ഓർമ്മകൾ പൂക്കും കാലം


  • മിക്കപ്പോഴും നഷ്ടപ്പെട്ട ഓർമ്മകളാണല്ലോ നമ്മൾ എത്ര സമ്പന്നരായിരുന്നു എന്ന് ഓർമ്മപ്പെടുത്തുന്നത് …  ചില ഓർമ്മകൾ മനസിലേക്ക്  പെയ്തിറങ്ങുമ്പോൾ അവക്ക് മഞ്ഞുതുള്ളികളെക്കാൾ കുളിരാണ് … ചെമ്പകപ്പൂവിനേക്കാൾ  ഗന്ധമാണ്

 

ജീവിതം തിരക്കിൽ നിന്നും തിരക്കിലേക്ക് പോകുന്നെന്ന് തോന്നുമ്പോഴോ , ചുറ്റുമുള്ള സന്തോഷങ്ങൾക്ക്  കുമിളയുടെ ആയുസുപോലുമില്ലെന്നു തോന്നുമ്പോഴോ ഓർമ്മകളുടെ ചെറുപ്പകാലത്തിലേക്ക്  നോക്കുന്നത് ഒരു സുഖമാണ് …  അത്തരം ഓർമ്മകൾ  സമ്മാനിച്ചവർ  പലരാവാം…    ഒന്നും പ്രതീക്ഷിക്കാതെ  ഒരുപാടു സ്നേഹിച്ചവർ …   എന്ത് സംഭവിച്ചാലും  എന്തിനുമേതിനും കൂടെ നിന്നവർ ….  ഒന്നും പ്രതീക്ഷിക്കാതെ നമ്മോടു കൂടെ  എത്രപേർ  നിൽക്കുന്നുണ്ട് എന്നത് മാത്രമല്ലേ ജീവിതത്തിലെ യഥാർത്ഥ സമ്പാദ്യം എന്ന് തോന്നാറുണ്ട്  ….

ഓർമ്മകൾക്കും , സന്തോഷങ്ങൾക്കും ,  സങ്കടങ്ങൾക്കും  വയസ്സാകാറുണ്ടോ എന്ന് തോന്നിത്തുടങ്ങിയിരുന്നു …  ഇപ്പോഴത്തെ സന്തോഷത്തിനോ , സങ്കടത്തിനോ  പണ്ടുള്ളത്രയും  തീക്ഷണത തോന്നാറില്ല  …

പുറകോട്ടു നോക്കുമ്പോൾ
പെട്ടെന്ന് ഓർമ്മയിൽ തെളിയുന്നത്  മുത്തശ്ശിയുടെ മുഖമാണ്  … മധുരക്കിഴങ്ങുും മധുര പലഹാരവും ഉണ്ടാക്കിത്തന്ന  നിമിഷങ്ങൾ…  വരിക്ക പ്ലാവിലെ ചക്കചുള  പറിച്ചു തന്ന   നിമിഷങ്ങൾ …    എന്ത്  കുരുത്തക്കേട് ഒപ്പിച്ചാലും  ” അവൻ ആൺകുട്ടിയല്ലേ .. സാരമില്ല എല്ലാം ശരിയാകും  ” എന്ന്  പറഞ്ഞു എന്തിനും കൂടെ നിന്ന  ഓർമ്മകൾ … ..      ചക്കയോ , മുട്ടയോ , പാലോ  വിറ്റു കിട്ടുന്ന നാണയ തുട്ടുകളിൽ നിന്നും ഒരു വിഹിതം   കൈ വെള്ളയിൽ വെച്ച് നൽകുമ്പോൾ കിട്ടിയ അന്നത്തെ ആ സന്തോഷം  മറ്റൊരു നോട്ടുകെട്ടുകൾക്കും തരാൻ ഇതുവരെ കഴിയാത്തതെന്തേ  എന്ന് ആലോചിച്ചിട്ടുണ്ട് ..

മുത്തശ്ശന്റെ മുഖമാണ് പിന്നീട്  ഓർമ്മ വരുന്നത് ….
ബാലരമയും  ,  പലഹാരങ്ങളുമായി  എല്ലാ മാസത്തിലും മുടക്കം തെറ്റാതെയുള്ള  വരവ് …  സ്‌കൂൾ അവധിക്കു വിരുന്നു പോകുമ്പോളെല്ലാം  ഒരു സ്വർഗ്ഗത്തിലേക്കായിരുന്നു  പോയിരുന്നത് എന്നിപ്പോൾ  തിരിച്ചറിയുന്നു ….  മാനം ഇരുട്ടുവോളം കളിച്ചു നടക്കാൻ ഉള്ള സ്വാതന്ത്ര്യം … വിശപ്പ് മാറുവോളം കഴിക്കാനായി  മച്ചിന്റെ  താഴെ കെട്ടിത്തൂക്കിക്കിയിട്ടിരുന്ന പഴക്കുല … അത് കഴിയാറാകുമ്പോഴേക്കും  സൈക്കിളിന്റെ  തണ്ടയിൽ  അടുത്ത പഴക്കുലയുമായി  ഒരു ചിരിയോടെ വന്നിറങ്ങിയുരുന്നത് …കളിച്ചു മതിയാകുമ്പോൾ  പുഴക്കരികിലേക്കു  മതിവരുവോളം നീന്തിക്കുളിക്കാൻ  കൂട്ട് വന്നിരുന്നത്  , ഒന്നും  ഓർമ്മയിൽ നിന്നും മായുന്നേ ഇല്ല ..

തിരിച്ചറിയുന്നു …

ഇഷ്ടമാണെന്നോ  സ്നേഹിക്കുന്നുവെന്നോ  പറഞ്ഞിട്ടില്ലെങ്കിലും , തിരിച്ചറിയുന്നു  ഈ നിമിഷം …  വാക്കുകൾ കൊണ്ടല്ല പ്രവർത്തിയിലൂടെയാണ്  അവർ സ്നേഹിച്ചുരുന്നത് … …  തിരിച്ചൊന്നും പ്രതീക്ഷിക്കാതെ  സ്നേഹിച്ചവർ  … നമ്മുടെ സന്തോഷത്തിനു വേണ്ടി പല വിട്ടുവീഴ്ചയും ചെയ്തവർ …  അങ്ങനെ ഓർത്തെടുക്കാൻ വളരെ കുറച്ചു മുഖങ്ങൾ മാത്രം ….

…. സമ്മാനങ്ങൾക്കു ശേഷം മാത്രം  ഇപ്പോൾ കേൾക്കുന്ന  ” i love you … ” എന്ന ജീവനില്ലാത്ത വാക്കുകൾ  നേരമ്പോക്ക് മാത്രമെന്നത് …  മിക്കപ്പോഴും ഒരു മഴവില്ലിൻ ആയുസ് മാത്രം …

നഷ്ടപ്പെട്ട ഓർമ്മകളാണല്ലോ നമ്മൾ എത്ര സമ്പന്നരായിരുന്നു എന്ന് ഓർമ്മപ്പെടുത്തുന്നത് …

നഷ്ട്ടപ്പെട്ട ഓർമ്മകൾക്ക് മാത്രമാണ് മനസ്സിൽ കുളിർമ സമ്മാനിക്കാൻ സാധിക്കുന്നതെന്നു  തിരിച്ചറിയുന്നുവെങ്കിൽ  … ,  എവിടെയോ വഴി പിഴച്ചിരിക്കുന്നു ….  ഒന്നും പ്രതീക്ഷിക്കാതെ  സ്നേഹിക്കാനും സ്നേഹിക്കപ്പെടാനും  കഴിയുക എന്നത് തിരിച്ചു പിടിക്കാം …

സജിത്ത്  

 https://www.facebook.com/iamlikethisbloger ;  iamlikethis.com@gmail.com

Digiprove sealCopyright secured by Digiprove © 2018 Sajith ph
Posted in നമുക്ക്‌ച്ചുറ്റും | Tagged | Leave a comment

The secret to happiness :)

Those who are reading these lines should have gone through the same thought at-least once , what is the secret to happiness  ?  How I can be more happy in my life ? How some one can be always happy ?

 

 

Exactly the same questions/thoughts were running through my head in last few years. I spent a lot time talking with many people  regarding this , Gone through  “Successful /Rich persons ” life stories , spent hours hearing happiness persons views about their life.  Finally I made a survey on couple of friends in my close group asking their views and then reached in a conclusion . This blog post is my humble attempt to shed  light to those areas. I can guarantee that the time you are going to spent on this blog post won’t put you down  .

Happiness is of different types like mental happiness , physical happiness , sexual happiness , divine happiness ,emotional happiness etc …
When I asked a 4 year boy/Girl about happiness he/she said like a bunch of chocolates or  a room full of toys will make them happy. When I asked the same question to another boy of same age group ,  then it was a luxurious mobile phone which may be making him happy. I kept asking questions to many people in the same age group and the survey extended to different age groups of persons. The answers were amazing ..
A new bicycle , a car , a job , Lot of money , 1 year full vacation , No exams in their life time ,  Direct job after study , new job with high salary , New home , Getting admission to IIM , getting pregnant  etc were the things which may be making them happy . I realized one thing that the reasons are not related or depends upon their age.10 year person and 27 year person said that if they gets 1 year full holiday that will be making them happy.

But the true point is they won’t be happy though they gets what they desired. Because then some other thing will be their new choice of happiness.

My next attempt was to find the just past happiest moment from  their memory. As expected many people in same age group answered differently . Few told  talking hours with  best friends was the happiest moment in their life . For some it was a 12 hour sleep after a delicious food  .. The moment when they are in flight/bus to see their loved ones  was the best happiest moment to few from their memory. Some answered seeing HD porn videos with snacks and drinks were the most happiest moment for them . A long drive in bike / car  was few one’s choice. Hearing favorite singer music in a lonely place was the choice for few persons. Playing time with their kids was the choice of few.  Seeing a smile on their spouse face following a hug was the happiest moment for some one from  their memory .

so the happiest moments are different here too .  Its not dependent on any factors like gender or age or educated/illiterate . It varies from person to person .

 

So what will be that “secret key to happiness”  ?  How some one can be always happy in their life ?   Well the answer is its possible. There is a simple way for the same and for that you   just need to realize what is happiness. No external thing can make you happy for a longer period but you can be happy if you wish . Happiness is a situation / inner feeling
and to be happy always you just need to be contented person with what you have !! … Contentment is the only thing which can give you some what long term happiness.

 

There are millions of persons who lived yesterday and not living today  ..Millions of people around  the worldwide can’t see  what you can .Billions of people cant think properly. Many millions are not getting a balanced food even one time per week .. You are a completely blessed person  . You can think , you can see , you can enjoy many other materialistic things around you .

No other external thing should control your happiness. You have to be happy without a reason .. You should be controlling your emotions or thoughts . If some other person or some emotion makes you uncomfortable then you are a slave to some thing.( I am not going to more deeper on this ) . You should be the power which controls your own  emotions , mind . Happiness is a choice its just you who have to decide whether to be be happy or Not … it is completely in your hands. You will be exactly as much happy as you decide to be ..

Do good things which can bring a smile to your mind .. keep smiling ………..

