വെറുക്കപ്പെട്ട സാറാ ,
തുടര്ന്ന് വായിക്കാന് ഇരിക്കുന്നതിനു മുമ്പ്, പതിനഞ്ചു മിനിറ്റ് ചിലവഴിക്കാന് ഉണ്ട് എന്ന് ഉറപ്പു വരുത്തുമല്ലോ , പിന്നെ വീഡിയോ കാണാനായി/കേള്ക്കാനായി സ്പീക്കര് അല്ലെങ്കില് ഇയര് ഫോണ് എടുത്തു വെക്കാനും മറക്കരുത് .. ഇയാള് അവതരിപ്പിച്ചു കലക്കിയെടുത്തെന്നു അവകാശപ്പെടുന്ന ഭാഗങ്ങള് ഒന്ന് കണ്ടു നോക്കാനായാണ് പതിനഞ്ചു മിനിറ്റ്.
സാറ ഉള്പ്പെടുന്ന പുതിയ ആള്ക്കാരും , കാശുമുടക്കുന്ന പാവം നിര്മ്മാതാവ്/ഹതബാഗ്യയും വായിച്ചറിയാന് , ഒട്ടനേകം പ്രേക്ഷകര്ക്ക് വേണ്ടി , മലയാള മണ്ണിനെയും മലയാളത്തനിമയെയും സ്നേഹിക്കുന്ന , പിന്നെ ടേസ്റ്റ് ഓഫ് കേരളാ എന്നാ പരിപാടിയെ ഒരുപാടോരുപാട് ഇഷ്ട്ടപ്പെട്ടിരുന്നതുമായ പക്വതയില്ലാത്തവന് എഴുതുന്നത് …ഇയാള്ക്ക് മലയാളം വായിക്കാന് അറിയില്ല്യ എന്നറിയാമെങ്കിലും , എനിക്ക് ഇംഗ്ലീഷ് എഴുതാനും അറിയില്ല്യ .. …അതുകൊണ്ട് തന്നെ മലയാളം അറിയുന്ന ആരോടെങ്കിലും വായിപ്പിക്കുക സംശയം വല്ലതും ഉണ്ടെങ്കില് ഇംഗ്ലീഷ് – മലയാളം ഡിക്ഷ്ണറി നോക്കുമല്ലോ …
അമൃത ചാനെലില് അവതരിപ്പിക്കുന്ന/അല്ല പേക്കൂത്ത് നടത്തി ഞങ്ങളെയൊക്കെ വെറുപ്പിച്ചു കൊണ്ടിരിക്കുന്ന ടേസ്റ്റ് ഓഫ് കേരളാ , എന്നാ പരിപാടി, ഒട്ടനേകം പ്രേക്ഷകരെപ്പോലെ കഴിഞ്ഞ കുറെ നാളുകളായി കണ്ടുകൊണ്ടിരിക്കുന്ന ഒരു സാധാരണ പ്രേക്ഷകന് എഴുതുന്നത് .. പ്രതികരണശേഷി ഉണ്ടായിട്ടും ക്ഷമിക്കാവുന്നതിന്റെ പരമാവധി ക്ഷമിച്ചും , ഉപദേശിക്കാവുന്നതിന്റെ പരമാവധി ഉപദേശിച്ചും , അപേക്ഷിക്കുന്നതിന്റെ നെല്ലിപ്പലകയുടെ അടിയില് കേറി നിന്ന് യാചിച്ചും ഒരുപാടൊക്കെ ശ്രമിച്ചതാണ് …പക്ഷെ “എന്നെത്തല്ലണ്ട അമ്മാവാ ഞാന് നേരാവില്ല ” എന്നപഴമൊഴി അന്വര്ത്തമാക്കി ഒരു ഡ്രാക്കുള പോലെ പറന്നു വീണു , വളരെ നല്ല രീതിയില് നടന്നുകൊണ്ടിരുന്ന ഒരു പരിപാടിയെ കുളമാക്കുന്നതിന്റെ അപ്പുറത്ത് കേറിവാഴ നട്ടിരിക്കുമ്പോള് ഒരു ചോദ്യം , ഇയാളുടെ ശത്രുക്കള് വലതുമാണോ ഇതിന്റെ കാശ് മുടക്കിയിരിക്കുന്നത് ? നിങ്ങള് കാണിക്കുന്നതോക്കെയും യാതൊരു പ്രതികരണവുമില്ലാതെ എല്ലാ കാലത്തും കണ്ടിരിക്കാമെന്ന് ഞങ്ങള് ആര്ക്കും വാക്ക് കൊടുത്തിട്ടില്ല്യ ..
