പെണ്ണൊരുമ്പെട്ടാൽ …

ഞാനൊരു  ഫെമിനിസ്റ്റോ   ഹൊമിനിസ്റ്റൊ അല്ല …

 പക്ഷെ   അടുത്തകാലത്ത് കേൾക്കാനിടയായ  ചില   പീഡന വാർത്തകൾ   ഓർമ്മയിൽ ഉൾവലിഞ്ഞ സത്യങ്ങളെ ഒന്നുകൂടെ ഓർക്കാൻ  ഇടവരുത്തുന്നു 

മനസ്സിൽ തെളിയുന്ന മുഖം കരാട്ടെ കിഡിന്റെതാണ് … മാധ്യമങ്ങൾ മത്സരിച്ച് അവതരിപ്പിച്ച വാർത്ത ,  രാത്രി ഭക്ഷണം തേടി ഇറങ്ങിയ “അമ്മയുടെ” സ്വന്തം മോളെ ഒരു പറ്റം ആഭാസരായ സർക്കാർ ഉദ്യോഗസ്ഥർ  അധികാരമുഷ്കിന്റെ  ബലത്തിൽ പീഡിപ്പിക്കാൻ ശ്രമിച്ചു എന്നതാണ് ( വാക്കാലുള്ള പീഡനം എന്നത് വാർത്തയിൽ പറഞ്ഞവർ ചുരുക്കം ) …. ആ കുട്ടിക്ക് കരാട്ടെ അറിഞ്ഞതുകൊണ്ട്‌ പരിക്കേൽക്കാതെ  രക്ഷപ്പെട്ടുവെന്നും , ചെറുത്തുനിൽപ്പിന്റെ  ഭാഗമായി തിരിച്ചു രണ്ടെണ്ണം കൊടുക്കാൻ കഴിഞ്ഞെന്നുമാണ് …. സത്യത്തിന്റെ  നിറകുടമായ അമ്മയുടെ മോളെ പ്രശംസിക്കാനും സ്വീകരണം നല്കാനും വരെ മത്സരമുണ്ടായി … ഒടുക്കം പറഞ്ഞതൊക്കെയും കളവാണെന്ന് ക്ലോസ്ട്  സർക്യുട്ട്  ദൃശ്യങ്ങൾ തെളിയിച്ചപ്പോഴേക്കും അമ്മയുടെ സ്വന്തം ചാനലിൽ റിയാലിറ്റി ഷോയിൽ മത്സരിക്കുന്ന മോളെയാണ് ജനം പിന്നീടു കണ്ടത്  …





രണ്ടു ദിവസം മുൻപേ കേട്ടത്  ” മുഖ്യമന്ത്രിയുടെ സുതാര്യ കേരളം  ” പദ്ധതിയുടെ ഭാഗമായി പരാതി പറയാൻ വിളിച്ച  യുവതിയെ കിടപ്പറ പങ്കിടാൻ ക്ഷണിച്ചുകൊണ്ട് പീഡിപ്പിച്ചു എന്നാണ് … പരാതി നാലാൾ അറിയുന്നതിന്  മുൻപേ ആ ഫോണ്‍ എടുത്ത ഉദ്യോഗസ്ഥനെ പുറത്താക്കുകയും ചെയ്തു…” തെറ്റൊന്നും ചെയ്‌തിട്ടില്ല   എന്നയാൾ വാർത്താസമ്മേളനം വിളിച്ചു പറഞ്ഞെങ്കിലും ആര് കേൾക്കാൻ .. സ്ത്രീ നുണ പറയില്ലല്ലോ  ..അവർക്കാണല്ലോ  ഇവിടെ വോയിസ്  .. ഒടുക്കം ചില ദിവസങ്ങള്ക്ക് ശേഷം കഥയാകെ മാറി , ഫോണ്‍ എടുത്ത ആളും പരാതിക്കാരിയും  ഒരിക്കൽ പ്രണയിച്ചവരാണെന്നും  യുവതി ഭീഷണിപ്പെടുത്തി വേറൊരാളെ  കെട്ടിയിട്ടുണ്ടെന്നും  ..അയാളുടെ പേരിലും പരാതി കൊടുത്തു ജോലി കളഞ്ഞ് ഇപ്പോ വിവാഹമോചനത്തിൻറെ  കേസ് കോടതിൽ ആണെന്നും  കേൾക്കുന്നു …




മണിക്കൂറുകൾക്കു മുൻപ് കേട്ടത് / കണ്ടത്  , മുൻ  മന്ത്രിയും മോനും പീഡിപ്പിച്ചു എന്ന് പറഞ്ഞ്   വെബ്കാം  വീഡിയോയുമായി  എത്തിയ യുവതിയുടെ വാർത്തയാണ്  .. നിരവധി തവണ പീഡിപ്പിച്ചെന്നും  പരാതിയിൽ പറയുന്നു .. സംഭവം എന്തായാലും തെറ്റ് തന്നെയാണ് പക്ഷെ അതെങ്ങനെ പീഡനമാകും  ?  പരസ്പര സഹകരണത്തോടെ പ്രായപൂർത്തിയായവരുടെ  ലൈംഗികബന്ധം കോടതി പോലും അനുവദിച്ചിട്ടുള്ളതാണ് …