 

സജിത്ത്  

 https://www.facebook.com/iamlikethisbloger ;  iamlikethis.com@gmail.com

 

Digiprove sealCopyright secured by Digiprove © 2018 Sajith ph
Posted in നമുക്ക്‌ച്ചുറ്റും | Tagged | Comments Off on The secret to happiness :)

ശരിയേത് തെറ്റേത് ….

ആൽസാ സ്പ്രിങ് ഫീൽഡിലെ ഏഴാം നിലയിലെ കൊച്ചു ഫ്ളാറ്റിലെ ബാൽക്കണിയിൽ ചാരിക്കിടന്ന് നരേൻ അവളുടെ മുഖത്തേക്ക് നോക്കി … അങ്ങകലെ കരോൾ ഗാനങ്ങളുമായി ആരൊക്കെയോ  ചിലർ  ..

അവളുടെ മടിയിൽ നിന്നും തല ഉയർത്തി താഴേക്കു നോക്കി ….

 

ഉറുമ്പുകൾ  ഭക്ഷണം എടുത്തുകൊണ്ടു പോകുന്ന പോലെ  ഡെലിവറി ബോയ്സ് ആർക്കൊക്കെയോ  ഭക്ഷണം എത്തിക്കാനുള്ള തിരക്കിലാണ്  .. തിരികെ തല  മടിയിൽ വെച്ച്  മുഖത്തേക്ക് ഒന്നുകൂടി നോക്കി … മൂന്നു വർഷം മുൻപെങ്ങോ ഭർത്താവുമായി  വേർപിരിഞ്ഞ   അവളുടെ മുഖത്ത് മുൻപ് കണ്ടിട്ടില്ലാത്ത ഒരു തരം തിളക്കം …  കവിളിലൂടെ വിരലോടിച്ചു ഒരു ചെറു ചിരി സമ്മാനിച്ചപ്പോഴാണ്   ബനിയനിലെ വാക്കുകൾ നരേൻ ശ്രദ്ധിച്ചത്

…..   your freedom ENDS here    …….

എന്തോ ഓർമ്മകൾ   എവിടേക്കോ നയിക്കുന്നതിനിടയിൽ
കൺപീലിയിൽ  അറിയാതെ ഒരു നനവ് പടർന്നത് കണ്ടിട്ടാണോ എന്തോ , അവൻറെ തലയിൽ അലക്ഷ്യമായി വിരലുകൾ കണ്ടു മസാജ്  ചെയ്തിരുന്ന അവൾ  ചോദിച്ചു  …

എന്ത് പറ്റി  നരേൻ ?  എന്താ ഓർക്കുന്നത്  …

അല്ല … ഞാൻ ഈ ചെയ്യുന്നത് ശരിയാണോ …തെറ്റാണോ …

എന്ത്  .. what happened you suddenly  …

അല്ല …  പച്ച മലയാളത്തിൽ പറഞ്ഞാൽ ..  സ്വന്തം  ഭാര്യയെ മറന്നു  ഏതോ ഒരുത്തിയുടെ കൂടെ ……

പറഞ്ഞു മുഴുമിപ്പിക്കാൻ  നിർത്താതെ അവൾ ഇടപെട്ടു ….

അപ്പോൾ  ഞാൻ നരേന് ഏതോ ഒരുത്തിയാണ്  അല്ലെ ?  അല്ലെങ്കിലും …

അയ്യോ അങ്ങനെ അല്ല ….  ഒരു  രസത്തിനങ്ങു പറഞ്ഞു പൊയെന്നെ ഉള്ളൂ …   എന്റെ സമാധാനത്തിനു  ചോദിക്കുക ആണെന്ന് വിചാരിച്ചാൽ മതി  … നീ പറ  , ഞാൻ എന്തെങ്കിലും തെറ്റ് ചെയ്യുന്നുണ്ടോ  … ?

ഒരു ചെറു ചിരിയോടെ അവൾ പറയാനാരംഭിച്ചപ്പോൾ  , ഒരു നിമിഷം കൂടെ അവളെ  ചിരിപ്പിക്കാനായതിൽ  അവനു സന്തോഷം തോന്നി …

look Naren .. നമ്മൾ പണ്ട് കടം കഥകളിൽ  കേട്ടിട്ടില്ലേ …   ഏതോ ഹരിശ്ചന്ദ്രനെക്കുറിച്ചു  …   അതുപോലെ ഒന്നാണ് ഈ ശരിയും തെറ്റുമെല്ലാം  ..   ചിലപ്പോൾ പണ്ടെങ്ങോ അവർ ഉണ്ടായിരുന്നിരിക്കണം …    ഇന്നവർ ഇല്ല .. ശരിയും തെറ്റുമെല്ലാം   മരിച്ചുപോയി  കാലങ്ങൾ ആയിരിക്കുന്നു ..    അല്ലെങ്കിൽ ഒരു പക്ഷെ  ഈ പറയുന്ന ശരി തെറ്റുകൾ  ആരോ  ഉണ്ടാക്കിയെടുത്ത  ഒരു തരം imaginary worlds   ആണ് .. they never existed …       മനസിലായോ  ?

മം .. മനസിലായി ..     ..      പക്ഷെ  …

… you still in doubt ? shoot …

അല്ല ,    അങ്ങകലെ  എന്നെ ഓർത്തു  എനിക്കൊരു ഭാര്യ ഉള്ളപ്പോൾ .. ഞാൻ  വേറൊരു പെൺകുട്ടിയോടൊത്തു സമയം ചിലവഴിക്കുന്നത് തെറ്റല്ലേ …അല്ല.. ഇതവൾ അറിഞ്ഞാൽ …

ഒരു  നിമിഷം എന്തോ ഓർത്തെടുത്തു അവൾ പറഞ്ഞു …

see .. this is mallus … നമ്മൾ  ഒരു സദാചാര പുകമറ സൃഷ്ടിച്ചിരിക്കുകയാണ് …  നമുക്കെല്ലാം വേണം .. പക്ഷെ ആരെയെക്കോയെ ഭയപ്പെടുകയാണ്‌ …if you really like some thing , do  it … Don’t think anything else … Life is to act .. not to keep thinking a lot …ചിലതു മാത്രമാണ് ശരിയെന്നു ആരൊക്കെയോ നമ്മളെ അടിച്ചേൽപ്പിച്ചിരിക്കുകയാണ് …  നരേൻ ചെയ്യുന്നത് എങ്ങനെ തെറ്റാകും  ?     നരേൻ അവളെ സ്നേഹിക്കുന്നില്ല  ?

മം ഉണ്ട് …

അവസാനമായി എപ്പോഴാണ് വിളിച്ചത് …

ഓഫീസിൽ നിന്ന് ഇറങ്ങുമ്പോൾ  .. may be 3 hours   ആയിക്കാണും ..

മം …പിന്നെ നരേൻ എന്ത് തെറ്റാണു ചെയ്യുന്നത് ….   think about my side ..
Life was driving me crazy …  and and you made me happy  without any expectation ..
i love this moments… .. appol ഒരു തരത്തിൽ നരേന്റെ ഭാഷയിൽ പറഞ്ഞാൽ    നരേൻ ഒരു സമയം രണ്ടു ശരികൾ ആണ് ചെയ്യുന്നത് …If you are doing some thing without hurting others feelings , then you are Big right and if you are hurting some one purposefully though there are alternatives  then you are not doing a right thing  🙂   …  മനസിലായോ

മം പിടി കിട്ടി …

യ്യോ എനിക്ക് വിശക്കുന്നു .. ഒരാനയെ കിട്ടിയാൽ തിന്നും .. അത്രക്കും വിശപ്പ് തോന്നുന്നു  ..

ഇവിടെ  ആനയൊന്നുമില്ല .. ഞാൻ മാത്രമേയുള്ളൂ .. ഒരു ചിരിയോടെ അവൾ പറഞ്ഞു …

നരേൻ അവിടെ നിന്നും ചിലതൊക്കെ പഠിക്കുകയായിരുന്നു … മനസ്സിൽ അയാൾ ഓർത്തു …

അപ്പോൾ  ശരിയും തെറ്റുമെല്ലാം   മരിച്ചുപോയി  കാലങ്ങൾ ആയിരിക്കുന്നു .. അല്ലെങ്കിൽ… they never existed …

അങ്ങനെ എങ്കിൽ  ഇതിൽ ഏതാകും ശരി  ………….

സജിത്ത്  

 https://www.facebook.com/iamlikethisbloger ;  iamlikethis.com@gmail.com

 

 

Digiprove sealCopyright secured by Digiprove © 2017 Sajith ph
Posted in കഥ/കവിത | Tagged | Comments Off on ശരിയേത് തെറ്റേത് ….