കഴിഞ്ഞ ആഴ്ച ഇയാള് യാതൊരു ഉളുപ്പുമില്ലാതെ പേക്കൂത്ത് നടത്തിയ ഭാഗങ്ങള് എല്ലാരും കാണുന്നതിനായി താഴെ കൊടുക്കുന്നു … ആ വീഡിയോ കേറി ഡിലീറ്റ് ചെയ്യരുത് , അത്രയും തതരം താണ പ്രവര്ത്തി ചെയ്യില്ല്യ എന്ന വിശ്വാസത്തോടെ അത് കാണാത്തവര്ക്ക് താഴെ കൊടുക്കുന്നു ..
ഒടുക്കം എന്നാ ഭാഗത്ത് , അവസാനം ചിലങ്ക എടുത്തു അട്ടഹസിക്കുന്ന ചിരി ഇപ്പോളും കേള്ക്കുന്നു …
ഉണക്കലരി എന്ന് പറഞ്ഞാല് അത് ഒരു മഹാ സംഭവമല്ല …ഇവിടുത്തെ എല്ലാവര്ക്കും അതറിയാം … , കുട്ടി ഒന്ന് ചെയ്യൂ , താമസിക്കുന്ന ഫ്ലാറ്റിന്റെ താഴെ ചെന്ന് നിന്ന് അതിലെ പോകുന്ന ഏതെങ്കിലും മുലകുടി മാറാത്ത കുട്ടിയോട് ചോദിക്കൂ , അവര്ക്ക് പോലും ചിലപ്പോള് പറയാന് കഴിയും ..അല്ലാതെ ഉണക്കലരി , ഉഗാണ്ടയില് വിളയിച്ചു ആഫ്രിക്കയിലെ വെയിലത്ത് വെച്ച് ഉണക്കി ഭാരതത്തിലേക്ക് ഇറക്കുമതി ചെയ്യുന്ന ഒരു സംഭവമല്ല ….
പിന്നെ മുന്തിരിങ്ങ , ഇയാളുടെ ഭാഷയില് പറയുകയാണെങ്കില് ഒരു ഗയ് /ഗള് അല്ല , മുന്തിരി ഒരു മനുഷ്യനല്ല .. അത് ഇയാളുടെ ഭാഷയിലെ ഗ്രൈപ്സു അല്ലെങ്കില് കിസ്മിസിനു മലയാളത്തില് പറയുന്നതാണ് .. ഇതു പറയാന് കാരണം “മുന്തിരി വറുത്തു വെച്ച അണ്ടിപ്പരിപ്പ്, എന്ന് പറഞ്ഞത് കേട്ടു… മുന്തിരി എന്ന മനുഷ്യന് , അണ്ടിപ്പരിപ്പ് വറുത്ത് വെച്ച ശേഷം സ്ഥലം വിട്ടു എന്ന ഭാവത്തോടെ നില്ക്കുന്നത് കണ്ടപ്പോള് സത്യം പറഞ്ഞാല് സഹതാപം തോന്നി ..മുന്തിരിങ്ങയെടുത്തു ഇതെന്താണെന്നു ചോദിക്കുന്ന ഭാഗം വീഡിയോയില് ഉണ്ട് .. അത് കൊണ്ട് പറഞ്ഞു പോയതാണ് … പരിപാടിയില് ഉപയോഗിക്കുന്ന സാധങ്ങളുടെ മലയാള പദം , അല്ലെങ്കില് അത് എന്താണ് എന്നതിനെപ്പറ്റി സാമാന്യ വിവരം പോലും ഇല്ലാതെ മലയാളത്തിലെ നല്ല രീതിയില് നടന്നു വന്നിരുന്ന പാചക പരിപാടിയില് കേറി “ഇയാള് അവകാശപ്പെട്ട പോലെ , ഇളക്കാന് എന്നെക്കഴിഞേ ആളുള്ളൂ” എന്ന് പറഞ്ഞിളക്കി നില്ക്കാന് അത്രക്കും തൊലിക്കട്ടിയുണ്ടെന്നു കണ്ടാല് പറയില്ല്യട്ടോ
പിന്നെ ആ പരിപാടിയില് പുറകു വശത്ത് കേള്ക്കുന്ന സംഗീതവും ഇയാളുടെ അവതരണവും കൂടിയായപ്പോള് ഏതാണ്ട് ഈപാട്ടുകേള്ക്കുന്ന ഒരവസ്ഥയാണ് മിക്ക പ്രേക്ഷകര്ക്കും തോന്നിയത് … ഈ പാട്ടു പോലെ തന്നെ , താങ്കളുടെ ടാലെന്റ് മറ്റു വല്ല പരിപാടിക്കും ഉപയോഗിക്കുന്നതല്ലേ നല്ലതെന്നു ചോദിച്ചു ഞങ്ങള് മടുത്തു ..