അത് മാത്രമോ  ..വിവാഹേതര ലൈംഗികബന്ധം തെറ്റല്ലെന്നും , തെളിവിന്റെ  അടിസ്ഥാനത്തിൽ അത്തരമൊരു ബന്ധം മാത്രം വെച്ച്  വിവാഹം നടന്നതായി കണക്കാക്കാമെന്നും വരെ ഡൽഹി ഹൈക്കോടതി വിധിച്ചിട്ടുണ്ട്



ബന്ധങ്ങളുടെ  കാര്യത്തിൽ  കൂടുതൽ ഉദാരവൽക്കരണ നടപടികൾ  സമൂഹത്തിൽ  അടിച്ചേൽപ്പിക്കുന്നതിൽ കോടതികൾ ചെലുത്തുന്ന പങ്കിനെക്കുറിച്ച്  എടുത്ത് പറയാതെ തരമില്ല …  “വിവാഹം എന്നത് ലൈംഗിക ബന്ധത്തിനുള്ള  ലൈസൻസ്  അല്ലെന്നും  അത്തരം ബന്ധം എപ്പോൾ വേണമെങ്കിലും ആകാമെന്നും  കോടതി തന്നെ പറയാതെ പറഞ്ഞിരിക്കുന്നു ..  ഇതിൽക്കൂടുതൽ  എന്ത് വേണം  …  അത് നല്ലതാണോ അല്ലയെയെന്നുള്ള  വിശകലത്തിനു മുതിരുന്നത്  പ്രധാന വിഷയത്തിൽ നിന്നുള്ള തെന്നിമാറൽ ആയതിനാൽ അങ്ങോട്ട്‌ കടക്കുന്നില്ല ..



അങ്ങനെയെങ്കിൽ  ആ മന്ത്രി ചെയ്തത് എങ്ങനെ ചോദ്യം ചെയ്യാനാണ് ?  അല്ലെങ്കിൽ ഇവിടെ  സ്ത്രീക്ക് മാത്രം പരിശുദ്ധിയുടെ  പൊന്നാട പുതപ്പിക്കാൻ ശ്രമിക്കുന്നത്  എന്ത് കാരണം കൊണ്ടും ന്യയീകരിക്കതക്ക ഒന്നാണോ ? ആ സ്ത്രീ പറയുമ്പോലെ    നിരവധി തവണ ബന്ധപ്പെട്ടിട്ടും ഒരിക്കൽ ബെഡ് ലാംപ്  കാമറയിൽ  അത്തരം രംഗം ചിത്രീകരിക്കാൻ അവർ കാണിച്ച ഉൽസാഹത്തെ  തെളിവ് ശേഖരിക്കാൻ  വേണ്ടിയായിരുന്നുവെന്ന  ഒരു കാരണത്തിൽ മാത്രം ന്യായീകരിക്കുന്നത്  സത്യത്തിന്  നിരക്കുന്നതാണോ എന്നത് ചിന്താവിധേയമാക്കേണ്ട ഒന്നാണ്‌ ..




സ്ത്രീ സംരക്ഷണനിയമങ്ങളുടെ പ്രത്യക്ഷമായ ദുരുപയോഗത്തിന്  നമ്മുടെ സമൂഹം നിരവധി തവണ വേദിയാക്കപ്പെടിരിക്കുന്നുവെന്നത്   ഒരു ഞെട്ടലോടയെ സാമാന്യ ബോധമുള്ള ആർക്കും  ഓർമ്മിച്ചെടുക്കാൻ  കഴിയൂ  …  ഡൽഹിയിലും  മണിപ്പാലിലും  നടന്ന സംഭവങ്ങൾ മറന്നിട്ടല്ല   പക്ഷെ ഇവിടെ  സ്ഥിതി  മറിച്ചാണ്  ..




സ്ത്രീ പറയുന്നതെല്ലാം വേദവാക്യമെന്നും  സത്യം മാത്രമെന്നും  കരുതുന്ന സ്ഥിതിക്ക്    ഒരു മാറ്റം വരുത്തേണ്ട സമയം തീർച്ചയായും അതിക്രമിച്ചിരിക്കുന്നു .. മാധ്യമങ്ങൾ ഇക്കാര്യത്തിൽ നീതി  പാലിക്കുക തന്നെ  വേണം .. അല്ലെങ്കിൽ പണ്ട് ഭസ്മാസുരന്  വരം നല്കിയ  ശിവന്റെ   സ്ഥിയാകും എന്നോർമ്മിപ്പിച്ചുകൊണ്ട്‌  തൽക്കാലം  വിട



 *  ഈ മാസം മുപ്പതോടുകൂടെ ഈ സൈറ്റിൻറെ  കാലാവധി  അവസാനിക്കുന്നതിനാൽ  മിക്കവാറും ഈ ബ്ലൊഗിന്റെ  അവസാന പോസ്റ്റും ഇതായിരിക്കും …
സജിത്ത്   ,    https://www.facebook.com/iamlikethisbloger         
iamlikethis.com@gmail.com

© 2013, sajithph. All rights reserved.

Digiprove sealCopyright secured by Digiprove © 2013 Sajith ph
This entry was posted in നമുക്ക്‌ച്ചുറ്റും and tagged . Bookmark the permalink.