കഴിഞ്ഞ മൂന്നു വർഷങ്ങൾ

വെളുപ്പിന് മൂന്നരക്ക്എണീറ്റു ജോലിയാരംഭിച്ചപ്പോഴാണ് താഴെ കിടക്കുന്ന തിയ്യതി കണ്ണിൽ ഉടക്കിയത് .. സ്പെറ്റംബർ പതിനഞ്ചു … അപ്പോൾ മൂന്നു വർഷം ആയിരിക്കുന്നു  ശീത യുദ്ധം  തുടങ്ങിയിട്ട് … പത്തിൽ എട്ടു പൊരുത്തം എന്ന് നാല് പണിക്കന്മാർ കണക്കു കൂട്ടി പറഞ്ഞു അങ്ങനെ എത്തിച്ചേർന്നതാണ് … പക്ഷെ ഒട്ടു മിക്ക കാര്യങ്ങളിലും തെക്കോട്ടും വടക്കോട്ടുമാണ് ..  അങ്ങോട്ടുമിങ്ങോട്ടും കുറെ വാദപ്രതിവാദങ്ങൾ നടത്തി മാത്രമേ ഈ നിമിഷം വരെ ഒരു തീരുമാനത്തിൽ എത്തിച്ചേർന്നിട്ടുള്ളൂ ..
ഈ ജാതകങ്ങൾ തമ്മിൽ ഒത്തുപോകും എന്ന് പറഞ്ഞ പണിക്കന്മാരോട് പല സമയത്തും ദേഷ്യം മാത്രമേ തോന്നിയിട്ടുള്ളൂ …. ഇത്രക്കും വിരുദ്ധമായ സ്വഭാവ – ആഗ്രഹ – സവിശേഷതകൾ ഉള്ള രണ്ടു പേർ എങ്ങനെ ഒത്തുപോകും എന്ന് ചില സമയത്തു തോന്നാറുണ്ട് …
ഒരു ഗ്ലാസ് പാൽ കുറുക്കി കുറുക്കിയുള്ള ചായ ഇഷ്ട്ടപ്പെടുന്ന ഒരാളും , കട്ടൻ ചായ മാത്രം കുടിക്കുന്ന ഒരാളും …. എങ്ങോട്ടു പോകുന്നെങ്കിലും ഗൂഗിൾ മാപ്പിനോടൊപ്പം രണ്ടു മൂന്നു പേരോട് വഴി ചോദിക്കുന്ന ഒരാളും , ഒരാളോട് മാത്രം ചോദിച്ചു അല്ലെങ്കിൽ തനിയെ പോകാൻ ഇഷ്ട്ടപ്പെടുന്ന ഒരാളും , കുമ്പളങ്ങയും തഴുതാമയും ഇഷ്ട്ടമുള്ള ഒരാളും കോഴിയുടെ ഹൃദയ ഭാഗം മാത്രം ഇഷ്ട്ടമുള്ള ഒരാളും … ഓടിട്ട വീടുകളെ പഴമയെ സെന്റിമെൻറ്സിനെ ഇഷ്ട്ടപ്പെടുന്ന ഒരാളും കോൺക്രീറ്റ് സൗധങ്ങളോടും പ്രാക്ടിക്കൽ ജീവിതവും ആണ് നല്ലതു എന്ന് വാദിക്കുന്ന ഒരാളും …. തൃശൂരിൽ നിന്നുള്ള ആരുടെയെങ്കിലും ഒപ്പമേ ജീവിക്കൂ എന്നുറപ്പിച്ചു ഒരാളും വള്ളുവനാടൻ സംഭാഷണത്തെ ഇഷ്ട്ടപ്പെടുന്ന ഒരാളും … ഒരു കാര്യം പലകുറി വായിച്ച ശേഷം മാത്രം അഭിപ്രായം പറയുന്ന ഒരാളും , തലയും വാലും മാത്രം ഓടിച്ചു വായിച്ചു മുന്നോട്ടു പോകുന്ന   ഒരാളും .. കാര്യങ്ങൾ സ്പീഡിൽ ഡീൽ ചെയ്യുന്ന ഒരാളും , സമയം എത്ര എടുത്താലും പെർഫെക്ഷൻ ആണ് വലുത് എന്ന് വിശ്വസിക്കുന്ന ഒരാളും , സെന്റിമെൻറ്സിനും ആൾക്കാർക്കും പറഞ്ഞ വാക്കും വലുതെന്നു വിശ്വസിക്കുന്ന ഒരാളും , ജീവിതം പ്രാക്ടിക്കലാണ് എന്ന് പറയുന്ന ഒരാളും .. നാവുള്ള ആരോടും മുഷിപ്പിക്കുന്നവരെ സംസാരിക്കുന്ന ഒരാളും ആവശ്യത്തിന് മാത്രം സംസാരിക്കുന്ന ഒരാളും ..പുറത്തിറങ്ങുന്ന എല്ലാ സിനിമകളും കാണുന്ന ഏതു ഭാഷയിലെ സിനിമയെയും ഇഷ്ട്ടപ്പെടുന്ന ഒരാളും , സിനിമയോട് തീരെ താല്പര്യം ഇല്ലാത്ത ഒരാളും …. ഗീ മൈസൂർപ്പാവും അഞ്ചു തരം പായസവും ഒപ്പം കിട്ടിയാലും കഴിക്കുന്ന ഒരാളും , എരിവുള്ളതു മാത്രം ഇഷ്ട്ടമുള്ള ഒരാളും … എന്തിനും ഏതിനും പെട്ടെന്ന് ചൂടാവുന്ന  ഒരാളും , ക്ഷമ മാത്രം ധാരാളം ഉള്ള വേറൊരാളും … അങ്ങനെ ഓർത്തെടുത്താൽ നൂറായിരം കാര്യങ്ങളുണ്ട് …
എങ്കിലും ഇതിനിടയിൽ ഇഷ്ട്ടാനിഷ്ടങ്ങൾ മാറി വന്നു തുടങ്ങിയിരിക്കുന്നു … എന്ത് തർക്കിച്ചാലും അവസാനം ഒരുത്തരത്തിൽ എത്തിച്ചേരുന്നു …. അങ്ങോട്ടും ഇങ്ങോട്ടും മനസിലാക്കാൻ തുടങ്ങിയിരിക്കുന്നു .. വിട്ടു കൊടുക്കാൻ തുടങ്ങിയിരിക്കുന്നു … നമ്മൾ പറയുന്നത് മാത്രം അനുസരിക്കുന്ന , എല്ലാം കേൾക്കുന്ന , അങ്ങനെ ഒരാളുടെ ഒപ്പം ആയിരുന്നു ജീവിതം എങ്കിൽ എത്രമാത്രം ബോറായേനെ … ഈ തല്ലുകൂടൽ ഇഷ്ട്ടപ്പെട്ടു തുടങ്ങിയിരിക്കുന്നു … ഒരുമിച്ചു പോയ നീണ്ട യാത്രകളുടെ ലിസ്റ്റോ സെൽഫികളോ ഒന്നും ഓർത്തെടുക്കാൻ ഇല്ല .. വിലപിടിപ്പുള്ള സമ്മാനങ്ങളോ , മധുരം തുളുമ്പുന്ന വാക്കുകളോ പറഞ്ഞിട്ടോ കേട്ടിട്ടോ ഇല്ല …

 

 

 

 

 

എന്തൊക്കെ ആണെങ്കിലും കഴിഞ്ഞ മൂന്നു വർഷങ്ങൾ ഇഷ്ട്ടപ്പെടുന്നു … തുടർന്നും അങ്ങോട്ടും ഇങ്ങോട്ടും അടി കൂടാനും കൂടുതൽ മനസിലാക്കാനും നിറയെ നിമിഷങ്ങൾ തരട്ടെ എന്ന് ആഗ്രഹിക്കുന്നു … ചിലപ്പോൾ ഇതൊക്കെയാകാം ജീവിതം ….

 

സജിത്ത്  

 https://www.facebook.com/iamlikethisbloger ;  iamlikethis.com@gmail.com

 

Digiprove sealCopyright secured by Digiprove © 2017 Sajith ph
Posted in നമുക്ക്‌ച്ചുറ്റും | Tagged | Comments Off on കഴിഞ്ഞ മൂന്നു വർഷങ്ങൾ

പുത്തൻപണം ( 6/10 )

പുത്തൻപണം

കുറെ റിവ്യൂ കേട്ടതുകൊണ്ടു മുൻധാരണയില്ലാതെയാണ് പുത്തൻപണം കാണാൻ പാലക്കാട് കേറിയത് ( ഈസ്റ്റർ/ ഞായറാഴ്ച ആയതുകൊണ്ട് പാലക്കാടുപോലും ടിക്കറ്റ് കിട്ടാൻ തിരക്കോടു തിരക്കാണ് ..ടേക്കോഫിന് ടിക്കറ്റ് കിട്ടാഞ്ഞതുകൊണ്ടും , അടുത്തുള്ള മുപ്പതു കിലോമീറ്ററിൽ ടേക് ഓഫ് ഇല്ലാത്തതുകൊണ്ടും വേറൊരു സിനിമയേക്കുറിച്ചു ചിന്തിച്ചു പുത്തൻപണത്തിൽ എത്തി

 

ഒറ്റവാക്കിൽ പറയണമെങ്കിൽ , കട്ട മമ്മൂട്ടി ഫാൻസിനു പടം തീർച്ചയായും  ശ്രുതിമധുരമായ അനുഭവം തന്നെയാകും … ( രണ്ടാം ഭാഗത്തിലെ പാട്ടു മുതലുള്ള ഒരു വലിച്ചിഴക്കൽ മമ്മൂട്ടി ഫാൻസ്‌ പോലും സമ്മതിച്ചു തരും .. എങ്കിലും ക്ലൈമാക്സ് സീനുകൾ ഓർത്തു ക്ഷമിക്കും … ഒരുപാട് ബോറടിപ്പിക്കാത്ത , കുറച്ചൊക്കെ രസിപ്പിക്കുന്ന ഒരു സിനിമ കാണണം സമയവുമുണ്ട് എന്നുള്ളവർക്കും പുത്തൻ പണം കാണാം …

 

നല്ലൊരു സിനിമ കാണണം , മികച്ചൊരു ചിത്രമാണ് / കൊടുക്കുന്ന പൈസക്ക് മികച്ച മൂല്യമുള്ള സിനിമയാണ് കാണേണ്ടത് എന്ന് ഉള്ളവർക്ക് വേറെ വല്ലതും നോക്കുന്നതാണ് അഭികാമ്യം .. അതിന്റെ അർഥം പുത്തൻ പണം മോശമാണ് എന്നുള്ളതല്ല … പക്ഷെ പണത്തിനൊത്തുള്ള മികച്ച മൂല്യം എന്ന രീതിയിൽ ചിന്തിക്കുന്നവർ ഈ സിനിമയെ സമീപിക്കാതിരിക്കുന്നതാണ് നല്ലത് …

 
കഴിവും അർഹതയുമുണ്ടെങ്കിലേ നമ്മളൊരാളെ കുറ്റം പറയാൻ നിൽക്കാവൂ എന്നൊരു ചിന്തയാണ് എനിക്കുള്ളത് … നമ്മളൊരാളെ കുറ്റം പറയുന്നെങ്കിൽ അത് അവരെക്കാൾ നന്നായി ചെയ്യാൻ നമുക്ക് അറിവുണ്ടാകണം … പക്ഷെ സിനിമയുടെ കാര്യത്തിൽ ഇത്തരം ചിന്തകൾക്ക് സ്ഥാനമുണ്ടോ … ആലോചിച്ചു പോകുകയാണ് കുറച്ചു സിനിമകൾ … പ്രാദേശിക വാർത്തകൾ , ദേവാസുരം , ആറാംതമ്പുരാൻ , നന്ദനം , കയ്യൊപ്പു , ജോണിവാക്കർ ..അങ്ങനെ ഒരുപാട് സിനിമകളുടെ ശില്പിയാണ് പുത്തൻപണവും എഴുതിയത് എന്നോർക്കുമ്പോൾ ചരിത്രം തിരയുന്ന ഒരാൾക്ക് വിശ്വസിക്കാൻ പ്രയാസം ആയിരിക്കാം …

 
പടത്തിൽ അഭിനയിച്ചിരിക്കുന്നവർ സിനിമയോട് നൂറു ശതമാനം സത്യസന്ധത പുലർത്തി എന്ന് നിസംശയം പറയാം … ഗാനരചന ആരാണെന്നു അറിയില്ല .. അങ്ങനെ ശ്രദ്ധിക്കത്തക്ക പാട്ടൊന്നും എവിടെയും കണ്ടില്ല…. പ്രാദേശിക ഭാഷകൾ തന്മയിത്തത്തോടെ കൈകാര്യം ചെയ്യാൻ ഇപ്പോൾ മലയാള സിനിമയിൽ മമ്മൂട്ടിയെ കഴിഞ്ഞേ ആളുള്ളൂ .. അതിൽ യാതൊരു സംശയവും ഇല്ല … സിനിമയിലെ കാസർകോടൻ സ്ലാങ്ക് ( കടൽ കടന്നൊരു മാത്തുക്കുട്ടിയിൽ ചെറുതായി സിനിമയിൽ കടന്നു വരുന്നെങ്കിലും ) മമ്മൂട്ടിയുടെ മൊത്തത്തിലുള്ള അപ്പിയറൻസ്‌ എന്നിവ നന്നായിട്ടുണ്ട് …
അപ്പോൾ ചുരുക്കിപ്പറഞ്ഞാൽ , സമയം കണ്ടെത്തി കണ്ടിരിക്കേണ്ട ഒരു സിനിമയല്ല ഇത് … സമയവും കാശും ഉണ്ടെങ്കിൽ ഒരു സിനിമ കാണാം എന്ന് ചിന്തിക്കുന്നവർക്ക് കാണാവുന്ന ഒരു സിനിമയാണിത് :

 

 പുത്തൻപണം ( 6/10 ) 

 

സജിത്ത്  

 https://www.facebook.com/iamlikethisbloger ;  iamlikethis.com@gmail.com

Digiprove sealCopyright secured by Digiprove © 2017 Sajith ph
Posted in സിനിമ | Tagged | Comments Off on പുത്തൻപണം ( 6/10 )

ബി പ്രാക്ടിക്കൽ ഓർ ബി സത്യസന്ധർ ?