ഇനിയിപ്പോ ഈ പരിപാടിയുടെ സംവിധാകയന്റെ/നിര്മ്മാതാവിന്റെ വളരെ അടുത്ത് ഒആരെങ്കിലുമാണ് ഇയാളെങ്കില് , എന്തെങ്കിലും കടപ്പാടിന്റെ പേരില് ആണ് ഈ പരിപാടിയുടെ അവതരണം ഏല്പ്പിച്ച്തെങ്കില് അതിനു ഇതു കണ്ടുകൊണ്ടിരിക്കുന്ന പ്രേക്ഷകര് എന്ത് കുറ്റം ചെയ്തു എന്ന് രാത്രി ബര്ഗ്ഗര് കഴിച്ചു കിടക്കുമ്പോള് ഒന്നാലോചിക്കുക..പിന്നെ ഒന്നോകൂടെ കണ്ടു പരിപാടിയില് ഉടനീളം മുഖത്ത് വീണു കിടക്കുന്ന കാര്കൂന്തല് എടുത്തു വീണ്ടും ഒന്നൂടെ വളച്ചു തിരികെ നെറ്റിയിലേക്ക് ഇടരുന്നതും , ഇതിന്റെ ക്യാമറമാന് അതൊക്കെ ഒട്ടും മിസ്സാകാതെ കാണിച്ചുകൊണ്ടിരിക്കുന്നതും ഞങ്ങള് ഒരു പാചക പരിപാടി കാണാന് അറിയാതെ ഇരുന്നു പോയതാണ് ,…അല്ലാതെ ഇയാളുടെ ഫാഷന് ഷോ കാണാന് ഇരിക്കുന്നവരല്ല …
പറ്റുമെങ്കില് വല്ല ഫാഷന് അധിഷ്ട്ടിതമായ പരിപാടികള് അവതരിപ്പിച്ചു മുന്നെറുന്നതല്ലേ നല്ലത് ? അല്ല ഞങ്ങള് കുറ നാളുകളായി ഇതു കണ്ടു കൊണ്ടിരിക്കുന്നത് കൊണ്ട് ചോദിച്ചുപോയതാണ് …
ഒന്നുകില് ഇയാള് മലയാളം പഠിക്കുക അല്ലെങ്കില് ഞങ്ങള് ഇംഗ്ലീഷ് പഠിക്കണം , പക്ഷെ ഒരു മലയാളം ചാനെലില് ആണ് താങ്കള് പരിപാടി അവതരിപ്പിക്കുന്നത് എന്നത് കൊണ്ടും , പിന്നെ ഇതൊക്കെ കുറെ വട്ടം പലരും ഉപദേശിചിരിക്കുന്നതുകൊണ്ടും ഏതാണ് നല്ലത് ?
ഇത്തരമൊരു കത്തിന്റെ ആവശ്യം എന്ത് എന്ന് ചോദിച്ചാല് , തെറ്റ് കണ്ടാല് അത് പറയാതിരിക്കാന് ആവില്ല്യ…സര്വ്വോപരി പണ്ട് തുടങ്ങി ആ പരിപാടിയെ ഒരുപാടൊരുപാട് ഇഷ്ട്ടപ്പെട്ടുപോയതാണ് … തകര്ച്ച യുടെ അവസാനത്തില് എത്തി നില്ക്കുമ്പോള് , മൃതപ്രായമായ ഒരു സ്മാരകത്തിന് അന്തിമോപചാരം അര്പ്പിക്കുക എന്നൊരു സാമാന്യ മര്യാദയുടെ പുറത്തു ചെയ്തു പോകുന്നതാണ് ..അതുകൊണ്ട് , ഈ കത്തൊരു റീത്ത് ആണ് ….
ഒരു ഡ്രാക്കുള കണക്കെ , നല്ല രീതിയില് നടന്നു വന്നിരുന്ന പരിപാടിയുടെ നെഞ്ചത്ത് കേറി , അട്ടഹാസിച്ചു അതിനെ ഈ വഴിക്ക് ആക്കിയതിന് , ഇതില്ക്കൂടുതല് ഇയാള് അര്ഹിക്കുന്നു …
പിന്നെ ഉള്ളത് പറയാമല്ലോ , ഈ പരിപാടി ഇത്തരത്തില് കുളമാക്കിയത്തിനു ഇതിന്റെ പുതിയ കാമെറമാന് പ്രത്യേക പരാമര്ശം അര്ഹിക്കുന്നു …
നിര്ത്തുന്നു …. ഒട്ടനേകം പ്രേക്ഷകര്ക്ക് വേണ്ടി ഉള്ള സത്യം ഹൃദയത്തില് തട്ടിയ വേദനയോടെ പറയേണ്ടി വന്ന ഹതഭാഗ്യന് …
പോകുന്നതിനു മുന്പ് , വല്ല വിരോധവും തോന്നിയെങ്കില് , ഹൃദയത്തില് തട്ടി ക്ഷമ ചോദിക്കുന്നു … ഒന്ന് ചിരിച്ചേ , ഇല്ലെങ്കില് ഇതുകണ്ടുനോക്കൂ
വീണ്ടും കാണും വരെ വിട ..
© 2011, sajithph. All rights reserved.