്ത് നിന്നെത്തുന്ന കണക്കില്ലാത്ത ഫണ്ടുകള്‍ ചിലവഴിക്കാന്‍  പുതുവഴികള്‍ തേടി വീണ്ടുമവര്‍  …

ബാലറ്റ് പേപ്പറില്‍ സീലടിക്കാനായി ജനവും  …

ഒരുപാടൊക്കെ പറയാനുണ്ടെങ്കിലും , പറയുന്നത്  വെറും പറച്ചിലുകളായി  മാത്രം അവസാനിക്കുമെന്നറിയുമ്പോള്‍  വെറുതെയെന്തിനു 

സജിത്ത്

  https://www.facebook.com/iamlikethisbloger

 

 

 

 

© 2012, sajithph. All rights reserved.

Digiprove sealCopyright secured by Digiprove © 2012 Sajith ph
This entry was posted in രാഷ്ട്രീയം and tagged . Bookmark the permalink.