ജീവിതത്തിൽ പലപ്പോഴും ആശയക്കുഴപ്പം തോന്നിയിട്ടുള്ള ഒരു കാര്യമാണ് സത്യത്തോടൊപ്പം നിൽക്കണോ അതോ സാഹചര്യങ്ങളെ പ്രാക്ടിക്കൽ ആയി കാണുന്നതാണോ നല്ലതെന്നു ….

 

എനിക്ക് തോന്നുന്നു ഈ കാലത്തു ജീവിത സാഹചര്യങ്ങളെ പ്രാക്ടിക്കൽ ആയി കാണുന്നതായിരിക്കും നല്ലതെന്നു … പലപ്പോഴും സത്യത്തിന്റെ കൂടെ നിൽക്കാൻ ശ്രമിച്ചിട്ടും പറഞ്ഞ വാക്കിൽ തന്നേ ഉറച്ചു നിന്നിട്ടും ഫലം നിരാശ മാത്രമാണ് … ഒട്ടു ഒട്ടുമിക്കവരും പറയുന്നത് ഒന്നേയൊന്ന് ” ബി പ്രാക്ടിക്കൽ വിത്ത് ലൈഫ് …. സത്യം മാത്രം ചെയ്യുകയും പറയുകയും പറഞ്ഞ
വാക്കിൽ നിന്ന് ഇളകാതെ നിൽക്കുകയും ചെയ്തിട്ട് താമര പത്രമൊന്നും കിട്ടാൻ പോകുന്നില്ലല്ലോ ” .. സാഹചര്യം അനുസരിച്ചു പ്രവർത്തിക്കുക 

പറഞ്ഞു വരാൻ കാരണം ഇക്കഴിഞ്ഞ ദിവസം വീണ്ടും ഒരു സമാന സാഹചര്യത്തിൽ അകപ്പെട്ടു … പാലക്കാട് നിന്നും തിരുവനന്തപുരത്തേക്ക് കെഎസ് ആർ ടി സിയുടെ സ്കാനിയയിൽ പോകുമ്പോഴായിരുന്നു അത് …

എറണാകുളത്തു ഞങ്ങൾ സഞ്ചരിച്ച ആ സ്‌കാനിയ എത്തുമ്പോഴേ നിരവധി ഫോൺ വിളികൾ ബസ് കണ്ടക്റ്റർക്കു വരുന്നത് വൈകിയാണ് ഞങ്ങളൊക്കെ ഓർത്തെടുത്ത് … പുലർച്ചെ രണ്ടരയോടെ സ്‌കാനിയ കായംകുളത്തു എത്തി …ഞങ്ങളിൽ ഒട്ടു മിക്ക പേരും ഉറങ്ങുകയായിരുന്നു … കണ്ടക്ടർ ഞങ്ങളെ വിളിച്ചുണർത്തി പറഞ്ഞു , നമ്മുടെ ബസിനു എന്തോ തകരാറുണ്ട് … മുന്നോട്ടു പോകാൻ കഴിയില്ല .. ഡ്രൈവർ ഒന്നോ രണ്ടോ പ്രാവശ്യം സ്റ്റാർട്ട് ചെയ്യാൻ നോക്കുന്നതും ഓഫ് ആയി പോകുന്നതും കണ്ടു …

കണ്ടക്റ്റർ തറപ്പിച്ചു പറഞ്ഞു .. എല്ലാ ശ്രമവും വിഫലമായി , ഒന്നുകിൽ നിങ്ങൾക്ക് കുറച്ചു പൈസ തിരിച്ചു തരാം .. അല്ലെങ്കിൽ നമുക്ക് ആ കിടക്കുന്ന വണ്ടിയിൽ യാത്ര തുടരാം .. അങ്ങകലെ നിർത്തിയിരിക്കുന്ന ആനവണ്ടി ചൂണ്ടിക്കാണിച്ചു കണ്ടക്ടർ പറഞ്ഞു .. മനസില്ല മനസോടെ ഞങ്ങളിൽ കുറേപ്പേർ ആനവണ്ടിയെ ലക്ഷ്യമാക്കി മുന്നോട്ടു നീങ്ങി .. അപ്പോഴാണ് തൊട്ടു മുന്നിൽ വേറെ ഒരു സ്‌കാനിയ കിടക്കുന്നു .. അന്വോഷിച്ചപ്പോൾ അത് കണ്ണൂരിലേക്കു പോകാൻ ഉള്ളതായിരുന്നെന്നും അതിനും എന്തോ കേടു സംഭവിച്ചെന്നും പറഞ്ഞു …അങ്ങനെ ഞങ്ങളിൽ പകുതി പേർ ആനവണ്ടിയിൽ കേറി ഇരുപ്പുറപ്പിച്ചു .. പെട്ടെന്നാണ് ഒരു ബഹളം കേൾക്കുന്നത് ..ഞങളുടെ ബസിൽ ഉണ്ടായിരുന്ന കുറച്ചു പേരും അവിടുത്തെ കെ എസ് ആർ ടി സി അധികൃതരും കൂടെയാണ് ആ ബഹളം .. കാരണം തിരക്കിയപ്പോൾ അമർഷവും ദേഷ്യവും ഒക്കെ തോന്നി … അതായതു ഞങ്ങൾ സഞ്ചരിച്ച സ്കാനിയക്ക് ഒരു കുഴപ്പവും ഇല്ലത്രെ … മറ്റേ സ്കാനിയയിലെ യാത്രക്കാരെ കൊണ്ട് പോകാൻ ആയി ഞങ്ങളോട് കല്ല് വെച്ച നുണ പറഞ്ഞതായിരുന്നു ….

അവിടെ കിടന്നിരുന്ന കണ്ണൂരിലെ യാത്രക്കാരോട് പറഞ്ഞിരുന്നത്രെ .. കോയമ്പത്തൂരിൽ നിന്നും നിങ്ങളെ കണ്ണൂരിലേക്കു കൊണ്ട് പോകാൻ ആയി ഒരു സ്‌കാനിയ പുറപ്പെട്ടിട്ടുണ്ട് അത് വരെ ക്ഷമിക്കുക എന്ന് … അതുകൊണ്ടാണ് രാത്രി പതിനൊന്നര മുതൽ പുലർച്ചെ രണ്ടര വരെ നാല് മണിക്കൂർ അവർ കാത്തു നിന്നത് .. ആ യാത്രക്കാരോട് സഹതാപം അല്ലാതെ വേറൊന്നും ഞങ്ങൾക്ക് തോന്നിയില്ല …. പാതി രാത്രി നുണ പറഞ്ഞു വിളിച്ചെഴുന്നേൽപ്പിച്ച അധികൃതരോട് ഞങ്ങൾക്ക് എന്താണ് തോന്നുക ? അതിനു ശേഷം അവർ ധിക്കാരമായി പറഞ്ഞു … ” ഒരുത്തനും ശബ്‌ദിക്കണ്ട .. ഒന്നുകിൽ നിങ്ങൾക്ക് ആ കിടക്കുന്ന കെ എസ് ആർ ടി സി യിൽ തിരുവന്തപുരത്തേക്കു പോകാം .. അല്ലെങ്കിൽ ഇവിടെ കിടന്നു ബഹളം ഉണ്ടാക്കിയേക്ക് നേരം പുലരുന്ന വരെ എന്ന് .. വ്യക്തമായി പറഞ്ഞാൽ .. ” വേണമെങ്കിൽ മറ്റേ ബസിൽ കേറിപ്പോടെ .. അല്ലെങ്കിൽ നീയൊക്കെ കൂടെ എന്ത് വേണേലും ഉണ്ടാക്കിക്കോ ഞങ്ങൾക്ക് — ആണെന്ന് “

യാത്രക്കാർ രണ്ടു പക്ഷമായി പിരിഞ്ഞു … കുറച്ചു പേർ പറഞ്ഞു എങ്ങനെ എങ്കിലും ലക്ഷ്യ സ്ഥാനത്തു എത്തിയാൽ മതി .. ബാക്കിയുള്ളവർ പറഞ്ഞു , എസി ബസിന്റെ കാശും കൊടുത്തു യാത്ര ചെയ്തു , പാതി രാത്രി കബളിപ്പിച്ചു ഇറക്കി വിട്ടവരോട് ചോദിച്ചിട്ടു തന്നേ കാര്യം .. ഒന്നുകിൽ മുഴുവൻ കാശും തിരികെ തരുക അല്ലെങ്കിൽ വേറെ ഒരു എസി ബസ് കൊണ്ട് വരിക .. അതല്ലാതെ ഈ രണ്ടു സ്കാനിയയും ഇവിടെ കിടക്കും എന്ന് …

രണ്ടു കൂട്ടരുടെ അടുത്തും ന്യായമുണ്ട് … എന്ത് ചെയ്യണമെന്ന് അറിയാതെ ആകെ സങ്കടത്തിലായി … എന്തായാലും കബളിപ്പിച്ചവരോട് ഒന്നും പറയാതെ ഇരിക്കാൻ തോന്നിയില്ല അതുകൊണ്ടു ഒരു ന്യുനപക്ഷത്തോടൊപ്പം ചേർന്ന് വേറൊരു എസി ബസിനോ അല്ലെങ്കിൽ മുഴുവൻ കാശ് തിരികെ തരണം എന്നതിന് വേണ്ടി ശക്തിയായി വാദിച്ചു .. സത്യത്തിന്റെ കൂടെ നില്ക്കാൻ വളരെ കുറച്ചു പേർ മാത്രം .. ഒടുക്കം ഒരു തീരുമാനത്തിലെത്തി — താൽപ്പര്യമുള്ളവർക്ക് ആനവണ്ടിയിൽ കേറി യാത്ര തുടരാം ബാക്കിയുള്ളവർ വേറെ എസി ബസിനായി കാത്തിരിക്കുകയോ അല്ലെങ്കിൽ ഞങ്ങൾ സഞ്ചരിച്ചിരുന്ന സ്കാനിയയിൽ തുടർയാത്ര അനുവദിക്കുകയോ അതുമല്ലെങ്കിൽ മുഴുവൻ പൈസ തിരിച്ചു തരികയോ ചെയ്‌യുക
അങ്ങനെയുള്ളവക്ക് വേണ്ടി വാദിക്കുമെന്നും ..

വാൽക്കഷ്ണം

ആനവണ്ടിയിൽ മുൻവശത്തെ സീറ്റിൽ ഇരുന്നു യാത്ര ചെയ്യുന്ന ഒരുത്തനെ നോക്കി ഒന്ന് രണ്ടു പേർ പറയുന്നുണ്ടായിരുന്നു — അവനല്ലേ വേറെ എസി ബസിനു വേണ്ടി വാദിച്ചത് … നമ്മുടെ കുറെ നേരം കളഞ്ഞു .. ഇപ്പോഴും കുറേപ്പേർ ബഹളം വെച്ച് കൊണ്ടിരിക്കുന്നു …. അവർക്കൊന്നും ചെന്നിട്ടു തിരക്കുണ്ടാവില്ല .. നമുക്കങ്ങനെ ആണോ എത്തിയിട്ട് നൂറു കൂട്ടം പണിയുണ്ട് …

നമ്മൾ എപ്പോഴും ന്യായത്തിന്റെ കൂടെ നിൽക്കണം … എതിർക്കേണ്ടിടത്തു എതിർക്കണം .. പാതിരാത്രി എണീപ്പിച്ചു പറ്റിക്കപ്പെട്ടുവെന്നു ബോധ്യപ്പെട്ടപ്പോൾ ഒന്നും മിണ്ടാതെ പോരാൻ സന്യാസിയല്ലല്ലോ …പക്ഷെ പ്രാക്ടിക്കലും ആവണം .. അല്ലെങ്കിൽ ജീവിക്കാൻ പറ്റില്ല .. അതാവണം അവന്റെ മനസിലിരുപ്പ് … എനിക്കല്ലാതെ വേറെയാർക്കാണ് ആ മനസ് അത്ര വ്യക്തമായി കാണാൻ ആവുക !!!!

അതിനിടയിൽ ഒരു വാർത്ത കണ്ടു —

 

 

 

 

 

 

 

 

 

 

 

 

 

 

പത്രവാർത്തകളെ ഏതളവിൽ വിശ്വസിക്കാമെന്നു ഇപ്പോൾ ശരിക്കും അറിയാൻ കഴിഞ്ഞു

സജിത്ത്  

 https://www.facebook.com/iamlikethisbloger ;  iamlikethis.com@gmail.com

 

 

 

Digiprove sealCopyright secured by Digiprove © 2017 Sajith ph
Posted in Uncategorized | Comments Off on ബി പ്രാക്ടിക്കൽ ഓർ ബി സത്യസന്ധർ ?

മധുരിക്കുമോർമ്മകൾ …

മധുരിക്കുമോർമ്മകൾ …

ചില ഓർമ്മകൾ അങ്ങനെയാണ് … കാലമേറുന്തോളും അവക്ക് മധുരമേറും …

വിചിത്രമെന്നു പറയട്ടെ എല്ലാവർക്കും കഴിഞ്ഞുപോയ കാലത്തെ ഓർക്കാനോ , പറ്റുമെങ്കിൽ അവിടേക്കു തിരിച്ചു പോകാനോ ഒക്കെയാണിഷ്ടം ..

ഓർക്കുമ്പോൾ എനിക്കുമുണ്ട് പത്തു ഫുൾ പേജിൽ കവിഞ്ഞെഴുതാൻ പോന്നത്രയും ഓർമ്മകൾ …

പെട്ടെന്ന് ഓർക്കുമ്പോൾ മനസിലേക്ക് ഓടിയെത്തുന്നത് അമ്മയുടെ അച്ഛന്റെ വീടാണ് ,,, ബ്രഹ്മരക്ഷസും കുടുംബ ദൈവങ്ങളും നിറഞ്ഞ ഭാരതപ്പുഴയുടെ  പുഴക്കരികിലെ വീട് … അന്നൊക്കെ ദിവസം ആരംഭിക്കുന്നത് തന്നെ വെളുപ്പിന് നാലരക്കാണ് … എഴുന്നേറ്റ ഉടനെ പല്ലു തേക്കണം … അത് കഴിഞ്ഞാൽ തേനിൽ ഇട്ടു വെച്ച നെല്ലിക്കയോ , ചക്ക വരട്ടിയതോ , വീട്ടിൽ ഉണ്ടാക്കുന്ന മുറുക്കോ അങ്ങനെ എന്തെങ്കിലും കഴിക്കാൻ തരും … അഞ്ചേ കാലോടെ കുളിക്കാൻ പോകും .. മനസറിഞ്ഞു , നാട്ടു വർത്തമാനവും പറഞ്ഞൊരു പുഴക്കുളി .. തിരിച്ചു വീട്ടിലേക്കു നടക്കുമ്പോൾ മുതൽ കേൾക്കാം റേഡിയോയിലെ വന്ദേ മാതരം … വാർത്ത തുടങ്ങുംപോളെക്കും വീടെത്തിയിരിക്കും .. ശേഷം റേഡിയോ കേൾക്കുന്നതിനിടയിൽ ചായയെത്തും … സംസ്കൃത വാർത്ത വായിക്കാൻ തുടങ്ങുമ്പോഴേക്കും ആവി പറക്കുന്ന ഇഡലിയോ ദോശയോ , പുട്ടോ അതിൽ ഏതെങ്കിലും ഒന്ന് കാത്തിരിപ്പുണ്ടാകും … അത് കഴിഞ്ഞാൽ കളിയ്ക്കാൻ പോകാം .. .. നിലവറയിൽ എന്നെയും കാത്തു ഒരു പഴക്കുല എപ്പോഴും ഉണ്ടാകും .. പഴം തീരുന്നതിനു മുൻപേ അടുത്ത പഴക്കുല എത്തിയിരിക്കും … പകലന്തിയോളം കളിയും … വൈകിട്ട് ആറു തോട്ടേഴര വരെ പുഴയിൽ കുളിയും …

 

എന്ത് രസമായിരുന്നു … അന്നൊക്കെ കഴിക്കാൻ കൂടുതൽ കിട്ടിയിരുന്നത് മാങ്ങയും ചക്കയും , വീട്ടിൽ ഉണ്ടാക്കുന്ന പയറ്റപ്പം , മുറുക്ക് , ഇലയടാ എന്നിങ്ങനെയുള്ള പലഹാരങ്ങളും ..

 

മാമ്പഴത്തെക്കുറിച്ചോർക്കുമ്പോൾ ..

 

എന്നാണ് ഒരു മാമ്പഴം ആദ്യമായി കഴിച്ചത് ? എനിക്കെന്നല്ല ഒരു പക്ഷെ ആർക്കും അതിനുത്തരമുണ്ടാവില്ല …

 

പാലക്കാടൻ ഗ്രാമത്തിലെ സ്‌കൂളിലെ ചില നിമിഷങ്ങൾ ആണ് ആദ്യം ഓർമ്മ വരുന്നത് .. ക്ലാസിനു വെളിയിൽ സ രി ഗ മ പഠിപ്പിക്കുന്ന പാട്ടുടീച്ചറെ ഒട്ടും ശ്രദ്ധിക്കാതെ .. കുറച്ചകലെ ഉള്ള പേരും പോലും ഓർമ്മയില്ലാത്ത ഒരു മാവിന് ചുവട്ടിലേക്കായിരിക്കും ഞങ്ങളിൽ ഒട്ടു മിക്ക പേരുടെയും ശ്രദ്ധ … ഓരോ കാറ്റ് വീശുമ്പോഴും കൊതിയോടെ പായുന്ന ഒട്ടനേകം കണ്ണുകൾ .. ബെല്ലടിക്കേണ്ട താമസം ഓടിപ്പോയി കണ്ടു വെച്ച മാങ്ങയെടുത്തുകൊണ്ടുള്ള ആ ഓട്ടത്തിൽ അനേകം പേർ പങ്കാളികളാകും .. ക്‌ളാസ്മുറിയുടെ ചുമരിലോ മറ്റോ ആ മാങ്ങ ചേർത്ത് ഒരടിയാണ് ..ചിന്നി ചിതറുന്ന കഷണങ്ങൾ എല്ലാവരും പങ്കിട്ടെടുത്തു കഴിക്കുമ്പോൾ കണ്ണുകളിൽ തിളക്കം മാത്രം ….
ശേഷം ഓർമ്മയിൽ വരുന്നത് വീടിനു ചുറ്റുമുള്ള ഏഴു മാവുകളെയാണ് … മൂവാണ്ടൻ , മൽഗോവ , അൽഫോൻസാ , പുളിമാങ്ങ , നാരങ്ങാ മാങ്ങ , ഗോമാങ്ങ , അങ്ങനെ ഒരു പറ്റം മാവുകൾ … അന്നൊക്കെ മാർച്ച് മാസം ആയാൽ മാമ്പഴം കിട്ടിത്തുടങ്ങും .. നേരം വെളിച്ചായാൽ ( പുലർന്നാൽ ) നേരെ പോകുന്നത് മാവിൻ ചുവട്ടിലേക്കാണ് … അണ്ണാറക്കണ്ണന്മാർ കൊത്തിയതും അല്ലാത്തതുമൊക്കെയായി പത്തു മുപ്പതു മാങ്ങാ എന്തായാലും ഉണ്ടാകും … അന്നൊക്കെ രാവിലെ മാത്രമേ വീട്ടിൽ നിന്ന് ഭക്ഷണം കഴിക്കൂ … ഉച്ചക്കും ഇട സമയങ്ങളിലുമൊക്കെ മാങ്ങ തന്നേ .. ഇടക്ക് എപ്പോഴെങ്കിലും പോയി ചക്ക വറുത്തതോ , ചക്കപ്പഴമോ കഴിക്കും .. എന്ത് രസമുള്ള ഓർമ്മകൾ …
വീടിൽ നിന്നും പോയതോടെ അതെല്ലാം നിന്നു …. തിരുവനന്തപുരത്തു ഓഫിസിനു വെളിയിൽ രണ്ടു മാവുണ്ട് … രാത്രി ജോലി കഴിഞ്ഞു എല്ലാവരും എണീക്കുന്നതിനു മുൻപേ അഞ്ചു മണിയോടെ പോയി നോക്കും … കഴിഞ്ഞ മാങ്ങ കാലത്തും കൂടെ വീണുകിടക്കുന്ന മാമ്പഴം കഴിച്ചിരുന്ന ഓർമ്മകൾ വരുന്നു ..

 

ഓർക്കാൻ ആണെങ്കിൽ കുറെയധികം ഉണ്ട് .. തൽക്കാലം നീട്ടുന്നില്ല ..
അങ്ങനെ ഒരുപാടൊരുപാട് ഓർമ്മകൾ …. ഓർമ്മകൾ അങ്ങനെയാണ് … കാലമേറുന്തോളും അവക്ക് മധുരമേറും …

സജിത്ത്  

 https://www.facebook.com/iamlikethisbloger ;  iamlikethis.com@gmail.com

 

 

Digiprove sealCopyright secured by Digiprove © 2017 Sajith ph
Posted in Uncategorized | Comments Off on മധുരിക്കുമോർമ്മകൾ …

നാടണയുന്ന നന്മകൾ

കഴിഞ്ഞ ഒരു വർഷം ഒരക്ഷരം പോലും ഈ ബ്ലോഗ് താളിൽ കുറിക്കാൻ പറ്റിയില്ല എന്ന് തിരിച്ചറിയുമ്പോൾ കൈ വിറക്കുന്നു … ഇനിയതിനു കഴിയില്ലേ എന്നൊരു തോന്നൽ …

 

ഇടക്കെപ്പോഴോ നിശബ്ദതയെ ഏറെക്കുറെ സ്നേഹിച്ചു ഇഷ്ട്ടപ്പെട്ടു തുടങ്ങിയിരുന്നു … അതിനിടയിൽ ആരൊക്കെയോ പറഞ്ഞു , നീയെന്താ ഒന്നും കാണുന്നുന്നില്ലേ കേൾക്കുന്നില്ലേ .. പതിയെ പതിയെ അവയുടെ ശക്തി കൂടി ..

നീയൊരു ബൃമ്മാണ്ടമാണല്ലോ  ( ഒന്നിലും പ്രതികരിക്കാതെ മുന്നോട്ടു പോകുന്നവരെ ലോക്കൽ ആയി വിളിക്കുന്ന പേര് )

എന്ന് വരെ എത്തി … 

നമ്മെ രൂക്ഷമായി പ്രോകോപിക്കുന്ന സാഹചര്യത്തിൽ പോലും നിശബ്ദമായി ഇരിക്കുക എന്നത് നിസാരമായ ഒരു കാര്യമല്ല എന്നറിയാത്ത ഒട്ടനേകം പേരാണ് ചുറ്റുമുള്ളത് എന്നത് ആശ്ചര്യപ്പെടുത്തുന്ന തിരിച്ചറിവായിരുന്നു ..

സത്യത്തിൽ എന്തും തുറന്നു പറയാനുള്ള സോഷ്യൽ മീഡിയയിലെ സ്വാതന്ത്ര്യം ഈയിടെയായി നമ്മളെ കുറച്ചുകൂടെ അഗ്ഗ്രസിവ് ആക്കിയിരിക്കുന്നോ എന്ന് സംശയിക്കേണ്ടിയിരിക്കുന്നു … എന്ത് എങ്ങനെ ആരോടെപ്പോൾ പറയണം എന്ന് കൈമോശം വന്നു കൊണ്ടിരിക്കുന്ന ഒരു സമയത്തുകൂടെയാണ് കടന്നു പോകുന്നതെന്ന് തോന്നുന്നു …

കുറേക്കാലം മുൻപൊക്കെ മുതിർന്നവരെ ( നന്നേ പ്രായമായവരെ ) കാണുമ്പോൾ പ്രായത്തിൻറെ ബഹുമാനത്തിൽ ഇരുന്നിടത്തു നിന്നും ഒന്നെഴുന്നേൽക്കുകയോ , ബസിലാണെങ്കിൽ അവർക്കു സീറ്റൊഴിഞ്ഞു കൊടുക്കുകയോ ചെയ്തത് ഓർക്കുന്നു .. ഈയിടെയായി ആ പതിവ് കുറഞ്ഞു വരുന്നു എന്ന് നിസംശയം പറയാം .. പ്രായമായവർക്ക് വേണ്ടിയുള്ള   സീറ്റുണ്ടല്ലോ പിന്നെന്തിനു നമ്മുടെ സീറ്റു ഒഴിഞ്ഞു കൊടുക്കണം … അങ്ങനെ കൊടുക്കാൻ ആണെങ്കിൽ പിന്നെ ഇരിക്കാൻ നേരം കിട്ടില്ല എന്നിങ്ങനെ പോകുന്നു ന്യായങ്ങൾ …

 
പതിനഞ്ചു പൈസക്ക് നൂല് മിഠായിയും ഇരുപത്തഞ്ചു പൈസക്ക് പുളിയിഞ്ചി മിഠായിയും അമ്പത് പൈസക്ക് പേരക്കയും ചോളകവും കിട്ടിയിരുന്ന സമയത്തു ഡയറി താളിലോ , അരി പാത്രത്തിലോ അല്ലെങ്കിൽ തവിടും പാത്രത്തിലോ വെക്കുന്ന നാണയത്തുട്ടുകൾ ആരും കാണാതെ എടുത്തു അത് കൂട്ടുകാരോട് പങ്കിട്ടു വെച്ചിരുന്ന ബാല്യം ഓർക്കുന്നു … അങ്ങനെ ഒരിക്കൽ തപ്പുന്നതിനിടയിൽ ഡയറിയിൽ എന്താണ് എഴുതിയിരിക്കുന്നത് എന്ന് വായിച്ചു നോക്കാൻ ശ്രമിക്കുമ്പോൾ പിടിക്കപ്പെട്ടത് ഓർക്കുന്നു …

 

മുൻപ് ഇതുപോലെ ആരും കാണാതെ ചെയ്തത് എന്തെങ്കിലും ഉണ്ടെങ്കിൽ പറഞ്ഞാൽ ക്ഷമിക്കാം എന്ന ഉറപ്പിന് മേൽ അന്ന് ചെയ്ത വലിയ തെറ്റ് ഏറ്റു പറഞ്ഞതോർക്കുന്നു …

ഇടക്ക് വല്ലപ്പോഴും ആരും കാണാതെ കോഴിക്കൂട്ടിൽ നിന്നും മുട്ട എടുത്തു അരി തിളക്കുമ്പോൾ അതിലിടാറുണ്ട് .. …….

അത് മുഴുവൻ പറഞ്ഞു തീരാൻ വിടാതെ പട്ടാള ചിട്ടയിൽ ഉടൻ മറുപടി വന്നു ..

” hands up and 50 jumps “

ഉച്ചവെയിലേറ്റു കൈ പൊക്കി അമ്പതു പ്രാവശ്യം ചാടുന്നതിനിടയിൽ പറഞ്ഞത് ജീവിതത്തിൽ ഒരിക്കലും തെറ്റിച്ചിട്ടില്ല ..

“അനുവാദമില്ലാതെ ആരുടേയും ഒന്നും എടുക്കരുത് “

പിനീടെപ്പോഴോ വളർച്ചയുടെ ഏതോ ഘട്ടത്തിൽ അത് മനസിലായി ..

“ഡയറി എന്നത് സ്വകാര്യമാണ് … കുളിക്കുമ്പോൾ കതകിലൂടെ എത്തിനോക്കുന്നതിനേക്കാൾ വൃത്തികെട്ട ഒന്നാണ് ..” അത് പോലെ ആരുടെയെങ്കിലും എന്തെങ്കിലും എടുത്തു നമ്മൾ എവിടെയും എത്താൻ പോകുന്നില്ല ..

ഇന്ന് ഒരളവിൽക്കവിഞ്ഞു  ആരെയും  വഴക്കുപോലും പറയാൻ പറ്റാത്ത സ്ഥിതിയാണ് …

സ്മാർട്ട് ഫോണും സോഷ്യൽ മീഡിയയും  സാധാരണമാകുമ്പോൾ  എന്ത് എപ്പോൾ എവിടെ പോസ്റ്റ് ചെയ്യണം എന്ന് മനസിലാക്കിയാണോ ചെയ്യാറുള്ളത് എന്നും ഓർക്കാറുണ്ട് .. പതിനാലാം ജന്മ ദിനത്തിൽ കുട്ടിയുടെ
ആറുമാസം പ്രായമായ ഫോട്ടോ സ്കാൻ ചെയ്തു ആശംസ നേർന്ന അമ്മയോട് “ഉടുപ്പില്ലാത്ത എന്റെ ഫോട്ടോ എന്തിനിട്ടു ” എന്ന് പറഞ്ഞു വഴക്കടിക്കുന്ന ഒരു ഗ്രാമ പശ്ചാത്തലത്തിൽ നിന്നിതെഴുതുമ്പോൾ കാണുന്നത്  
മനസ്സിൽ വേറെന്തൊക്കെയോ ഒളിപ്പിച്ചു വെച്ച് ജീവിതത്തിലും അഭിനയിക്കുന്നകുറച്ചു പേരെയാണ്  ..എന്തിനു വേണ്ടി ആർക്കു വേണ്ടി …

 
ഇവിടെ നാട്ടിൻപുറത്തു പുഴക്കരയിലേക്കു നടന്നു പോകുമ്പോൾ , ചിലർ ചോദിക്കാറുണ്ട് .. ” കുളിക്കാൻ പോകുകയാണല്ലേ ” .. രാവിലെ ബാഗുമായി സ്‌കൂളിലേക്ക് നടന്നു പോകുമ്പോൾ ഉറപ്പായും ഒരു ചോദ്യം വരും ” സ്‌കൂളിലേക്കാ ? ” .. അനാവശ്യമായി എന്തിനിത്ര ചോദ്യങ്ങൾ എന്ന് പലപ്പോഴും ആലോചിച്ചിട്ടുണ്ട് … പിന്നെപ്പിന്നെ അത് മനസിലായി .. അങ്ങോട്ടുമിങ്ങോട്ടും എന്തെങ്കിലുമായി സംസാരിക്കാൻ വേണ്ടിയാണ് അത്തരം സന്ദർഭങ്ങൾ എന്ന് ..

 
ഇപ്പോഴും ഒന്നോ രണ്ടോ മണിക്കൂർ എങ്ങോട്ടെങ്കിലും പോകുകയാണെങ്കിൽ വീട് തുറന്നിട്ട് പോകുന്ന അമ്മയെ കാണുമ്പോൾ ചോദിക്കാറുണ്ട്

.. ആരെങ്കിലും വല്ലതും എടുത്തിട്ട് പോയാലോ ?
ഏയ് .. അപ്പുറത്തെ വീട്ടിൽ ആൾക്കാരുണ്ടല്ലോ …

അപ്പുറത്തെയും ഇപ്പുറത്തെയും വീടുകളിൽ ചോറിനു കറി എന്താണെന്നുവരെ അന്വോഷിക്കുന്ന അമ്മയോട് പലപ്പോഴും പറയാറുണ്ട് …

“എന്തിനാണ് ഇങ്ങനെ സംസാരിക്കുന്നതു … നമ്മുടെ കാര്യം നോക്കിയാൽപ്പോരേ “

പക്ഷെ പതിയെ തിരിച്ചറിയുകയായിരുന്നു …

ഇവിടെ നാട്ടിൻ പുറത്തു അപ്പുറത്തെയും ഇപ്പുറത്തെയും വീടുകളിൽ ആരൊക്കെയാണ് വരുന്നത് … എന്താണ് കറി എന്ന് വരെ അറിയാം .. അത്രയും ആഴമുള്ളതാണ് ആ ബന്ധങ്ങൾ … രണ്ടു വർഷം ഒരു ഫ്ലാറ്റിൽ  താമസിച്ചിട്ടും അപ്പുറത്തെ ഫ്ലാറ്റിൽ ആരാണ് ഉള്ളതെന്ന് അറിയാത്ത സാഹചര്യം ഉള്ളപ്പോൾ ഓർക്കുന്നു ,

ചില നന്മകൾ നാടണയുന്നില്ലേ …. ………………… …

 

സജിത്ത്  

 https://www.facebook.com/iamlikethisbloger ;  iamlikethis.com@gmail.com

Digiprove sealCopyright secured by Digiprove © 2017 Sajith ph
Posted in നമുക്ക്‌ച്ചുറ്റും | Tagged | Comments Off on നാടണയുന്ന നന്മകൾ

അവരെന്തു വിചാരിക്കും ….

അവരെന്തു വിചാരിക്കും ....

ഈയടുത്തായി ഏറെ ചിന്തിപ്പിച്ച ഒരു വാക്കാണ്‌ .. ” അവരെന്തു വിചാരിക്കും ??? “

ഒരുപാട് പേർ പറയുന്നത് കേട്ടിട്ടുണ്ട് … ഇതു വായിക്കുന്നവരിൽ ഒരു പാട് പേർ  ഒരിക്കലെങ്കിലും പ്രകടിപ്പിച്ച ഒരു വികരമാവാം ” അവരെന്തു വിചാരിക്കും ….”

 

ഫോണ്‍ ചെയ്തിട്ട് കുറച്ചായി .. എന്ത് വിചാരിക്കുമോ ആവോ ..

 

ഒരു ലൈക് അടിച്ചേക്കാം .. അല്ലെങ്കിൽ … !!
അവിടെ ഒന്ന് പോകേണ്ടേ .. ഒന്നുമില്ലെങ്കിലും നാട്ടുകാരെ ഓർക്കണ്ടേ .. അവരെന്തു വിചാരിക്കും ??? “
മൂന്നു രൂപ ആയിട്ട് എങ്ങനെ ആണ് ടിപ് വെക്കുക ; പത്തു വെക്കാം .. ഏതു പിച്ചക്കാരൻ ആണ് മൂന്നു രൂപ ടിപ് വെച്ചിരിക്കുന്നത് എന്ന് വിചാരിക്കില്ലേ ..

വിളിച്ചിട്ട് എങ്ങനെയാ വെറും കയ്യോടെ പോകുക .. ആൾക്കാർ എന്ത് വിചാരിക്കും …

 
ഒന്നാം പിറന്നാളിന് വിളിച്ചിട്ട് എങ്ങനെ ആണ് ഡ്രസ്സ്‌ കൊടുക്കുക .. കുട്ടിയെ കാണാൻ പോയ സമയത്ത് അത് കൊടുത്തില്ലേ .. പോരാത്തതിനു ബാക്കിയുള്ളവർ സ്വർണം കൊടുക്കുമ്പോൾ നമ്മൾ മാത്രം ഒരു തരി സ്വർണം പോലും ഇല്ലാതെ .. അവരെന്തു വിചാരിക്കും …

 

ഇരുപതു രൂപ റീചാർജ് ചെയ്തു കൊടുക്കാനാ പറഞ്ഞെ .. പക്ഷെ എങ്ങനെ ആണ് ഇരുപതായിട്ടു .. അവളെന്തു വിചാരിക്കും …
എന്തെങ്കിലും ഒരു കറിയും ചോറും മതിയെന്നാണ് പറഞ്ഞത് .. എന്നാലും വരും എന്നൊക്കെ കാലേകൂട്ടി വിളിച്ചു പറഞ്ഞ സ്ഥിതിക്ക് ..വെറും ഒരു കറി മാത്രമായി .. ഛെ ..അവരെന്തു വിചാരിക്കും …
അഞ്ഞൂറ് രൂപ കടമായിട്ട് ചോദിച്ചതാണ് .. എന്നാലും അവരുടെ കയ്യിൽ ഒട്ടും ഇല്ലാഞ്ഞിട്ടല്ലേ .. ആയിരം എങ്കിലും കൊടുക്കണം … എല്ലാം അറിഞ്ഞറിഞ്ഞ് നമ്മൾ .. അല്ലെങ്കിൽ അവരെന്തു വിചാരിക്കും ….

ബാക്കിയുള്ളവർ എന്ത് വിചാരിക്കും എന്ന് എങ്ങനെ കൃത്യമായി പറയാൻ ആകും .. അവർ പലതും വിചാരിച്ചോട്ടെ അല്ലെങ്കിൽ വിചാരിക്കാതെ ഇരുന്നോട്ടെ .. നാം ചെയ്യാനുള്ളത് നമ്മൾ ചെയ്യുക … ഓരോരുത്തരുടെയും വികാര വിചാരങ്ങൾ നോക്കി ജീവിക്കാൻ നിന്നാൽ അതെവിടെയും എത്തില്ല ..

ജീവിതത്തിൽ ചിലപ്പോഴെങ്കിലും മറ്റുള്ളവരെ ബോധ്യപ്പെടുത്താൻ ആയി ചിലതെല്ലാം ചെയ്തെന്നു വരാം .. പക്ഷെ അത് അപൂർവ്വം മാത്രമാകണം .. അല്ലെങ്കിൽ ആരുടെയൊക്കെയോ ചിന്താഗതികളെ ഓർത്തു നഷ്ട്ടപ്പെടുതുന്നത് നമ്മുടെ സമാധാനവും സമയവും ഊർജ്ജവും ആണ് .. ആരെയും ബോധിപ്പിക്കാനോ മറ്റുള്ളവരെ സന്തോഷിപ്പിക്കാനോ നാം റിസ്ക്‌ എടുക്കുമ്പോൾ അവിടെ ഒരൽപ്പമെങ്കിലും എന്തൊക്കെയോ നഷ്ടമാകുന്നത് നമുക്ക് തന്നെയാണ് …

നമ്മൾ എന്ത് ചെയ്യുന്നു എന്ത് ചെയ്യുന്നില്ല എന്നോർത്ത് ഇരിക്കുക അല്ല മറ്റുള്ളവരുടെ പണി .. അല്ലെങ്കിൽ ഒരു പക്ഷെ അവരെന്തു വിചാരിച്ചാലും പറഞ്ഞാലും ഒന്ന് രണ്ടു വട്ടം അത് ശ്രദ്ധിക്കാതെ ഇരുന്നാൽ അത് കഴിഞ്ഞു ..
ഒരുപാട് പേരെ കണ്ടിട്ടുണ്ട് ; ചുറ്റുമുള്ളവർ എന്ത് പറയും അവരെന്തു വിചാരിക്കും എന്നെല്ലാം ഓർത്തു എന്തൊക്കെയോ കാട്ടി കൂട്ടുന്നവർ ..ചുറ്റുമുള്ളവർ എന്ത് വിചാരിക്കും എന്ത് പറയും എന്നൊക്കെ ആവശ്യത്തിൽ കൂടുതൽ ചിന്തിക്കാൻ തുടങ്ങിയാൽ നിരാശപ്പെടാൻ മാത്രമേ നമുക്ക് സമയം കാണൂ ..

 
ജീവിതം ജീവിക്കാനുള്ളതാണ് ആരെയും ബോധ്യപ്പെടുത്താൻ ഉള്ളതാവരുത് .. ഒരളവിൽക്കൂടുതൽ മറ്റുള്ളവരുടെ ചിന്താഗതികളെ ഓർത്തു നീങ്ങാൻ തുടങ്ങിയാൽ അത് അഭിനയമാകും .. ജീവിതത്തിൽ അഭിനയിക്കണോ അതോ ജീവിക്കണോ ?

സജിത്ത്  

 https://www.facebook.com/iamlikethisbloger ;  iamlikethis.com@gmail.com

Digiprove sealCopyright secured by Digiprove © 2015 Sajith ph
Posted in നമുക്ക്‌ച്ചുറ്റും | Comments Off on അവരെന്തു വിചാരിക്കും ….

നാമെത്ര വിചിത്രർ ….

നാമെത്ര വിചിത്രർ ....
എന്തൊക്കെ പറഞ്ഞാലും   ചിലത്  പറഞ്ഞില്ലല്ലോ എന്ന്  കുറ്റം പറയുന്ന ചിലർ ..  ഒരുപാടൊക്കെ  കൊടുത്താലും  കൊടുക്കാതിരുന്നതിനെ  മാത്രം കാണുന്ന  മറ്റു ചിലർ …..
 
 
ഈ ലോകത്തിൽ ഏറ്റവും  ബുദ്ധിമുട്ട് എന്തിനായിരിക്കാം  ?  ….
 
 
എവറസ്റ്റ് കേറാൻ  ?     കാശുണ്ടാക്കാൻ   ?
നീലക്കുറിഞ്ഞി പൂക്കളുടെ  ഗന്ധങ്ങൾ ആവാഹിച്ച് അന്തിയുറങ്ങാൻ  ? അതൊന്നുമല്ല  …….     പിന്നെയോ   .. .  ? …
 
സംതൃപ്തി  …   അതുണ്ടാകാൻ അല്ലെങ്കിൽ സംതൃപ്തി തോന്നുന്ന ഒരു മനസ് ഉണ്ടാക്കി എടുക്കാൻ …
 
കുറെ നാളുകളായി  അസ്വസ്തമാകുന്നത് അസംതൃപ്തരായ  ആളുകളോട് സംസാരിക്കുന്ന നിമിഷങ്ങളിൽ ആണ്  .. എന്ത് കൊണ്ടാണ് ആൾക്കാർ  സംതൃപ്തി കണ്ടെത്താൻ ഉള്ള ഒരു മനസ് ഉണ്ടാക്കാൻ ശ്രമിക്കാത്തത്  അല്ലെങ്കിൽ  തൃപ്തി ആകാത്തത്  എന്ന ചിന്ത   നിരാശയിലാണ്   പരിസമാപ്തയിലെക്കെത്താറുള്ളത്  … …
 
എന്ത് കിട്ടിയാലും തൃപ്തി വരാത്ത മനുഷ്യർ  .. ഉള്ളതിൽ ഒരിക്കലും സന്തോഷം ഇല്ലാത്ത  ചപലർ  …   
 
 
നമ്മളിൽ പലരും ഇതുപോലെയാകാം …   അത് മറ്റുള്ളവർക്ക്      സമ്മാനിക്കുന്ന വേദനയുടെ ഒരംശം  പകർന്നു തരുക എന്നതല്ല ഈ കുറിപ്പിന്റെ ഉദ്ദേശ്യം  .. മറിച്ച്  നമ്മളിൽ ആരെങ്കിലും  അറിയാതെ സൃഷ്‌ടിച്ച അത്തരം  സാഹചര്യങ്ങളെ  ഇനിയെങ്കിലും സൃഷ്ട്ടിക്കാതിരിക്കുക എന്നത് മാത്രമാണ്  …
 
 
 
നേരം വൈകിയെത്തിയ  മൊബൈൽ ഫോണ്‍ സംഭാഷണം അവസാനിച്ചത്‌  അടുത്ത ബന്ധു ആശുപത്രിയിലാണ്  എന്ന അറിയിപ്പിലാണ് .. കേട്ട പാടെ  എന്താണ്  സംഭവിച്ചത്   എന്നൊക്കെ അറിയാനായി  ഫോണ്‍ വിളിച്ചു ചോദിച്ചു …
 
കയ്യിൽ  പൈസയുണ്ടോ  … എങ്ങനെ ഉണ്ട് ..  എന്നെക്കൊണ്ട് ചെയ്യാൻ പറ്റുന്ന എന്തെങ്കിലും ഉണ്ടെങ്കിൽ പറയാൻ മടിക്കരുത്  എന്നൊക്കെ   രണ്ടു മൂന്നു ദിവസം വിളിച്ചു ചോദിച്ചു …
 
പിന്നീടൊരിക്കൽ നടന്നു പോകുകയായിരുന്ന  എനിക്ക് മുന്നിലേക്ക്‌ ഒരു തല ചോദിച്ചു
  .. എന്നാലും ഞാൻ ഹോസ്പിറ്റലിൽ ആണ് എന്നറിഞ്ഞിട്ടു  ഒന്ന് വന്നു കണ്ടില്ലല്ലോ  …
 
അതിനു  ഞാൻ  ഇപ്പോൾ  തിരുവനന്തപുരത്താണ് …
 
എന്നാലും  ട്രെയിൽനിൽ  ഒന്ന് വരാൻ എട്ടൊമ്പതു മണിക്കൂറല്ലേ  എടുക്കൂ ..   കാണാൻ വരുമെന്ന് ഞാൻ വിചാരിച്ചു .. അപ്പോൾ തന്നെ  മടങ്ങുകയും ചെയ്യാമല്ലോ … അല്ല സൌകര്യങ്ങളൊക്കെ ആയപ്പോൾ  ബന്ധുക്കളൊന്നും വേണ്ട അല്ലെ  ..
 
എന്ത് പറയണം  ചെയ്യണം  എന്നറിയാത്ത ഒരു വികാരം  ആ സന്ദർഭം അവസാനിപ്പിച്ച്‌ മടങ്ങിയെങ്കിലും  .. അതെന്നെ കൂടുതൽ അസ്വസ്ഥനാക്കി …  ശരിയാണ് ,  നാട്ടുകാരെ കാണിക്കാൻ  ഉള്ള  ഒരു ഷോ ഓഫിനു  മുതിർന്നില്ല  പക്ഷെ …@@
 
 
ആയിടക്ക്‌ നാട്ടിൽ എത്തിയപ്പോഴാണ്  അകന്ന ബന്ധത്തിലുള്ള  സാമ്പത്തികമായി അത്ര സ്ഥിതിയിൽ അല്ലാത്ത  ബന്ധുവിനെപ്പറ്റി  അമ്മ സൂചിപ്പിച്ചത്   ..
 
ആ കല്യാണത്തിന് നമ്മളാൽ കഴിയുന്നത്‌ എന്തെങ്കിലും ചെയ്‌താൽ അതൊരു സഹായമാകും  … . ഞാനും വരാമായിരുന്നു  പക്ഷെ പശൂനേം നായിനെയും  ഇട്ടിട്ടു വന്നാൽ അവർ പട്ടിണിയാകും …
 
അങ്ങനെ അവിടേക്ക് പുറപ്പെട്ടു  ..  ആട്ടിൻ കാഷ്ടങ്ങളാൽ നിറഞ്ഞ കോലായിൽ ഒരൽപം  വൃത്തി തോന്നിയ സ്ഥലത്ത്  ഇരുപ്പുറപ്പിച്ചു  ..
 
നീ  എപ്പോഴാ  ജെർമ്മനിയിൽ നിന്നു വന്നെ  എന്ന ചോദ്യമാണ് ആ പരിസരത്ത് നിന്നു എന്നെ  ഉണർത്തിയത്  …
 
മൂന്ന് മാസം കഴിഞ്ഞതും വന്നു  .. അതിനുള്ളിൽ ആ പ്രൊജക്റ്റ് തീർന്നു  …
 
 ശമ്പളമൊക്കെ ലക്ഷങ്ങളിൽ ആയിരിക്കുമല്ലേ   … എന്തായാലും നന്നായി  നീ നേരായല്ലോ  …
 
എന്ത് പറയണം എന്നെനിക്കറിഞ്ഞില്ല  .. ദിവസവും തെങ്ങ് കേറുന്ന ഒരു തെങ്ങ് കയറ്റക്കാരന് കിട്ടുന്നതിൽ കൂടുതലൊന്നും  അവശേഷിക്കുന്നില്ല എന്ന സത്യം അവിടെ വിളംബെണ്ടാതായി തോന്നാത്തതുകൊണ്ട്  ഒരു മൌനത്തിൽ മറുപടിയൊതുക്കി  ..
 
അല്ല അമ്മ വന്നില്ലേ  …  ?
 
ഇല്ല .. അവിടെ പശുവും  നായ്ക്കളും ഉണ്ടല്ലോ .. അതുകൊണ്ട്  ..
 
 അവറ്റെയൊക്കെ  വിറ്റൊളാൻ ഞാൻ  നിൻറെ അമ്മയോട് കുറെ വട്ടം പറഞ്ഞതാ  ..  ഇരുപതു ഉറുപ്പിക കൊടുത്താൽ  പാല് കിട്ടും അപ്പോഴാ  ..
 
 മടിയോടെ  ഒരു കവർ നീട്ടി  അവരോടു പറഞ്ഞു … ഇതിൽ ഇരുപതിനായിരം രൂപയുണ്ട് .. കല്യാണത്തിന്  എന്തിനെങ്കിലും ഉപകരിക്കും …
 
അവരുടെ മുഖത്ത്  അഞ്ഞൂറ് വാട്ട്സിന്റെ  കുറവ് എനിക്ക് അനുഭവപ്പെട്ടു  ..  എന്നിൽ നിന്നും വേറെ എന്തോ പ്രതീക്ഷിച്ചിരുന്നോ എന്ന ചിന്ത മനസ്സിൽ വന്നെങ്കിലും  ഉടനെ അവർ പറഞ്ഞു    …
 
ആ നേരെ കാണുന്നത്  പൂക്കാരന്റെ വീടാണ്  .. കല്യാണ ദിവസം വേണ്ട പൂക്കൾ മുഴുവൻ അയാൾ തരാമെന്നു  പറഞ്ഞിട്ടുണ്ട് .. പത്തഞ്ഞൂറു രൂപയെങ്കിലും  ആകുമായിരിക്കും .. അയാളുടെ നല്ല മനസ്  ദൈവം കാണട്ടെ . കാശുണ്ടായാൽപ്പോരല്ലോ അത് കൊടുക്കാനുള്ള മനസും വേണ്ടേ …    അല്ലെ …
 
മോൻ ഉണ്ടിട്ടു പോയാൽ മതി .. ഞാൻ അതിനുള്ളത് നോക്കട്ടെ ..
 
അല്ല , അത് വേണ്ട  .. പിന്നീടാവാം  .. ഞാൻ ഇറങ്ങട്ടെ  ..
 
അപ്പോഴാണ്  പത്തെമ്പത്  വയസായ ഒരു സ്ത്രീ  നടന്നു വരുന്നത്  ശ്രദ്ധിച്ചത് .. എന്ത് പറയണം എന്നറിയാത്തതുകൊണ്ട്   ഞാൻ ചോദിച്ചു ..
 
“മുത്തശീ സുഖമല്ലേ .. “
 
എന്ത് സുഖം മൊനേ ..  ഒന്ന് മുറുക്കാൻ  ഉറുപ്പിക ഇരുപതു വേണം .. വയസായാൽ എല്ലാവർക്കും  എല്ലാം  ഒരു ഭാരമാണ് ..  .കലികാലം  ..
 
എന്ത് മറുപടി പറയണം എന്ന് ആലോചിക്കുന്നതിനു മൂൻപു എന്നോട് ആദ്യം സംസാരിച്ച സ്ത്രീ പറഞ്ഞു ..
 
 കല്യാണത്തിന് നേരത്തേ വരണം ട്ടോ  …
 
അങ്ങനെ അവിടെ നിന്നും മറുപടി പറഞ്ഞു  വീടിലേക്കുള്ള യാത്രയിൽ പഴയ ഒരു സ്നേഹിതനെ കണ്ടു  ..
 
കണ്ട പാടെ അവൻ എന്നോട് ചോദിച്ചു .. നീ കാറ് എപ്പോൾ എടുത്തു  ..
 
ഇല്ലടാ  .. ഇതു സെക്കണ്ട് ഹാൻഡ് ആണ്  ..
 
ഭാവിയിൽ ബസ്‌ സ്റ്റാന്റ് വരാൻ പോകുന്ന സ്ഥലത്തിനടുത്ത് പതിനെഞ്ഞ്ജു സെന്റു സ്ഥലം  അവൻ വാങ്ങിയതും .. അവിടെ ഷോപ്പിംഗ്‌   കൊമ്പ്ലക്സ് ഉണ്ടാക്കണമെന്നും   ഒക്കെ പറയുന്നതിനിടയിൽ  മടിയോടെ ഞാൻ ചോദിച്ചു  ..
 
  ഡാ നീ ഗൾഫിൽ പോകാൻ സമയത്ത് എന്നോട് വാങ്ങിയ 15000 രൂപ  …
 
അന്ജജു വര്ഷം മുൻപത്തെ  ചില്ലറ കണക്കൊക്കെ  നീ ഇപ്പോഴും ഓർത്തു വെച്ചിരിക്കയാണോ  .. എന്നും പറഞ്ഞു അവൻ ചിരിച്ചു  ..
 
തിരിച്ചു വീട്ടിൽ എത്തിയപ്പോൾ  എന്തോ തെറ്റ് ചെയ്തതായി കണ്ട  മുഖഭാവങ്ങൾ കണ്ടപ്പോൾ   ചോദിച്ചു  .. എന്ത് പറ്റി  .. എന്താണ് പ്രശ്നം ..
 
നീ  അവിടേക്ക് പോയപ്പോൾ വെറും   കയ്യോടെ   ആണോ   പോയെ   …
 
എവിടേക്ക്   ?
 
കല്യാണ വീട്ടിലേക്കു  ..
 
അല്ല   ഞാൻ പൈസ കൊടുത്തിരുന്നു    …
 
അതല്ല .. വയസായ ഒരു തള്ള ഉള്ള വീടല്ലേ .. എന്തെങ്കിലും ബേക്കറി സാധനം കരുതാമായിരുന്നു  ..
 അവൾ വിളിച്ചിരുന്നു …  ഒരു പവൻ വാങ്ങാനുള്ള   കാശെങ്കിലും കൊടുക്കാമായിരുന്നില്ലേ  …  പിന്നെ   ആ മുത്തശി വെറ്റില വാങ്ങാൻ എന്തെങ്കിലും  ചോദിച്ചിട്ടും നീ ഒന്നും കൊടുത്തില്ലത്രേ …ഒരു അമ്പതു രൂപ അവർക്ക് കൊടുക്കാമായിരുന്നില്ലേ   ഈ ചെറിയ കാര്യങ്ങളൊക്കെ നീ  ശ്രദ്ധിക്കണ്ടേ ..
 
നാമെത്ര  വിചിത്രർ  ……
 
എന്തൊക്കെ പറഞ്ഞാലും   ചിലത്  പറഞ്ഞില്ലല്ലോ എന്ന്  കുറ്റം പറയുന്ന ചിലർ ..  ഒരുപാടൊക്കെ  കൊടുത്താലും  കൊടുക്കാതിരുന്നതിനെ മാത്രം കാണുന്ന  മറ്റു ചിലർ … ഒന്നിലും തൃപ്തി വരാത്ത കുറെ മനസുകൾ  … വന്ന വഴി മറക്കുന്ന ഒരുപാട് പേർ  …   ചിലപ്പോഴെല്ലാം  തോന്നുന്നു ഞാനീ സ്ഥലത്ത് ജനിക്കേണ്ട  ഒരാൾ ആയിരുന്നില്ലേ എന്ന്  …
 

സജിത്ത്  

 https://www.facebook.com/iamlikethisbloger ;  iamlikethis.com@gmail.com

Digiprove sealCopyright secured by Digiprove © 2015 Sajith ph
Posted in കഥ/കവിത | Comments Off on നാമെത്ര വിചിത്രർ ….